مبروكة النهاردة خذلتنى ومش عارفة ليه ؟

**heshamzaky** · 02-05-2011 06:13 PM

المشاركة الأصلية كتبت بواسطة زينة الله

النهاردة غيرت العجلة بواحدة مستعملة بس حالتها كويسة بس أكتشفت من بتاع العجل إن العجلتين الخلفيتين مقاس 155

والعجلتين الأماميتين 145 "

السؤال بقى لو الاستبن اتحطت قدام أو ورا وكانت مختلفة عن اللى قصاده تحصل مشكلة والا حاجة ؟؟

مش صح كدة أحسن الوحشين يبقى كل جوز مقاس واحد راكب فى مكان واحد يعنى ال 155 فى الخلف و ال 145 فى الامام . لو بدلتى و ركبتى فى الامام فردة 155 و التانية 145 العربية حا تحدف منك مع الفرامل الجامدة و مش حا تتظبط فى المشى الطوالى

**زينة الله** · 02-05-2011 07:14 PM

ما هما الـ 155 فى الخلف و الـ 145 فى الأمام

نفترض الاستبن 155 والعجلة الأمامية نامت وأضطريت أغيرها كدا هيبقى عندى قدام واحدة 145 وواحدة 155

و لو كان الاستبن 145 والعجلة الخلفية نامت وغيرتها هيبقى عندى ورا واحدة 155 وواحدة 145

أنا مش عارفة اللى أشتريت منه العربية عامل مقاسين مختلفين ليه و أيه العبرة مش كان أحسن الأربع عجلات يبقوا مقاس واحد ؟

**heshamzaky** · 02-05-2011 07:34 PM

هو طبعا بيعك كدة شوية . ركبيها مؤقتا لو نامت لغاية بتاع الكاوتش لو على طريق طويل و سفر بدلى مكان عجلتين و خلى الامامى بالذات زى بعضة

**graffittiii** · 04-05-2011 03:31 AM

تفتكري حضرتك لو فردة نامت هتكون المشكلة ف مقاس العجلة .. ولا ف انك تعرفي تركبيها أصلا .. هههههههه مش قصدي احبطك والله انا بهزر لكن انا موش عاوزاقولك دربي نفسك علي فك العجل لان الموضوع محتاج كوريك ويتحط كمان ف مكان صح عشان ميطبقش عتب العربية ومحتاج مفك صليبه وربط بتسلسل معين والافضل من كل ده لو حصل لاقدر الله موقف زي ده تستني سواق تاكسي يكون ابن بلد ...
بالنسبة لموضوع فرق المقاس ده وبفتراض ان حضرتك ربنا اكرمك وعرفتي تركبيه .. فهو هيكون في حدفه شويه ف العربية لكن هتقوم بالمطلوب لغاية لما توصلي لاقرب واحد بتاع كاوتش لكن خلي بالك ان ساعتها ماتسبيش عجلة القيداة خالص وتمشي بالراحة عشان الحدفة وعشان غالبا مش هتكوني ربطي المسامير كويس ..

**زينة الله** · 04-05-2011 09:35 AM

المشاركة الأصلية كتبت بواسطة Taiwo

تفتكري حضرتك لو فردة نامت هتكون المشكلة ف مقاس العجلة .. ولا ف انك تعرفي تركبيها أصلا .. هههههههه مش قصدي احبطك والله انا بهزر لكن انا موش عاوزاقولك دربي نفسك علي فك العجل لان الموضوع محتاج كوريك ويتحط كمان ف مكان صح عشان ميطبقش عتب العربية ومحتاج مفك صليبه وربط بتسلسل معين والافضل من كل ده لو حصل لاقدر الله موقف زي ده تستني سواق تاكسي يكون ابن بلد ...

ربنا يطمنك يا فندم طيب أدرب نفسى أزاى فى خطوات معينة حضرتك ممكن تفيدنى بيها ولك كل شكر وتقدير

والا الموضوع محتاج إنى أقوى عضلاتى بالدامبلز بتاعت أخويا مثلا !!!! شوف أنا أقرب حاجة ممكن أعملها لو ما مفيش حد يساعدنى

أتصل بحد من البيت أو أسيب العربية وأخد تاكسى و أروح وبعدين حد من البيت يروح يظبطها ويجبها :):)

المشاركة الأصلية كتبت بواسطة Taiwo

بالنسبة لموضوع فرق المقاس ده وبفتراض ان حضرتك ربنا اكرمك وعرفتي تركبيه .. فهو هيكون في حدفه شويه ف العربية لكن هتقوم بالمطلوب لغاية لما توصلي لاقرب واحد بتاع كاوتش لكن خلي بالك ان ساعتها ماتسبيش عجلة القيداة خالص وتمشي بالراحة عشان الحدفة وعشان غالبا مش هتكوني ربطي المسامير كويس ..

المشاركة الأصلية كتبت بواسطة heshamzaky

هو طبعا بيعك كدة شوية . ركبيها مؤقتا لو نامت لغاية بتاع الكاوتش لو على طريق طويل و سفر بدلى مكان عجلتين و خلى الامامى بالذات زى بعضة

بالنسبة لموضوع المقاس أنا عايزة استنضف عجلتين مقاس واحد أخليهم ورا و أغير أتنين جداد نفس المقاس عشان يبقوا الأربعة مقاس واحد

بس أيهما أفضل 145 والا 155 عشان يبقى عالى عن الأرض والمطبات

وليه أساسا فيه مقاسات مختلفة 145 و155 و165 ؟؟ أومال مقاس 13 دا للعربية 128 يبقى إيه ؟!!!!!!!

معلش أسئلة آخر جهالة ،،،،

... مستنية إجابتكم ولكم جزيل الشكر

**heshamzaky** · 04-05-2011 02:53 PM

المقاس 13 دة قطر الجنط عندك دة ثابت
المقاس 155 أو 145 او 165 دة تخن فردة الكاوتش فقط
أما المقاس 60 او 70 او 80 هو دة أرتفاع فردة الكاوتش يعنى المسافة بين الجنط و بين الارض فى فردة الكاوتش

**graffittiii** · 05-05-2011 02:45 AM

ربنا يطمنك يا فندم طيب أدرب نفسى أزاى فى خطوات معينة حضرتك ممكن تفيدنى بيها ولك كل شكر وتقدير

والا الموضوع محتاج إنى أقوى عضلاتى بالدامبلز بتاعت أخويا مثلا !!!! شوف أنا أقرب حاجة ممكن أعملها لو ما مفيش حد يساعدنى

أتصل بحد من البيت أو أسيب العربية وأخد تاكسى و أروح وبعدين حد من البيت يروح يظبطها ويجبها :):)

تدربي نفسك بمعني انك تحاولي ف يوم اجازة كده فاضي تجربي تفكي احدي العجلات وترفعي العربية (( ايوه زي ماهي مكتوبة كده بالظبط ههههههههههه )) لا مهو ده هيكون بالكوريك وبعدين تركبي الفردة الاحتياطية.. يفضل لو أخوكي مثلا يساعدك ..
والله انا عاوز اكتب الخطوات بس هترجعي تدعي عليا من اول محاولة

..
هو بصراحة انا شايف انه هيكون غير مناسب انك تغيري فردة لو نامت الموضوع هيكون متعب بالنسبالك لكن لو عندك عزيمة وعاوزة تخوضي التجربة دي اكتبلك الخطوات (( او ببساطة راقبي بتاع الكاوتش وهوه بيغير اي فردة ))..
هي الفكرة بس ان ممكن يكون المكان اللي الفردة باظت فيه مفيهوش مساعدة قريبة والجيش بيقول نتصرف او ان يكون انسب الحلول ف الوقت ده انك تعتمدي علي نفسك..

**heshamzaky** · 05-05-2011 02:51 AM

و الله أنا رايى تعرفى بتتغير أزاى للضرورة القصوى و فى أشد الحالات بس لو الفردة نامت وقفى أى تاكسى و هو حا يغيرهالك و أديلة فلوس و السلام . بصراحة شديدة أنا مش شايف أنها تبقى مقبولة لو بنت أو سيدة هى الى غيرت العجلة صعب شوية . أى شاب أو واحد معدى فى الشارع ممكن يغيرهالك جدعنة بس بنت أو سيدة تقعد امام العجلة و تغيرها بنفسها مش عجبانى الفكرة قوى الا لو كانت فى طريق مفيهوش أى ناس و الرجالة عدمو الشهامة غيرها بنفسك فى الحالة دى . و لو عندك كوريك تمساحة حا يبقى أسرع و اسهل فى الاستجدام مش محتاج قوة عضلية . بس حاسس أن صعب أن بنت تعرف تفك العجلة بمفتاح صليبة لو المسمار مبروط جامد لا تملك القوة البدنية لفك المسمار و مش ممكن بنت حا تركب برجلها على المفتاح الصليبة و تشد ب الايد الاخرى لفك المسمار و تشيل فردة كاوتش و تركب الاخرى و تقعد على الارض أمام العجلة لتركيبها فى مكانها . لا مش عجبانى الفكرة دى بصراحة خالص

**زينة الله** · 05-05-2011 09:13 AM

المشاركة الأصلية كتبت بواسطة Taiwo

تدربي نفسك بمعني انك تحاولي ف يوم اجازة كده فاضي تجربي تفكي احدي العجلات وترفعي العربية (( ايوه زي ماهي مكتوبة كده بالظبط ههههههههههه )) لا مهو ده هيكون بالكوريك وبعدين تركبي الفردة الاحتياطية.. يفضل لو أخوكي مثلا يساعدك ..
والله انا عاوز اكتب الخطوات بس هترجعي تدعي عليا من اول محاولة

..
هو بصراحة انا شايف انه هيكون غير مناسب انك تغيري فردة لو نامت الموضوع هيكون متعب بالنسبالك لكن لو عندك عزيمة وعاوزة تخوضي التجربة دي اكتبلك الخطوات (( او ببساطة راقبي بتاع الكاوتش وهوه بيغير اي فردة ))..
هي الفكرة بس ان ممكن يكون المكان اللي الفردة باظت فيه مفيهوش مساعدة قريبة والجيش بيقول نتصرف او ان يكون انسب الحلول ف الوقت ده انك تعتمدي علي نفسك..

مافيش مانع تكتب الخطوات للعلم ::::

ونجربها تحت البيت أو فى الجراج أستر برضك ههههههه

المشاركة الأصلية كتبت بواسطة heshamzaky

و الله أنا رايى تعرفى بتتغير أزاى للضرورة القصوى و فى أشد الحالات بس لو الفردة نامت وقفى أى تاكسى و هو حا يغيرهالك و أديلة فلوس و السلام . بصراحة شديدة أنا مش شايف أنها تبقى مقبولة لو بنت أو سيدة هى الى غيرت العجلة صعب شوية . أى شاب أو واحد معدى فى الشارع ممكن يغيرهالك جدعنة بس بنت أو سيدة تقعد امام العجلة و تغيرها بنفسها مش عجبانى الفكرة قوى الا لو كانت فى طريق مفيهوش أى ناس و الرجالة عدمو الشهامة غيرها بنفسك فى الحالة دى . و لو عندك كوريك تمساحة حا يبقى أسرع و اسهل فى الاستجدام مش محتاج قوة عضلية . بس حاسس أن صعب أن بنت تعرف تفك العجلة بمفتاح صليبة لو المسمار مبروط جامد لا تملك القوة البدنية لفك المسمار و مش ممكن بنت حا تركب برجلها على المفتاح الصليبة و تشد ب الايد الاخرى لفك المسمار و تشيل فردة كاوتش و تركب الاخرى و تقعد على الارض أمام العجلة لتركيبها فى مكانها . لا مش عجبانى الفكرة دى بصراحة خالص

أنا فعلا مستصعبة حكاية إنى أركب عجلة العربية فى الشارع كدا أو أصلحها :):) ::: فكرتنى الحكاية دى بـ " لبنى عبد العزيز فى فيلم أه من حواء ":::::::: ههههههههههههههه وابقى متشردة ومتلطشة كدا هههه

بس ممكن نعرف أزاى تحسبا للظروف الصعبة بس .... وربنا يسترها

...........................................

شكرا أستاذ هشام على شرح المقاسات ::: لكن محدش قالى أختار أنهى مقاس للأربع عجلات 155 والا 145 وليه ؟؟؟

...............................................

**heshamzaky** · 05-05-2011 02:46 PM

العفو يا فندم . مقاس العربية الاصلى هو 145 و الفكرة طالما حالة العفشة عندك متوسطة يبقى بلاش مقاس 155 لانها بتكون أعرض و دة فرق صغير بس خليها بمقاسها العادى علشان المقصات و المساعدين ما يتعبوش