الموضوع: حيرة فى الاختيار فى حدود الامكانيات

البرليانس تقفيلها وحش و قطع غيرها غالية و غير متوفرة و توكيلها زبالة و سعر اعادة بيعها وحش بلاش الصينى اطلاقا و انا بقول الكلام دة عن تجربة...
اما الانوس خلاص راحت عليها و بقت بتتقفل فى مصر و عربية خشنة و متعبة جداااا فى الصفر انما جوة البلد كويسة ....
و بالنسبة للفيرنا صاج زباااالة و قريبة جدااا من الأرض و بتستهلك بنزين لما بتشغل التكيف و بعد ال 120 بتعوم و الفرامل بتبقى ضعيفة و كمان مقاس الأطارات 14 يعنى هتضطلر انك تجيب جنوط سبور مقاس 15 !!!
انما الفريرنا افضل من الانوس ....
اما اللوجان عربية راااااائعة من حيث كل حاجة ثبات و قوة سواء الموتور او العفشة او الصاج و المواد الداخلية للصالون محترمة و اقتصادية فى البنزين
و كمليتها رائعة و هى العربية الوحيدة اللى يوجد بها ( اير باج و كمبيوتر رحلات ) فى فئتها السعرية و الدليل على انها عربية محترمة انها انتشرت الأنتشار الرهيب دة خلال سنتين فقط !!!!
اعتقد انها بشعبية الانوس من العلم ان الانوس بقلها 14 سنة ....

و فى النهاية احب اوضح حاجة (" مينفعش نقارن اللوجان بالانوس و الفيرنا , اللوجان من فئة و الانوس و الفيرنا من فئة اخرى المفروض ان سعر اللوجان 93000 جنيه هى اللى مرخصها انهم خصمين من ثمنها 24000 جمارك طبقا للأتفاقية اغادر ) و بالنسبة للتوكيل محترم جداااا انا عندى فى الأسكندرية توكيلين الأول فى سموحة و الثانى فى العامرية و الأثنين واحد و محترمين و قطع الغيار عليها 12% ضريبة فقط ....
فى النهاية توكل على الله و هات لوجان و بعدين يكفى ان اسمها رينو ......


اللون الاحمر مخصص للمداخلات الادارية
يرجى مراجعة قواعد المنتدى
11:12pm 27/4/2011
م.ع.6

بسم الله
اولا انا كنت فى نفس الحيرة -
بخصوص البريلينس صرفت نظر لقلتها فى السوق و بالتالي قله قطع الغيار
و عن الاسبرينزا انا لا احبها وهو مجرد شعور انها صينى و انها ضعيفة - ده مجرد شعور احتمال يكون خاطئ
اما بالنسبة للفرنا و الانزس - انا سالت عنهم شخصيا فوجدت انه سيئه للغاية من حيث الصاج و كثرة اعطالهم - بس الميزت الي فيهم انها متوفرة و قطع الغيار رخيصة ة متوفرة
اما اللوجان انا ارشحها لانها افضل من حيث الجودة من الفيرنا و الانوس و من حيث توافرها فى السوق فانها اصبحت منتشرة
و لكن قطع غيارها عالية نسبيا - فياريت حد من الاخوة يقولك اسعار القطع الغيار علشان تبقى عارف .

متنساش تصلي صلاة استخارة

الله الموفق

ده طبعا مع العلم ان اللوجان تقفيل المغرب و زراير الأزاز الكهرباء في الطبلوه مش الباب....معرفش انت هاتحب الكلام ده ولا لأ

أولا شكرا لكل الناس المحترمة اللى ردت عليا
ثانيا انا فعلا صليت استخارة وحاسس انى اميل الى اللوجان
ثالثا بالنسبة لقطع الغيار عند المقارنة باسعار التوكيلات لن تجد الفرق كبير
رابعا مشكلة زراير الزجاج فعلا موقعها سىء لاكن مش ازمة الواحد ممكن يتعايش
فى ملحوظة مفروض ان موديل 2011 على النت معالجين المشكله دى فيها بش مش عارف منزلتش مصر لية

نفس الحيرة دي بالضبط كانت عند أخوك العبد الفقير و في نفس العربيات اللي زكرتها بالضبط . بس و لله الحمد أولا و أخيرا و الفضل بعد الله عز و جل لأصدقائي في منتدانا المحترم بدأت أضيق دايرة الخيارات شوية بشوية لغاية ما استقريت و رسيت على نعمة ربنا عليا و بمنتهى الأمانة تستحق كل جنيه إندفع فيها "لوجان" عربية تستحق كل التقدير و الاحترام و كل يوم باركبها بادعي لكل من كان سبب في شرائها توكل على الله و ربنا سبحانه و تعالى يرشدك لما فيه خير لك دائما

المشاركة الأصلية كتبت بواسطة heartbreaker

ده طبعا مع العلم ان اللوجان تقفيل المغرب و زراير الأزاز الكهرباء في الطبلوه مش الباب....معرفش انت هاتحب الكلام ده ولا لأ

مع كل تقديري ما يعيبهاش إنها تقفيل المغرب و يا ترى يفرق إيه عن تقفيل الهند ؟؟؟ بالمناسبة نفس العربية بالظبط بتتقفل في الهند تحت إسم ماهيندرا لوجان ز و بالنسبة لزراير الزجاج الأمامي هما في الأول ضايقوني شوية بس مع التعود كل حاجة بتبقى سهلة و برضه مايعيبش العربية

المشاركة الأصلية كتبت بواسطة lion98

نفس الحيرة دي بالضبط كانت عند أخوك العبد الفقير و في نفس العربيات اللي زكرتها بالضبط . بس و لله الحمد أولا و أخيرا و الفضل بعد الله عز و جل لأصدقائي في منتدانا المحترم بدأت أضيق دايرة الخيارات شوية بشوية لغاية ما استقريت و رسيت على نعمة ربنا عليا و بمنتهى الأمانة تستحق كل جنيه إندفع فيها "لوجان" عربية تستحق كل التقدير و الاحترام و كل يوم باركبها بادعي لكل من كان سبب في شرائها توكل على الله و ربنا سبحانه و تعالى يرشدك لما فيه خير لك دائما

'
طبعا كلامك لاغبار عليه بارك الله فيك وبارك لك فى سيارتك
وطبعا انا لازم احترم راءيك لانك واضح انك كان معاك اكسنت قبل اللوجان
وتقدر تقارن كويس لان الاكسنت عربية الكل اشاد بها فبالتأكيد كده اللوجان
ان شاء الله هتكون احسن
بنسبة 90% ان شاء الله لوججججججججججججان

شكرا على النصيحة ومحتاج اراء اخرى حول اللوجان عشان تبقى النسبة 100% ان شاء الله