الموضوع: مشروع عمارة سكنيه

المشاركة الأصلية كتبت بواسطة mohamedbook

لازم نعرفوا ان الارض في القاهرة الجديدة غالية مش رخيصة احنا عملنا الحسبات المبدئية علي 1000ج للمتر في الهضبة
هل فية السعر ده في القاهرة الجديدة لو فية نتوكل علي الله لو مفيش الاسعار دي يبفي هنزود الفلوس عن المبلغ المتاح 100 الف
وانا امكانياتي 100 الف مش اكتر

هو انت محمد حسبتها 100 الف نصيب كل واحد ده عن او لو اخره يعنى الأرض و البناء و كله تقريبا صح؟؟
و بعدين انت متأكد من سعر الأرض فى هضبة الهرم انا اسمع انه أغلى!! و هل هضبة الهرم دى قرييبه من حدائق الأهرام ؟؟

المشاركة الأصلية كتبت بواسطة timtim

مانا قصدي الناس تجتمع مع بعض حسب رغباتهم.. العمارات في التجمع الخامس بتكون كلها تقريبا كدا.. وفي حي الفيلات بتكون الفيلا 6 أو 7 شقق بالكتير..
انا قلت ان ليا رغبة في التجمع وممكن انضم او اشارك مع حد يكون ليه نفس الرغبة في نفس المكان.. وبالنسبة للعمارة دي فعلا هي 10 شقق بالكتير
يعني انا قصدي ان مش لازم كل المشاركين في الموضوع يدخلوا شركاء في عمارة واحدة ..

انا معاك مكان راقى و حاجه جميله بس عشان تعمل عماره زى دى اتهألى تتكلف كتير ، البناء هيبقى تقريبا قريب من بعضه فىاى مكان لكن الأرض هى اللى هتفرق ، لو عندك فكره عن الأسعار و المساحات اللى ممكن نبنى عليها ، يا ريت تعرضها علينا

المشاركة الأصلية كتبت بواسطة som3aa

بصوا يا جماعة انا مش عايز احبطكوا بس انتوا عملتوا زى الناس اللى قالت مبارك معاه 400 مليار لو قسمناها على 80 مليون يبقى كل واحد هياخد مليون جنيه!!!

الموضوع ببساطة نسبة المكسب فى العمارات اعتقد بتتراوح من 20 ل 50 % حسب المنطقة و سعر البيع و كذا حاجة بمعنى
لو بنيتوا انتوا العمارة الشقة اللى مفروض مثلا تمنها 120 ل 150 الف هتقف عليكما ب 100 الف مثلا.

يعنى اللى هيشارك ب 100 مش هياخدهم 300 مثلا , لأ اعتقد هياخدهم فى المتوسط 125 الف مثلا و دا مكسب كويس طبعا, طبعا ممكن جدا مع الوقت الأسعار تزيد و الكلام دا

الصراحة انا برده مش عارف بيع الشقق سهل و لا صعب فى التجمع مثلا بس انا شايف انه صعب فى الفترة دى فى اى حتة و المعروض كتير اساسا.

انا اعرف ان العقارات الحاجه الوحيده اللى مش بتخسر ، و قيمتها بتزيد بمرور الوقت ، يعنى بعت او مبعتش انت كسبان ، و لم تحط فلوسك فى عقار احسن لما تحطها وديعه فى بنك مثلا ، لأنك كده بتستثمر فلوسك بنفسك ، اما اللى هيشارك ب 100 و ياخد 300 ، محدش قال كده ، هو احنا هنشتغل فى المخدرات بس لو سيبتها سنين ممكن توصل اكتر من كده ،اعرف واحد قريبى أحذ شقة من 10 سنين ب 80000 تمنها دلوقتى 280 الف