الموضوع: اللوجان ممكن تتسرق

يا جماعه موضوع الشوم ده فاكس اوووي
لأن لو حد طلع عليك و انت سايق مش هاتقوله ثواني بس هاجيب الشومه من شنطه العربيه عشان اضربك بيها
كلام غير واقعي
ده غير انه في الايام اللي احنا عايشين فيها دي بنسبه كبيره اي حد هايطلع عليك هايبقي بسلاح ألي او مسدس لا قدر الله
و بالتالي مفيش توافق

مش ادامنا غير اننا نقول ربنا يستر و يعدي الايام دي علي خير

المشاركة الأصلية كتبت بواسطة ahmedbakr50

نفس الإستفسار

لأ ما بينفعش يدورها ..... أيام الهوجه إللي فاتت و البلطجيه و الحراميه لما إنتشروا كان في محاوله لسرقة لوجان عندنا و باءت بالفشل ولا أعتقد إنها كانت مسألة وقت في المحاوله لأن كان عندهم براح كبييييييييير في الوقت لأن كانت الدنيا زي ما إحنا شفنا لكن كلها بتعتمد على ستر ربنا في الأول و الآخر. وربنا يسترها معانا جميعا.

- أهم حاجه تتأكد من لمبة الايموبيليزر (لمبة حمراء مدوره بين العدادت) تكون شغاله بعد ما تبطل العربية
- طبعاً لازم تركب الإنذار عند واحد كويس علشان محدش يتلكك لينا فى الضمان
- عصايه الدريكسيون ياجماعه مهمه جداً وتقفلها مش تحطها زينه
- بعد ما تركن تتأكد من أن الزجاج مغلق ومفيش أى متعلقات بالسياره وياريت محدش يحط أى شنطه فى الصالون حتى لو فيها ورق جرايد
- تركن فى جراح مضمون أو تحت بلكونتك على طول ولو فى الشارع تغطيها وتوصى أقرب بواب عليها مع دفع المعلوم طبعاُ
- بلاش تمشى فى أماكن مجهوله غير مأمونه أو فى أوقات متأخره بالليل إلا للضروره
- موضوع الأسلحه دى مش أعرف أفيد فيها لأنه لو معايا حتى سلاح مش هعرف أستخدمه ولو أصاب حد بالخطأ مش هقدر أشيل ذنبه علشان كده الواحد هيتوكل على الله وربنا يكفينا شرور الطريق .
مصر إستحاله يضيع منها الأمان اللى إحنا فيه ظرف مؤقت هينتهى بسرعة إن شاء الله بس الحرص واجب وربنا يسترها علينا جميعاً

اصل انا كل يومين باسمع عن واحد عربيته اتسرقت او واحد اتسبت او واحد اتسبت بالعربية و اخدوا كل حاجة منه و ملابسه و عربيته

و حاسس ان الشرطة لسه مابأتش عايزة او قادرة تسيطر علي الموقف الامنى

و بخصوص اللوجان - انا حاسس ان موضوع تركيب الانذار مش هايقدم ولا هاياخر - لان من كتر العربيات اللي بتضرب انذار( عشان و اد صغير ضرب العربية او عيال بيلعبوا بالكرة) مفيش حد بيبقى مهتم - حتى صاحب العربية ممكن و هو فى البيت بيطفى الانذار من غير ما بيشوف العربية-
و حكاية ان العربية اركنها تحت البيت بقت صعبة - انا لو لاقيت مكان فى الشارع اللي جانبى اركن فيه يبقى زى الفل

هل حكاية قفل الدريكسيون ( المسوجر ) بيحمي العربية- وده يمكن يحل محل كلابش الدريكسيون ؟

و لو فى حد عنده خبرة او تجربة بخصوص الايمبوليزر يبقى يفيدنا؟