الموضوع: النهاردة كان يوم غريب جدا

والله هوة ساعات بيبقى فيه ايام كده وساعات ممكن يبقى فيه اسبوع كده تحسي انه الأسبوع فيه حاجة مش راكبة مع بعض او فين زرار التجرية عشان ننجر :d
بس الحمد لله على كل شئ :d :d :d

ياسلام عليك ياسيد بتقول حكم ياابني والله

المشاركة الأصلية كتبت بواسطة nevozaky

بصى يا زينة قولى الحمد لله طبعا على كل حاجة .فعلا ساعات فى ايام بتعدى على الواحد بتحصل له فيها حاجات غريبة وما يبقاش عارف السبب لحصولها .
بس بعد ما بيعدى اليوم ده يظهر للواحد ان اللى حصل ده احسن حاجة كانت ممكن تحصل .وان كان فى حاجات تانية هتحصل له اسواْ
فقولى على كل حاجة الحمد لله .
لو علمتم الغيب لاخترتم الواقع .

معاكى ألف حق يا نيفو ::: الحمد لله على كل شئ ...

والله فعلا الواحد ساعات بيتعرض لأذى و بعدها يكتشف إن بسبب الأذى الصغير دا ربنا حاش عنه حاجة أوحش و أذى أكبر

و حتى لو ما أكتشفتش الأسباب خلاص بقيت مقتنعة إن كل اللى يقدره ربنا خير والحمد لله وربنا يجملها بالستر معانا جميعا

المشاركة الأصلية كتبت بواسطة sayed911

والله هوة ساعات بيبقى فيه ايام كده وساعات ممكن يبقى فيه اسبوع كده تحسي انه الأسبوع فيه حاجة مش راكبة مع بعض او فين زرار التجرية عشان ننجر :d
بس الحمد لله على كل شئ :d :d :d

هو شكله الأسبوع المفتوح كدا برضك :):) تصدق أنا بقى لى يومين تلاتة بتحصلى حاجات غريبة :: لكن أمبارح كان أوفر قوى

و النهاردة الصبح كمان لسة بنور اللمبة أنفجرت فوق رأسى و اتبعتر الإزاز بتاعها على الأرض::) أنفجرت مش أتحرقت

لما أنا نازلة الشغل و ماشية تحت المطر عمالة أدعى ربنا يسترها ويجعل اليوم كله خير و بركة يا رب

رجاء بس يا جماعة و نداء للجميع

لو حد زعلان منى فى أى حاجة يسامحنى وأنا مسامحة كل الناس ومش زعلانة من أى حد

عشان بس الواحد لو هيخلص الأسبوع دا يخرج منها نضيف هههههه

النهاردة بقى واستكمالا لمسيرة تعلمى القيادة ومصاحبة مبروكة ليا وأنا رايحة الشغل لأن قريب من البيت و السكة هادية نسبيا

بس حصل اللى ما كنش فى الحسبان اتكلف بمأموية فى مكان مواصلاته زحمة شويتين ::: طيب أروح بتاكسى وأرجع لها

لأ أنا هاروح بيها ما أنا بروح يومين أهه والحمد لله بتعدى ... وصلت بالسلامة مكان المأمورية وخلصت شغلى وراجعة

المفروض بقى أخد يوتيرن شمال عشان ألف وأرجع !!!!!!!!!!! والعربيات على الشمال سريعة وزحمة ::: طيب نعدى الفتحة دى

ونلف من اللى بعدها :::))) اللى بعدها برضك زحمه !!! لفيت رأس الرجاء الصالح هههههههههه

طيب نلف يمين يمكن نلاقى مخرج تانى !!!! دب خبطت عربية راكنة صف تانى على الناصية !! كسرت ركن الفانوس الخلفى لعربية 128 ...

ضميرى أنبنى أعتذرت فى ورقة وكتبت تليفون أبويا عشان يكلمه يصلح الفانوس ::)) واضح إن والدى هيعانى معايا شوية اليومين دول هههههههههههه

المهم مشيت وأساسا أنا مش عارفة الطرق ولا أتجاهتها وكان فيه مظاهرة فى الشارع!! معرفش ليه .. خدت الشارع اللى جنبه سهوا

فدخلت فى سكة تانيه خالص !!! ما أنا ببعد عن المشاكل والزحمة بقى وماشية هادية والناس شافت كدا يقفوا يستنوا التاكسى قدامى أو يعدوا ببطء

حسبى الله ونعم الوكيل :::

وناس المشى الهادى بتاعى مضايقهم ... كنت ماشية على التانى ::: وناس تكسر عليا :: وناس تضحك عليا و أنا بتحايل عليهم عشان أعدى تقريبا كدا شكلى كنت متشحتفة و هعيط ههههههه

وصلت بتاع العجل ظبط الهوا و غيرت عجلة وروحت طبعا وأنا أتصبب عرقا ووشى أحممممممممر ::: فى البيت بقى بيسألوا ::فى أيه يا بنتى ؟؟

رديت عليهم أبدا أصل الدنيا بره حر قوووووووى ..... بس احتمال وا حد يتصل عشان فانوس عربية مكسور ......

الحمد لله على كل شئ كويس إن الخسائر مش كبيرة وربنا يسامحنى

والله أنا بخاف على عربيات الناس أكتر من عربيتى وخصوصا الغالية منهم ::)) منعا للخسائر ربنا يسترها