الموضوع: مشروع عمارة سكنيه

المشاركة الأصلية كتبت بواسطة mohamedbook

مكن يخش في الموضوع ده حوالي 20 واحد كل واحد ممكن يدفع مائة الف جنية ثمن الارض مليون وهنبني علي سبيل المثال بمليون
هو المباني هيكون فيه 4 شقق و 4 ادوار غير الارضي يعني هيكون فيه حوالي 20 شقة
نيجي للمساحة مساحة الشقة هتكون في حدود 170 متر علي الاقل لو هتحسبها علي العلم انهم هيحسبوك علي مساحة 250 متر
يعيني لو تحسبها هتلاقي المترهناك كاش يعمل 1100ج اما لو قسط يعمل 1300:1400ج للمتر
اضرب 1100 × 250 متر = 275 الف جنية للشقة في حين انك دافع 100 الف جنية فقط يعني كسبان 175 الف جنية
من الاخر المشروع كسبان كسبان انا فكره فية بس ميزانيتة كتيرة عليا مينفعش اقوم بية لواحدي لو تحب نمشي في الموضوع ده انا معاك
بس زي مقلتلك
الفكرة هنشوف مهندس كويس ويعمل الرسومات ويقوم بالاشراف علي المقاول والمقاول هياخد اجره ايده فقط
والله المستعان

يا باشا انا معاك و انا مثلك المشروع ده ميزانته كبيره عليا ، مش لازم قطعة الأرض دى الأراضى كتيره و الأسعار مختلفه ممكن نختار حاجه اقل شويه ، اهم حاجه نجمع المشتركين ، بس عاوزين نحدد مبلغ كحد أقصى للمشاركه عشان كل واحد يعرف مقدرته ممكن واحد مقدرته 50 الف ، واحد 100 الف ، و اتشرفت بيك يا استاذ محمد و انا اسمى تامر

المشاركة الأصلية كتبت بواسطة mohamedbook

انا والله الي اتشرفت بيك استاذ تامر
نفس الفكرة كنت هنفزها بس حسيت فعلا ان الميزانية كبيرة بس الموضوع مربح بس عايز مجموعة مشتركين جادين وملتزمين
هي الفكرة ان لو الموضوع رسي علي مبلغ 50 الف هيكون عدد المشتركين 40 واحد وكده من الصعوبة اننا نوحدهم علي كلمة واحده
كلما قل العدد كلما كان افضل
سبب اختياري لهضبة الهرم ان الاراضي هناك مترخصة وكمان فية شروط للبناء وعدد الادوار ومفيهاش نصب
بخلاف اي مكان تاني هتواجة مشاكل في الترخيص وكمان في ملكية الارض يعين نريح دماغنا من الاخر وناخد في مكان معليهوش اي مشاكل
لو الفكرة في دماغك ومستعد ماديا ممكن نعمل دراسة جدوي ونعرف كل واحد هيدفع كام نرتب الموضوع انا في دماغي الموضوع ده مش عشان تجارة عشان اخد شقة رخيصة بسعر التكلفة في المكان ده وهو هضبة الهرم
لو عندك مكان مقترح غير الهضبة ممكن نفكر فيه مفيش مشكلة وممكن كمان نشوف قطعة ارض اقل في المساحة حوالي 700 متر ونحسب التكلفة بالضبط
والله المستعان
اخوك محمد فوزي

انت عندك حق 40 طبعا كتير و كلامك منطقى ، طبعا عاوزين ارض مش عليها مشاكل انا الموضوع طبعا فى دماغى و الا مكنتش طرحته ، و انا مفيش بصراحه فى دماغى مكان محدد .

انا رأى قطعة الأرض تبقى اقل شويه 500 متر مثلا . عدد الأفراد اتهألى 20 مناسب ولا ايه رأيك ؟؟
بس انت بتكلم على اساس ان احنا اللى هنبى بعد ما نشترى الأرض ولا المقاول هيدخل معانا شريك ؟؟

المشاركة الأصلية كتبت بواسطة mohamedbook

احنا الي هنبني المقاول مش هيخش شريك هييخداجرة ايده عن كل دور يقوم بعملة فقط
عشان العملية تكون مربحة لان المقاول لو دخل معاك شريك هيسرقق لا محاله لانهم اغلبهم حرمية الا ما رحم ربي سرقة في كل حاجة وفي الاخر يحسب عليك كل حاجة وهو من الاخر مش هيدفع الا حجات لا تزكر وفي الاخر يكون شرك معاك
لو مساحة 500 متر معتقدش اني ممكن القي المساحة دي في الهضبة لان النظام هنك بيكون انك بتترك حوالي 30 % تقريبا من المساحة لعمل حديقة وسور خاص بالمبني
وكل واحد هيكون لية شقتة وبيكن فيه اسانسير في كل مبني من الاخر لو عايز تبيع الشقة هتبعها بسعر مغري لو عايز الشقة ليك انت الكسبان في جميع الاحوال وزي ماشرحتلك مكسب الشقة هيكون علي الحساب الي انا حسبتة حوالي 175 الف جنية
اعتبرها 150 الف مكسب ممتاز بالنسبة لمجهود مش كبير وكلنا هنكون مشرفين علي الموضوع من الالف للياء ونعمل دراسة الجدوي
المهم عدد الافراد احنا اثنين فقط محتجين معانا لسة حوالي 15 واحد علي الاقل او ممكن يقل العدد لو التكلفة هتقل
فكر واحنا بنتناقش في الموضوع لغيه متتخمر الفكرة ونشوف بقية الاعضاء للافاده والله المستعان

أولاً ربنا معانا جميعاً
ثم أنا معكم إن شاء الله وعلى فكر أنا فكرت في الموضوع ده قبل ذلك عندما كان جهاز مدينة 6 أكتوبر بيعطي الأراضي ذي دي بس محصلش نصيب وعموماً لو سئلنا عن هذه الأراضي في أجهزة المدن ممكن نجد وخاصة في التجمع وبالتوفيق وفي إنتظار الرد