الخلاصة بعد موضوع ابو مريم ... نهدى شويه يا جماعه

**faresattar** · 05-06-2011 05:20 PM

أولاً : انا راجعت مناقشات المنتدى بعد موضوع ابو مريم ، ولاحظت إن اغلبها اصبح مناقشات سلبيه على العربية ... وانا عن نفسي اتأثرت بالمناقشات دي وبدأت اشوف عيوب العربية اكتر ما اشوف مميزاتها .. والموضوع سببلي تعب نفسي كبير خصوصا اني لسه شاريها جديد .. على العموم نهدى شويه .. ونرجع تاني للموضوعيه علشان الصالح العام لأعضاء المنتدى .. مفيش عربية مفيهاش مشاكل .. ومشكلة اخونا ابو مريم مشكله خاصة مش عامه علشان كلنا نخاف من العربية ... العربية عليها ضمان ثلاث سنوات .. واللي خايف من الحوادث يأمن على العربية بألف جنيه ويريح دماغه

ثانياً: رسالة للأخ ابو مريم ... افتكر الفيرنا .. فاكر لما كنت قاعد متكتف في العربية ومش عارف تتحرك لا شمال ولا يمين كأنك راكب علبة سردين .. ولا لما يقابلك مطب صناعي عالي وتبقى مش عارف تعديه ازاي من غير ما تحك العربية .. لو افتكرت هاتحمد ربنا على لوجان .. تحياتي للجميع وارجو الهدوء وفي انتظار المزيد من تقاريركم المفيده فقط !!!!

**ayman1204** · 05-06-2011 05:51 PM

يا جماعه خلاصة القول
انا قولت فى كذا موضوع قبل كدة

يا ريت ابو مريم يصور لينا العربية وحالتها عامله ازاى واحنا هنفيدة
غير كدة انا مش مصدق اى حاجة

انا مقنتع بالعربية تماما ايوة قطع الغيار غالية حبيتين بس مش اوى يعنى

انا عاملت حادثة كلفتنى 400 جنية
100 جنية سمكرة ودكوا و300 جنية كشاف امامى من التوفيقية وصناعه تركي عكس الانوس كان الكشاف بتاعها 150 وكان صينى

قطع الغيار غالية حبيتين غير ان جودتها اعلى
بس هتزل ارخص من كدة فى الايام القادمة

**a7madahly** · 05-06-2011 08:25 PM

العربيه بسم الله ماشاء الله ممتازه جدا.ثبات رائع عفشه تخليك ولا تحس باى مطب.تكيييف تلاجه ومبيأثرش على السحب جامد .واسعه جدا من جوا .

**a7madahly** · 05-06-2011 08:26 PM

انا امبارح راكب عربيه كيا ريو مع صاحبىى وببص على الكنبه اللى ورا حاسس انها قريبه منى اوى وانا قاعد قدام انما اما ببقا راكب عربيتى وببص على الكنبه بحس ببراح جامد اوى. اللهم دمها نعمه واحفظها من الزوال قادر ياكريم

**mosomodo** · 06-06-2011 12:27 AM

على فكرة - اغلبها مناقشات ايجابية على العربية

اللهم دمها نعمه واحفظها من الزوال قادر ياكريم .

**karimnet** · 06-06-2011 01:23 AM

لما عربية مع عدد الأعضاء الكبير ده و اللى يشتكوا منها يتعدوا على الصوابع حاجة تفرح و الله

الحمد لله ان ربنا وفقنى اشترى اللوجان

**ABOHAZEM_NEW** · 06-06-2011 01:27 AM

والله معظمنا إشترى العربية بعد ماسمع عنها خير ولف دار على أكتر من عربية وصلينا صلاة إستخارة
والحمد لله على الإختيار .. عربية ممتازه بالنسبة للسعر والكماليات والعفشة والسرعه والتكييف و...........
واحب أقول للأخ أبو مريم أستحلفك بالله ياشيخ وحياة بنتك مريم إنسى اللوجان وفكر فى أى عربية تانيه وحاول تستمع بحياتك
مش معنى أنك عشت تجربه صعبة مع عربية مهما كان نوعها إن ده أخر الدنيا .. فى كتير شافوا أكتر من كده مع كل أنواع العربيات
وياريت نرجع تانى لمناقشاتنا الجميله على عربيتنا الجميله .. والله المستعان

**ashouhdy** · 06-06-2011 01:47 AM

المشاركة الأصلية كتبت بواسطة faresattar

... افتكر الفيرنا .. فاكر لما كنت قاعد متكتف في العربية ومش عارف تتحرك لا شمال ولا يمين كأنك راكب علبة سردين .. ولا لما يقابلك مطب صناعي عالي وتبقى مش عارف تعديه ازاي من غير ما تحك العربية .. لو افتكرت هاتحمد ربنا على لوجان .. تحياتي للجميع وارجو الهدوء وفي انتظار المزيد من تقاريركم المفيده فقط !!!!

اية الكلام الفاضى اللى ع الفيرنا سردين اية ومتكتف اية وحك اية ...الا بقى لو وزنك 200 كيلو !!! وبعدين الفيرنا كانت و مازالت انجح عربية فى مصر من 7 سنين ومازالت ... بس لما تفتكر الفيرنا افتكر النعومة والهدوء والسلاسةوالسحب والتكييف والسرعة والموتور الحديث ال16صباب الثنائى الكامة وكفائة العفشة وانتشار قطع الغيار مش اللوجان اللى من وجهة نظرى ميكروباص صغير شكلا وخشونة و موضوعا !!!

**dramir1** · 06-06-2011 02:18 AM

استهدو بالله يا اخوانا ...
كل عربيه ليها مميزاتها وعيوبها وطالما انت راضي بعربيتك ربنا يباركلك فيها وبلاش حد يشتم في عربية حد ....
احنا بنقول ارائنا بغرض افادة الاعضاء والنصيحه ......وفي الاول والاخر العربيات مهما عظمت اخرها انها وسيله وليست غايه ولاتستحق ان الاعضاء يخسروبعض ....ربنا يصلح ذات بيننا......سبحانك الهم وبحمدك نشهد ان لا اله الا انت نستغفرك ونتوب اليك