العربية بتشرب البنزين داخل البلد .. ما الحل ؟

**aam113** · 27-04-2011 07:34 PM

المشاركة الأصلية كتبت بواسطة moko_2004

سؤال هل وانت في الزحمة بتجيب العصاية علي n ولا بتشعر فرامل
لو بتجيب علي الn المفروض هيحصل تحسن ملحوظ في الأستهلاك
لو بتشعر فرامل فده غلط علي الأستهلاك و علي التيل
بتراجع علي الكاوتش ولا لأه
الكاوتش العجل الفاضي بيزود الأستهلاك و بيعوم العربية علي السرعة
هل البوجيهات اللي بتستخدمها نفس النوع الموصي بية في الكاتالوج ولا نوع تاني
النوع الصح bkr5e-11 لو جبت نوع تاني بيبقي توقيت شرارتة مختلف سريع او بطيء وقوة الشرار بتختلف من شرارة عالية سخنة او شرارة بارده ضعيفة لأن لكل موتور النوع المناسب لية بغض النظر عن التشابهه في الشكل الخارجي و طبعا البوجيهات الباردة بتستهلك بنزين اكتر علي السرعات العالية و السخنة العكس
هل السلانسية عندك عالي ولا مضبوط السلانسية العالي معناه تهريب في دورة الهواء او تعب فيواحد من الحساسات دي حساس البوابة و حساس المنافولد او حساس tps اوحساس الماب واي عيب في دول بأثر بشكل كبير علي الأستهلاك

عندك egr؟ لو عندك الغية بطبة لأنة لو بايظ يأثر علي السحب و استهلاك البنزين
اتأكد من سلامة vgis اختبر الخرطوم بتاعة وشوف سحب شفط الخرطوم بيزيد مع زيادة البنزين ولا لأه والعصاية اللي ورا ال vgis بتتحرك ولأه مع حركة الهواء لأنه بيفرق كتير علي عزم العربيه و بالتالي استهلاك البنزين

اشكرك اخى الفاضل على هذه النصائح ، وبيانها كاتالى :.
ـ لما اكون واقف باجيب العربية على n لو هى مش هتمشى لوحدها ، وعلى p لو هتمشى ، ولو الوقفة هاتطول قوى بابطل العربية ، ومش باحب استعمل فرامل كتير علشان التيل .
ـ براجع على الكاوتش باستمرار .
ـ البوجيهات كنت باستعمل ngk واحد شمعة اليكترونى ، ولسة حاطط ngk بلاتينيوم bkr6e لما سمعت اعضاء كتير شكروا فى استهلاكها وسحبها ، ولقيت ان الاستهلاك تقريبا هو هو بس فى تحسن فى السحب .
ـ السلانسيه مظبوط .
ـ بالنسبة للحساسات كنت حاطط العربية منذ عدة اشهر على اسكانر وقاللى كله تمام
ـ ياريت شرح لكل من egr ، vgisوصورهم اواماكنهم ان امكن علشان معرفش حاجة عنهم .
وشكرا جزيلا لحضرتك

**MMamdouh** · 27-04-2011 09:37 PM

المشاركة الأصلية كتبت بواسطة aam113

ما هو ياباشا انا ماعنديش مشكلة اطلاقا فى الاستهلاك على الطريق السريع ، انما المشكلة جوة البلد .

يبقى انت معندكش اى مشكلة فى العربية

MMamdouh

**moko_2004** · 28-04-2011 01:23 AM

المشاركة الأصلية كتبت بواسطة aam113

اشكرك اخى الفاضل على هذه النصائح ، وبيانها كاتالى :.
ـ لما اكون واقف باجيب العربية على n لو هى مش هتمشى لوحدها ، وعلى p لو هتمشى ، ولو الوقفة هاتطول قوى بابطل العربية ، ومش باحب استعمل فرامل كتير علشان التيل .
ـ براجع على الكاوتش باستمرار .
ـ البوجيهات كنت باستعمل ngk واحد شمعة اليكترونى ، ولسة حاطط ngk بلاتينيوم bkr6e لما سمعت اعضاء كتير شكروا فى استهلاكها وسحبها ، ولقيت ان الاستهلاك تقريبا هو هو بس فى تحسن فى السحب .
ـ السلانسيه مظبوط .
ـ بالنسبة للحساسات كنت حاطط العربية منذ عدة اشهر على اسكانر وقاللى كله تمام
ـ ياريت شرح لكل من egr ، vgisوصورهم اواماكنهم ان امكن علشان معرفش حاجة عنهم .
وشكرا جزيلا لحضرتك

الEGR موجود بس في اللانوس الفول اوبشن و فية موضوع بيشرح بالتفصيل ازاي تلغية بس بدل ماتحط ورق حراري حط صفايح معدن مخروطة علي شكلها لأن الورق الحراري مااستحملش عندي اسبوع
EGR مش بيفتح الا ساعات ما تحرق بس ولكن لو بايض وبيفتح بدري عن معاده يعمل برجلة علي السرعة و يخنق العربية فتضطر تزود فتستهلك بنزين اكتير
اما بالنسبة لل VGIS
i هتلاقية موجود في اخر طرف المانيفولد شبهه المنظم بتاع انبوبة البوتاجاز بس صغير وفية خرطوم واصل علية
لما تفك الخرطوم هتلاقية مبيسحبش هوا زود بنزين هتلاقي الشفط بتاعة زاد يبقي انت اكشفت علي الخرطوم صح لو بيشفط علاطول يبقي مكان الخرطوم متبدل
تحت VGIS عصاية صغيرة بتتحرك لورا وقدام شوف هل حركتها سلسة ولاتقلية لو تقلية زيتها
وانت فكرت صح لما جبت البوجيهات البلاتينيوم ولكن فية حاجة مهمة جدا وكلنا بنحسها ان مواتير الدايو مش بتفتح في السحب الا بعد ار بي ام 3 وبتبقي مخنوقة علي 2 وواحد وطبيعي ده هيزود الأستهلاك
بس يا اخواني بردة 150 في الصفيحة كتير علي عربية مانيوال لو اوتو ممكن برضة شوية

اخر حاجة انت اخر مرة راجعت علي زيت الفتيس كان امتي لأن لو لازيت ناقص العربي هتحرق في النقلات وتاكل بنزين

**acoount** · 28-04-2011 01:43 AM

يا جماعه الموضوع ده اخد بحث كتير اوى لكن فى اساسيات فى حساب الاستهلاك هو ان بتحسب الاستهلاك على سرعه 90كم لكل ساعه فى السريه طالما الاستهلاك ده مضبوط يبقى مفيش داعى للبحث جوه البلد لان احنا لينا ظروف خاصه فى الزحمه والخانقه اللى موجوده وفقكم الله