وجهة نظري ان ده يا فندم بسبب التوزيع المثالي للوزن, و مركز الثقل بردو...
واحد صاحبي معاه بي ام ع طول بيمشي 220 و ثباتها ما شاء الله
المانى يفوز فى الثبات
جسم السيارة بيقى تقيل
الجنوط تقيلة والكاوتش عريض
عفشة رياضية
عشان كده العربيات المرسيدس موديل 95 العيون لحد دلوقتي بتتباع ب 150 الف جنيه يعني بتمن كورولا 2011
يا دكتور عمرو ، حضرتك زعلتني :) انا كنت قريت لحضرتك رد قبل كده ان عربيتك المازدا الشكل الجديد 2010
ان المازدا 3 اريح في سواقتها من الفانتازيا و سواقة المازدا 3 ممتعة اكتر بكتير من الفانتازيا ، يا ترى انا فهمت غلط ؟ :)
انا كنت استغربت من كلام حضرتك لأني ركبت الفانتازيا وحسيت انها مريحة اكتر من المازدا ، وأفخم بكتير طبعا ، انا بس عايز افهم حضرتك كنت تقصد ايه لما قلت ان المازدا ممتعة في سواقتها واريح من الفانتازيا ؟ انا اصلا محتار بينها وبين المازدا بجد :)
لأن انا ناوي على مازدا 3 هاي لاين ب 163 ، والفانتازيا ب 170 فيها كل اللي موجود في المازدا (تقريبا) وزيادة كمان ، يعني الفرق 7000 بس ، وسمعت ان قطع غيارها ارخص بكتير من المازدا ، فكده هي تكسب المازدا ، بس كنت عايز اعرف قصد حضرتك ايه بموضوع انها ممتعة أكتر ؟ ولو حد يقدر يكون جرب الاتنين يقولنا الفروق والمميزات في كل واحده عن التانية، وشكرا جزيلا مقدما :)
انا حصل ليا الموضوع ده تلات مرات ... اول مره على 150 وكنت نص العربيه فى التراب و النص التانى على الاسفلت ..وطااااخ العجله فرقعت "لككككككن" مش انفجار بالمعنى الى الناس فاكراه ..يعنى العجله مش اتقطعت 100 حته بقى و بتاع لا ...قطع فى العجله بيكون كبير شويه ..بيخلى الهواء يخرج منها بسرعه جدا ...
الموقف ده كان باوكتافيا..
نفس الموقف و على سرعه مش فاكر كام بس اعتقد ازيد ...بفيكترا و بردو محصلش اى حاجه ...
تفسيرى للموضوع ان العربيات دى جنوطها 16 فلما العجله بتنام خااالص ...العربيه مش بتكون مايله اوى ناحيه العجله دى ...لان البروفايل بتاع الكاوتش قليل ...بالاضافه طبعا لتوزيع الوزن المثالى للعربيه...
المره التالته الى حصلى فيها الموقف ده ..كان بالاوكتافيا بردو ...
بس القطع كان كبير(حوالى 30 سم)
وكنت فى ملف ...وماشى حوالى 120
والنتيجه
العربيه لفت حوالين نفسها و دخلت فى السور وطلعت فوقه و مشيت بجمبها و نزلت فى الارض الزراعيه
ملخص الكلام الكتير ده
محدش يثق فى الكاوتش
انا دلوقت بقيت بفصل بين الثبات ...وانفجار الكاوتش
ياباشا مافيش زعل ولا حاجه :)
الاوكتافيا فخامه وشياكه وثبات
ولكن بصراحه بتخنق منها في وسط البلد بتكون مقرفه بجد
بسبب طبعا انها تقيله شويه في الطلعه لحد 40
تيجي تطلع تلاقي كل التاكسيات والميكروباصات دخلت قدامك :crying1:
بص لو بتحب الجري والشد وكده ما انصحكش بالفنتازيا خالص لأنها تقيله ومحتاجه طريق مفتوح واتفرج عليها
المازدا عربيه بتجمع الاتنين انها ممتعه وحركتها سريعه وخفيفه تنفع وسط البلد
وثابته جدا ع الطريق معك ل 170
بس ثبات عن ثبات تفرق
يعني هي مثلا افضل من السيراتو واللانسر والالنترا
ممكن تقول زي السيفيك
لو انت شاب وبتمشي في البلد كتير اتكل علي الله المازدا تكسب
لو انت بتحب تمشي بالراحه ومابتتخنقش من الزحمه هات الفنتازيا او لو بتسافر كتير
في النهايه برضو انا بحب المازدا اكتر
الراحه والمتعه اللي كنت اقصدهم انها حركتها سريعه وجميله وبتستجيب بسرعه
تحس انك العربيه جزء منك متحكم فيها بشكل كامل وسريع
الفنتازيا في الزحمه تخنقك في الموضوع ده
اي سؤال تاني في الخدمه
كمان مشكله في الفنتازيا الزجاج الخلفي مش بتشوف منه حاجه وانت بتركن تقريبا
بتركنها بالاحساس والتعود
ومع ذلك الالمانى لم ينجح بيننا فى مصر وهذا ما جعل قطع غياره غاليه فى حين ان الالمانى لو كان حظى بنجاح لاصبحت قطع غياره رخيصه جدا نتيجة سحبها . شعب غريب
مع احتراااااااامي الشديد لسوبارو بجد ، ومش بقلل من شأنها والله بالعكس عربية فوق الرائعة ،وعارف انها دفع اربع عجلات طول الوقت
بس المازدا 3 مش طبيعية في سواقتها و سوباروا نفسها كانت واخده المازدا 3 كمقياس ليها عشان تعرف تطور امبريزا 2012 في متعة القيادة والقدرة على المناورة والثبات !!!
الناس بره لما بيتكلموا في دقة القيادة والمناورة بيقارنوا اي عربية (في الفئة دي) في النقطة دي بالمازدا 3 !!
2012 Subaru Impreza First Look