رحت للمراكبي في جسر السويس و أول حاجة أخدت الكومبريسور في العربية و واحد من اللي شغالين عنده ركب معايا و رحنا لواحد في الحرفيين عشان يعمل قاعدة للكباس. القاعدة كانت جاهزة عنده و ثبتها في نفس أماكن المسامير اللي بين الكارتيرة و بلوك الموتور. و غيرت الطبمورة بواحدة اتنين سير و جبنا سير جديد للكباس. بعدين رجعنا جسر السويس عشان نكمل
دي صورة الحوض بعد ما ركب كل حاجة
ده الكباس
سربنتينة و مروحة بعيدة عن الرادياتير (مش قدام الرادياتير) و ده أفضل
مش عارف اسمها ايه :) اللي بتزود بنزين لما التكييف يشتغل. دي بتتوصل على الفاكيوم بتاع الفرامل
فلتر
الكويل
الموضوع خد تقريبا 7 ساعات و اتكلف 3000 جنيه مقاولة على بعضه شامل كل حاجة
الرادياتير سلكته و جبت له قاعدة جديدة، و أنا هناك لقيت نفسي قريب من شارع الأربعين رحت شاري الطقم الإلكتروني اللي بيركب بدل الأبلاتين و الكوندنسر. و كان عندي موبينة بوش أسباني جديدة ركبتها هي كمان
طيب الولاعة راحت فين؟؟ لما رجعت البيت ركبتها بين مفاتيح الإزاز
المفضلات