أنا متفائل خير ان شاء الله ، الشقق بقيت اسعارها نااااااااااار ، لو احنا اتجمعنا و بنينا عماره لو كل واحد يطلعله شقه واحده هيبقى الكسبااان طبعا
يعنى من الأخر احنا هنعمل اتحاد ملاك العماره قبل ما نبنيها :tumb:
عرض للطباعة
أنا متفائل خير ان شاء الله ، الشقق بقيت اسعارها نااااااااااار ، لو احنا اتجمعنا و بنينا عماره لو كل واحد يطلعله شقه واحده هيبقى الكسبااان طبعا
يعنى من الأخر احنا هنعمل اتحاد ملاك العماره قبل ما نبنيها :tumb:
انا ان شاء الله معاكم
احمد بدران
بس عايزيين نتجمع الاول ونحدد مكان الارض وكام دور والرخص والمرافق وبعد كده العجله هاتمشي ان شاء الله
السلام عليكم . لو صاحب الفكرة معندوش مانع انا ان شاء الله معاكم لأن الفكرة ممتازة وكنا هنعملها قبل كده مع اصحابى فى مصر زمان لكن ناس كتير انسحبت من الموضوع .
محمود جاد
:hlopaet_prv:السلام عليكم و رحمة الله و بركاته:hlopaet_prv:
أهو ده الكلام و لا بلاش, مش تقولى واحد راكب عربية مش عارف ايه و كان بيشد مع مش عارف مين و مين طلع من مين و الكلام الهجص ده.
أهى دى الناس الشغالة اللى تستاهل أنها تعيش و حلال فيهم كلمة رجالة.
أنا متهيألى أنكم هتعملوا الموضوع ده فى القاهرة ان شاء الله و أنا رغم أنى مش من القاهرة, الا أنى مستعد أدخل معاكم و الأرزاق على الله, أدام الحكاية حكاية 150000 و لا 200000 جنيه و الواحد يطلع بشقة, ده يبقى لوز اللوز و أكيد الأخوة الأفاضل اللى هنا فى المنتدى, لأنهم ناس محترمين, فهيفكروا فى المكان أنه يكون راقى و محترم و مش منطقة شعبية و لا بيئة و أنا معاكم بالصلى عالنبى.
أنا بس بأرجو من الأخ الفاضل صاحب الاقتراح أنه يتأنى فى اختيار المكان و أن اللى بايعله الأرض يكون مضمون لأن النصب دلوقتى زى سلاموا عليكوا و ربنا الموفق.
لما تبدأ تجمع الناس و تنوى يا باشا, عرفنا هنا فى المنتدى و ياريت يكون فى نفس الموضوع ده و أنا لو مساحة الشقة و مكانها شغال معايا, أنا هخش معاكم ان شاء الله.
و ألف شكر على الأفكار النار, مش تقولى شديت مع فيرنا و طلعت منه و لا هو اللى طلع منى, بلا بتاع يا رااااااااااجل !!!!!!!!!!!!!!!! .
ياباشا هضبه الهرم من الاماكن الراقية جمب نادي الرماية وليها بوبات وامن وكمان كلها فلات وعمارات راقيه جدا جدا واكيد مش هنشتري في اي مكان الا لما يجتمع علية جميع المشتركين ونتفق علي كل حاجة
اهم حاجة المبدا نفسة انت موافق علية ولا لا
اولا
العلاقة عكسية يعني الارض بتقل والناس عددها بيزيد
ياريت تضيف اسمك لو حابب عشان نعرف ونكمل العدد ان شاء الله
السلام عليكم
لو امكن تضموني وياكم وانا اسمي عمرو الدسوقي
طي انا بس عايز اساعد الموضوع عشان يبقى اكثر واقعية حضرتك تقول بس الأول انتا حاطط ميزانية للعضو الواحد تبقى كام مثلا من 150 الى 200 الف مثلا !! وها تاخدوا ارض في كذى ومساحتها كذى وتحسب عشان تبقى عارف انتا داخل الموضوع (العقارات دائما رابحة ) ولكن تبقى عارف الموضوع ها يجازي المكسب ويستاهل ولا ها يبقى سنتين ضيعتوهم على 15 الف جنيه !!! فلازم تحبها بالورقة والقلم وتعرف العضو اللي داخل مطلوب منه كام على اد ايه وها تخلص الشغل يعني اقصد بمعنى اصح تشوف ارض الأول وتفكر فيها بالخطوات وهكذا ..
متابع باهتمام
[QUOTE=mohamedbook;3873449997]الموضوع مش محتاج علي الخاص الموضوع فيه شفافية ووضوح ومناقشة المهم الاقتناع بالفكرة
وياريت تقلنا علي اي نوع مساعده ممكن تقدمهلنا
يعني لو هتسعدنا في موضوع البناء وانجاز العمل لانه مجالك مفيش مشكلة بس توضح انت هتسعدنا ازاي والتكلفة هتتحسب علي اي اساي
اشكرك علي المشاركة في الموضوع وياريت توضحلنا نوع المشركة واحسن طريقة لتنفيذ المشروع والله المستعان[/QUO
ياااااااااااااااااااااااا اااااااااااا....هو أنا غلط أوى كدا
ياباشا أقصد ع الخاص لإنى مبتابعش كتييييييير وده هيخلى الموضوع مش مفعل عندى لو وقفت المشاركات فيه يعنى ممكن أنساه يعنى تبتعتلى طلبك ع الخاص علشان يبقى أكيد هشوفه وأرد عليه
بالنسبه لموضوعكم اتفضل حضرتك اعمل اجتماع مبدئى للأعضاء المشاركين على أن يسجل الحضور أولاً فى موضوع منفصل إثباتاًَ للجديه ولما تتفقوا على شىء معين حضرتك تشرفنى وأن أبداً أوضح لحضرتك كل حاجه من الألف للياء
ونفاضل بين حاجات كتير زى حضرتك اللى هتنفذ ولاحد هينفذلك طيب لوحد هينفذلك حضرتك تجيب المواد ولا تديله الليله كلها على بعضها....هندردش يعنى فقط لاغير
مع العلم أنكل ما أقدمه سيكون خدمه لأعضاء المنتدى وستكون عباره عن مجرد توجيه للأفضل دون تدخل فى أى شىء مادى
تحياتى لحضارتكم......والسلام عليكم