الموضوع: رجة فى السيارة ومش عارفين نحدد السبب

بص يا باشا
انت تروح مقار اكشف هناك
هيقولولك على العيب فين بالضبط
و بعد كده صلحها برة

شكرا يا جماعة على الردود . انا رحت امبارح لميكانيكى تانى هو اصلا بتاع بى ام دبليو بس بيشتغل فى الالمانى . المهم شاف العربية قالى فعلا التنميلة دى بتاع قواعد بس بكرة شداد سير الكاتينة عايزة تتغير برضة غيرناها ولكن ما زال الحال كما هو علية .
فى النهاية قالى ارجع للى ركبلك القواعد دى عشان واضح ان القواعد دى مش كويسة على الرغم انى جايبة جديدة
مش عارف بقى ارجع للميكانيكى الاولانى تانى ولا اروح التوكيل ولا اروح لميكانيكى تانى خالص.

السلام عليكم
انا يا جماعة رحت ل 2 ميكانيكية تانى والاتنين قالو ان القواعد اللى راكبة صينى فواحد منهم قالى احسنلك هات القاعدة الخلفية من التوكيل احسن لأن القاعدة دى بالذات متتجبش استيراد . المهم رحت جبتها من مقار ب 330 جنية بعد ما جبتها الميكانيكى فتحها ورد وقالى دى صينى على الرغم من انها بعلبة التوكيل زيها زى اللى راكبة فيها بالظبط قالى على العموم انا هغير الاتنين اللى قدام بأثنين استيراد ونشوف فعلا غيرهم العربية اهى يعنى ظبطت شوية احسن من مفيش . بصراحة ذهقت وقررت انى مش هلعب فيها تانى بس للأسف الشديد ظهرلى عيب جديد ارجوكم افيدونى فية
- بسمع صوت طقة فى الجنب اليمين بس مش بشكل دايم بتيجى فى الملفات او لما اجى اطلع مطب او ادوس على الفرامل (طقة واحدة ) مش طقطقة سألت الاخ الدكتور الميكانيكى اللى رحتلو ركب العربية وجرب وقالى انها مش كبالن بص على العفشة قالى العفشة سليمة . مش عارف بصراحة اعمل اية
على فكرة كل الميكانيكة اللى رحتلهم ميكانيكة كبار اوى ومشهورين اوى فى الاوبل
عبد اللة اوبل اللى على المريوطية - ابراهيم اوبل اللى فى ش العريش اللى فى الهرم والاخير سيد اللى فى الطالبية ورا احمد اوب بتاع قطع الغيار