الموضوع: مشروع عمارة سكنيه

المشاركة الأصلية كتبت بواسطة fny81

بالنسبه للإشتراطات انا رأى الكل هيشترط التانى و التالت و الرابع ، لازم يبقى فيه اتفاق عليها بطريقه تانيه مش عارف الصراحه ممكن هتبقى ازاى هتبقى قرعه ، هيبقى بزياده فى السعر مش عارف الصراحه مع احترامى طبعا لرغبتهم و اشتراطتكم ، قصدى يعنى بالإتفاق

انا والله مش هتفرق معايا اول من رابع ...وفكرة القرعه كويسة جدا

المشاركة الأصلية كتبت بواسطة beautiful0mind

انا والله مش هتفرق معايا اول من رابع ...وفكرة القرعه كويسة جدا

بس اكيد هتفرق معاك لو سابع و لا ثامن و لا عاشر و لو مش هتفرق زى الفل أهلا و سهلا بيك و اهلا و سهلا فى أى حال من الأحوال

المشاركة الأصلية كتبت بواسطة ashturbo

لو هتعملوا الموضوع في أسكندرية أنا معاكم وخدوا بالكم أن الموقع هيفرق كتير في الموضوع ده لأن تكلفة البناء واحدة في كل مكان لكن اللي هيفرق في المكسب موقع العمارة وطبعاً الشطارة في شراء المواد اللازمة للبناء زي الأسمنت والحديد بسعر منخفض كل دة بيوفر في المصاريف وبالتالي بيزود المكسب .

لو تقدر تجيب لينا أسعار الأراضى فى مدينة النخيل و هتبقى فى مقدورنا ولا لأ مفيش مشكله اهو ده استثمار جامد بردوا

المشاركة الأصلية كتبت بواسطة nimaster

انا معاكم ان شاء الله فى اى حتة فى القاهرة
فى حدود 100000 الف برضوا وبالنسبة للدور مش عايزين دى تبقى نقطة خلاف فى الاول
يعنى نشد العمارة الاول وبعدين اللى عايز دور مميز ومكان مميز يدفع زيادة.

انشاء الله متبقاش فيه نقطة خلاف ، بس العقد شريعة المتعاقدين و الأتفاق حلو بردوا

ربنا يوفقك فى دراستك و مفيش داعى يا عم تعمل مشاكل مع الوالد ربنا يخليه ليك ، و رضى الوالدين أهم حاجه و متعرفش يمكن هو ليه وجهة نظر .

ربنا يكرمك يا باشا انا بس بحب اناغشة كل شوية كدة رضاة طبعا اهم حاجة

الموضوع ده اسمه ( اتحاد ملاك ) , و بيبقي مثلا 4 اشخاص معاهم فلوس و عايزين يطلعوا ببرج مثلا اما بغرض التجاره و المكسب او بغرض اخذ شقق بسعر اقل , و طبعا بيدخلوا اكثر من شخص معاهم حتي يصل العدد بحد اقصي 10 اشخاص لا نهم لو دخلوا 4 بس يبقي يروحوا يشتروا جاهز احسن , لان العقبه الكبري بتبقي في سعر الأرض , و بعد ما بيشتروها بيفوضوا مثلا اثنين او ثلاثه منهم يباشروا موضوع البناء نظير اجر شهري او نسبه اعلي من الأرباح , و طبعا المشروع مربح و لكن يتطلب الأمانه التامه و المصداقيه العاليه لأن بيبقي فيه نصب كتير ولعب في مجال البناء والمقاولات , يعني الدنيا مش وردي , و انا من رأيي لو مجموعه اصدقاء او اقارب بيبقي احسن للحصول علي شقق رخيصه , لكن لو بغرض تجاري يحتاج الكثير من الخبره و الصبر .