مشكلة فى سحــب دايــو رايســر موديــل 1994

**Hady** · 17-04-2008 03:56 PM

السلام عليكم
امبارح و انا سايق حسيت ان سحب العربيه مش قوى(دايو ريسر 94 اوتوماتك) فا ذهبت الى محطة بنزين شل الى على الاوتوستراد قرب المعادى الجديده عشان اقيس كبس الموتور.طلع 3 سلندر شغالين تمام و كبسهم 73% و فيه سلندر واحد (رقم3) قاطع تماما يعنى مابيكبس خاص(الكبس بتاعه 0).الفنى اللى قاس قالى ده جايب صباب و لازم يتفك و تركب صباب جديد أو أغير ال 4 صبابات و بالمره سير الكاتينه و جوان.فانا ماطمنتش و اتصلت بالميكانيكى بتاعى قالى مش لازم يكون صباب ممكن يكون اى حاجه تانيه بس لازم اشوف العربيه.المشكله انى الميكانيكى بتاعى مسافر و راجع على يوم الاح ان شاء الله .و انا عندى مشوار الى الاسكندريه النهارده (صد رد)ساألت الميكانيكى قولتله ينفع اروح اسكندريه بيها ولا لا قالى ينفع بس ما تقرصى عليها يعنى ينفع امشى بيها كده على 3 سلندر بس....فأنا قلقان اسافر بها كده ولا اركنها و اجر عربيه أحسن؟؟؟؟؟؟ و لو سافرت بيها كده فيه خطوره على الموتور ولا ايه؟؟
أرجو الرد بسرعه ان أمكن انا قاعد لحد الساعه 5...شكرا مقدما

.......................................
تم تغيير العنوان لمخالفته للقاعدة رقم 16

الإدارة - 3

برجاء مراجعة قوانين المنتـــدى
http://www.nilemotors.net/Nile/showthread.php?t=21391

**Nader** · 17-04-2008 04:04 PM

هي غريبة ان الكبس طلع 0% انا شاكك ان يكون

العيب من سلك البوجية ومش موصل كهربة خالص

علشان كدة فاصل.

عموماً بلاش برضة تسافر بيها لانة هيكون اجهاد على

الموتور لانة مصمم لحمل 4 سلندر مش 3 بس لو كان

مشوار بسيط كان ممكن انما سفر ورايح جاي منصحكش.

**MEDO80** · 17-04-2008 04:17 PM

اوعي علشان ما تبهدلش الموتور و تخرب السلندرات الي متبقية و بعدين امان لحضرتك و ربنا يسلم

**El.Hossieny** · 17-04-2008 04:47 PM

اياك تمشي علي العربية ب 3 سلندر بس

**Hady** · 17-04-2008 05:03 PM

السلام عليكم

أشكركم جميعا على سرعة استجابتكم و نصائحم ليل .ان شاء الله هاركنها لحد ماكشف عليه الاسبوع اللى جاى أنا عموما حطيت منظف الرشاشات (عبوه كده من شل ب 35) قلت ممكن يكون فيه سدد فى احد الرشاشات و فولت 92 و من هنا لحد يوم الحد ممكن اعمل مشوار بسيط و اشوف لحد مايجى الميكانيكى...
و لكن السؤال...هل ممكن يكون صباب بالرغم من انى مش بسمع اى صوت غريب من الموتور و لا ترزيع و لا حاجات من دى؟؟ و لو كده هادخل كده فى نص عمره و طقم شمبر و جوانات و خلاف و فى الحالة دى اطلع على التوكيل ولا أخلى الميكانيكى يتعامل؟؟
شكرا مره اخرى

**Nader** · 17-04-2008 05:05 PM

خلاص مع ان حكاية 0% غريبة

شوية دة معناة ان مفيش كبس نهائي!

طيب بلاش تسافر بيها بقى علشان متحملش

على الـ3 التانين ويخفوا هما كمان.

**Xpert** · 17-04-2008 10:03 PM

كبس 0% دي يعني مافيش بستم راكب :d الكبس طالما الموتور بيلف لازم يقرا ... ولا مش كده برضه ؟؟؟

**Hady** · 13-05-2008 05:26 PM

السلام عليكم جميعا
أولا معذرة انى باكتب متأخر نسبيا و لكن ده كان بسبب سفرى خارج مصر فى مأمورية عمل
المهم حبيت اكتب تجربتى مع المشكلة السابقة لعلها تفيد أحدز
أنا فعلا سمعت النصايح و ما سافرتش بالعربية و استنيت الميكانيكى بتاعى بس بصراحة عملت بيها مشوارين كده بالقاهرهز
المهم على اليوم التالت كده جاى طالع بيها مشوار و بكشف على الزيت لقيت ما فيش زيت فى الموتور كان معايا جركن زيت فيه يجى نصه كده حطيته اللى فيه كله فى الوتور وطلعت على اقرب بنزينة جنب البيت. و ا1 افاجأ بان دخان كثيف جدا ابيض يخرج من الشكمان ايقنت تماما ان الموتور فوت و بياكل زيت.فى البنزينه زودت زيت للمستو المطلوب و طلعت على الميكانيكى بتاعى شد خرطوم الفايض وجدنا دخنة جامده قوى .المهم فتحنا الموتور تاني يوم وجد ان البستم التالت جاب اخره و قالى كده محتجاين بستم و طقم شمبر و جلب بى ال.و الحمد لله الشمايز طلعت تمام ووش السلندر كمان.جبنا البستم الجديد و طقم شمبر و جلب جوان سلندر وجوان غطا التاكيهات و بالمره سير كاتينة و دينامو و الحمد لله اتلمت و اكد لى انى باقى البساتم تمام.
الحمد لله استلمت العربية منه بعد ما قام بتلينها على الواقف 20 لتر بنزين) و قالى يا ريت انا كمان احق 10 كده على الواقف بعده كده امشى عادة بس مازودش ال Rbm عن 2500 لحد ماحرق كمان 30-40 لتر بنزين. بعد كده اغير فلتر و زيت و امش عادى....
و الان:
أحب ان اقدم كل الشكر للاعضاء اللى افادونى بنصايحهم الغاليه
2-بالنسبه للزيت: تنصحونى استعمل ايه فى الحاة دى الموتور 1500 مو 94 عامله 277000كم
شكراز