مقارنه في الثبات بين الالماني والياباني ___شارك معانا

**dr.amr** · 24-04-2011 07:58 PM

حاجه ملاحظها ومستغربلها جدا

ليه في فرق دايما في الثبات بين الالماني والياباني في نفس الفئه

ركبت سيفيك وكورولا

وانا معايا مازدا3 شكل الجديد

اه بجيب بيهم 180 و 170 وبتكون العربيه ثابته ومتحكم فيها

لكن اركب فنازيا او جيتا وقارن بقي

180 في الفنتازيا مثلا كأني ماشي 60 في عربيه تانيه

حاجه غريبه جدا

والتحكم افضل بكتير من الياباني مع انهم نفس الفئه ونفس الحجم

ليه الفرق في الثبات ده والتحكم والاحساس بالسرعه

مع انهم نفس الفئه ونفس الفلوس تقريبا

اللي عنده تجربه ياريت يشارك ويقول

**ahmed_mido1889** · 24-04-2011 08:09 PM

يا باشا التصميم بيفرق

يعني مثلا في الجولف التصميم بتاعها مخلي مركز الثقل بتاعها نقطه وهميه تحت سطح الارض

**eng.m7md.ali** · 24-04-2011 08:10 PM

اختلاف نظام التعلييق

**gebreel** · 24-04-2011 08:19 PM

وزن العربية و الaerodynamics اللي الالمان بجد فنانين فيها

**ghazy12** · 25-04-2011 12:35 AM

موضوع الثبات في رأي بيتلخص في الآتي يا دكتور...

- عزل محترم
- تصميم و Aerodynamics (و يشمل حاجات كتييييير و منهم نظام التعليق)
- وزن
- Camber Angle
- الجنط (عرض الكاوتش و نوعه)
- انظمة الثبات (إن وجدت)

كل دي متغيرات بتتحكم في مدى احساس السائق بالسرعه و تحكمه في العربيه و الثبات طبعاً...

ده الموضوع باختصــار :))

**kar!m** · 25-04-2011 01:02 AM

بص من وجهة نظرى ده راجع لسببين:

أولا: التصميم الهندسى .. احنا كنا بندرس فى الميكانيكا حاجة اسمها مركز الثقل وده اللى مسؤل عن ثبات العربية .. يعنى اللى بيصمم العربية بيركز أوى فى تصميم و تحديد مركز ثقل العربية و عوامل تانية كتير مسؤلة عن الثبات زى حجم الجنوط و المسافة بين العجل و مقاموة الهواء و الحاجات دى كلها المهندسين الالمان شاطرين جدا فيها.

السبب التانى: ثقل صاج العربيات الالمانى .. الموضوع ده مكانش فى دماغى بس أول ما العربيات الكورى نزلت سنة 1993 أيام الهيونداى اكسل و السوزوكى سويفت كنت دايما أسمع الناس تقول يا عم دى عربيات ورق .. و الموضوع مكانش فى دماغى لحد ما رحت أشترى عربيتى الكورسا .. كنت رايح بعربية أخويا كيا سيفيا .. و أنا برفع كبود العربية الكورسا .. لقيتة تقيل جدا .. يمكن ضعف وزن كبود السيفيا مع ان السيفيا يمكن مرة ونص حجم كبود الكورسا .. لاحظت ان برضة الأبواب تقيلة و العربية كلها محملة .. كان معايا سوزوكى سويفت قبلها .. فرق شاسع.
لدرجة ان واحد صاحبى معاه تويوتا كورولا 2003 .. و فابريكة بالكامل .. رفارفها معروجة من غير خبطات ولاحاجة .. من ركن الناس عليها .. طبعا فى لبعربيات الألمانى مفيش الحاجات دى خالص.

**MOUSTAFA_SAAD** · 25-04-2011 01:09 AM

الالمان ملوك صناعة السيارات والتفوق فى كل حاجه مش الثبات فقط

**JapRuleZ** · 25-04-2011 01:31 AM

كلمة واحدة للى يفهمها : subaru impreza

2011 Subaru Impreza WRX STI Sets Nürburgring Lap Record

The fastest production sedan on nurburgring track
with 320 hp
2011 Subaru Impreza WRX STI Sets Nأ¼rburgring Lap Record - Feature - Auto Reviews - Car and Driver
Nأ¼rburgring lap times - Wikipedia, the free encyclopedia

**MAHDI** · 25-04-2011 01:02 PM

كل اللي قالوه الاخوة صحيح
الالماني ثبات ومتانة وتقنية وتكنولوجية متفوق تماما
لكن في حاجة غريبة جدا
في حالة الجري السريع جدا لحد 170 -180
لما يحدث لاسامح الله انفجار في احد الاطارات العربية زي البي ام دبليو او اوبل او مرسيدس
تبقى ثابنة لحد ما تركن عربييتك وتصلح الاطار
اي لايحدث اي شي العربية لاتفقد الاتزان ولا تنقلب
غريب جدا ؟؟

-

الموضوع: مقارنه في الثبات بين الالماني والياباني ___شارك معانا

LinkBack

أدوات الموضوع

عرض

مقارنه في الثبات بين الالماني والياباني ___شارك معانا - انشر الموضوع فى :

-

-

-

-

-

-

المواضيع المتشابهه

كابل كشف اعطال الكوري والياباني والالماني

مقارنة بسيطة بين تكييف السيارات الاوبل والياباني والكوري

الكلمات الدلالية لهذا الموضوع

المفضلات

المفضلات

ضوابط المشاركة