الموضوع: مشروع عمارة سكنيه

السلام عليكم و رحمة الله و بركاته

أهو ده الكلام و لا بلاش, مش تقولى واحد راكب عربية مش عارف ايه و كان بيشد مع مش عارف مين و مين طلع من مين و الكلام الهجص ده.

أهى دى الناس الشغالة اللى تستاهل أنها تعيش و حلال فيهم كلمة رجالة.

أنا متهيألى أنكم هتعملوا الموضوع ده فى القاهرة ان شاء الله و أنا رغم أنى مش من القاهرة, الا أنى مستعد أدخل معاكم و الأرزاق على الله, أدام الحكاية حكاية 150000 و لا 200000 جنيه و الواحد يطلع بشقة, ده يبقى لوز اللوز و أكيد الأخوة الأفاضل اللى هنا فى المنتدى, لأنهم ناس محترمين, فهيفكروا فى المكان أنه يكون راقى و محترم و مش منطقة شعبية و لا بيئة و أنا معاكم بالصلى عالنبى.

أنا بس بأرجو من الأخ الفاضل صاحب الاقتراح أنه يتأنى فى اختيار المكان و أن اللى بايعله الأرض يكون مضمون لأن النصب دلوقتى زى سلاموا عليكوا و ربنا الموفق.

لما تبدأ تجمع الناس و تنوى يا باشا, عرفنا هنا فى المنتدى و ياريت يكون فى نفس الموضوع ده و أنا لو مساحة الشقة و مكانها شغال معايا, أنا هخش معاكم ان شاء الله.

و ألف شكر على الأفكار النار, مش تقولى شديت مع فيرنا و طلعت منه و لا هو اللى طلع منى, بلا بتاع يا رااااااااااجل !!!!!!!!!!!!!!!! .

المشاركة الأصلية كتبت بواسطة mohamedbook

ياباشا هضبه الهرم من الاماكن الراقية جمب نادي الرماية وليها بوبات وامن وكمان كلها فلات وعمارات راقيه جدا جدا واكيد مش هنشتري في اي مكان الا لما يجتمع علية جميع المشتركين ونتفق علي كل حاجة
اهم حاجة المبدا نفسة انت موافق علية ولا لا
اولا
العلاقة عكسية يعني الارض بتقل والناس عددها بيزيد
ياريت تضيف اسمك لو حابب عشان نعرف ونكمل العدد ان شاء الله

السلام عليكم و رحمة الله و بركاته

اعذرنى لأنى مش من القاهرة و بالتالى ماعرفش فيها الا حاجات محدودة جدا.

طاب و حضرتك هتاخد الأرض كام متر و سعر المتر كام و ناوى تبنى كام دور و ناوى تخلى الشقة كام متر و باقى التفاصيل بأه يا باشا و ربنا يقدم اللى فيه الخير ان شاء الله.

المشاركة الأصلية كتبت بواسطة maserati

السلام عليكم و رحمة الله و بركاته

اعذرنى لأنى مش من القاهرة و بالتالى ماعرفش فيها الا حاجات محدودة جدا.

طاب و حضرتك هتاخد الأرض كام متر و سعر المتر كام و ناوى تبنى كام دور و ناوى تخلى الشقة كام متر و باقى التفاصيل بأه يا باشا و ربنا يقدم اللى فيه الخير ان شاء الله.

كل الأستفسارات بتاعة حضرتك انا مش هحددها لوحدى مكان الأرض ده هيبقى بالإتفاق بينا كلنا انا عاوز كل حاجه تبقى بالمشاركه بينا و محدش يملى رأيه على حد ، فيه العضو ا/ محمد فوزى اقترح هضبة الهرم ، لو الكل وافق انا معنديش مشكله نروح و نتقابل و نشوف المكان و الدنايا هتبقى ازاى بالنسبه للأسعار و مشاركة الفرد يا ريت كل واحد يقدر يقول مشاركته يقدر يدخل حد اقصى بكام عشان بردوا نتفق على السعر ، انا امكانياتى مثلا 100 الف مش اكتر من كده الصراحه ممكن انزل عن كده لو واحد امكنياته اقل 90 او 80 ، بس مش هقدر ازود عن كده و الله الموفق

السلام عليكم و رحمة الله و بركاته

ربنا ييسر الأمور ان شاء الله.

طاب و سيادتك حاطط فى دماغك العدد يكون كام تقريبا, يعنى مثلا 10و 15 أو 20 مثلا.

عشان نبدأ نجمع بعض و لما نكمل نبقى عارفين و لو سيادتك عاوز نصيب الفرد حوالى 100000 جنيه, أوكى, أنا أعتقد لو المكان طلع حلو و راقى, ممكن تلاقى كذا عضو, الواحد منهم داخل بأكتر من فرد, يعنى اللى عاوز شقتين و اللى عاوز تلاتة و كده و ده هيسهل المهمة, لأنه هيخلى نصيب الفرد قليل و فى نفس الوقت عدد الأعضاء قليل.

المشاركة الأصلية كتبت بواسطة maserati

السلام عليكم و رحمة الله و بركاته

ربنا ييسر الأمور ان شاء الله.

طاب و سيادتك حاطط فى دماغك العدد يكون كام تقريبا, يعنى مثلا 10و 15 أو 20 مثلا.

عشان نبدأ نجمع بعض و لما نكمل نبقى عارفين و لو سيادتك عاوز نصيب الفرد حوالى 100000 جنيه, أوكى, أنا أعتقد لو المكان طلع حلو و راقى, ممكن تلاقى كذا عضو, الواحد منهم داخل بأكتر من فرد, يعنى اللى عاوز شقتين و اللى عاوز تلاتة و كده و ده هيسهل المهمة, لأنه هيخلى نصيب الفرد قليل و فى نفس الوقت عدد الأعضاء قليل.

انا بقول نخليه 20 و اللى يحب يدخل بنفرين يدخل مفيش مشكله و احب اسمع الأراء بردوا