الموضوع: مشكلة فى ريموت الفيكترا

انا فعلا حصلت المشكلة دي عندي بعد ما اشتريت الريموت من مقار بحوالي 4 شهور
ودي بصراحة ميزة انك تجيب الحاجة من التوكيل
لاقيت الريموت مش مش بيفتح ولا بيقفل ولا حتى عاوز يتبرمج
روحتلهم في مقار وبصراحة مش عارف عملو ايه في وحدة الاستقبال اللي موجودة داخل العربية
تقريبا والله اعلم كانت الفيشة بتاعتها مهزوزة او حاجة زي كدة بس عملوها وبرمجو الريموت تاني ومأخدوش مني ولا مليم

انا لقيت عندى مصيبه
وحدة اللشفره مش موجوده فى العربيه اساسا لا فى المفتاح ولا فى طبلة الكونتاك
الكهربائى قالى لازم تسيبلى العربيه بس تكون مش مستعجل عشان امشى وراها من البدايه ونحللك المشكله ان شاء الله

شريف باشا
انت تقصد بتاعة الاي موبيلايزر
انا عندي بردو ملغية لأني لما اشتريت العربية عملت مفتاح عادي جدا ودورت بيه العربية عادي
اعتقد ان اللي اشتريت منه العربية فاكك الشفرة من مفتاح من مفاتيح العربية وحاطتها قدام الجزء اللي موجود في العربية ومريح دماغه

المشاركة الأصلية كتبت بواسطة tananybasha

الوحده مش موجوده بتاعت الأيمولايزر
ماشى
و ده ايه علاقته بالريموت
دى وحده و دى وحده

مانا علشان كدة سألت شريف اذا كان يقصد الايموبيلايزر لأن دي حاجة ووحدة استقبال اشارة الريموت حاجة تانية زي ما ساعدتك قولت يا طنون

انا كمان مؤخرا المفتاح بقى بيفتح ويقفل بصعوبة جدا لدرجة ان محدش بيعرف يفتح العربيه غيرى
علشان المفتاح تحس انه حيتكسر وفى بعض الأحيان يبقى كويس جدا
نفسى اعرف العضه اللى فى الكالون دى ايه بالظبط، بتاع المفاتيح بيقوللى الكالون كللو عاوز يتغير
لو الكلام صح اجيبو منيين ولو مش صح عاوز واحد بتاع ابواب سيارات يكون فاهم
والله الموفق

لو تسمحوا اقوللكوا علي تجربتي مع ريموت فيكترا 97 كان عندي نفس مشكله ان البرمجه بتطير كل شويه لما قريت في دليل الخدمه service manual لقيت مكتوب ان لو الحجاره بتاعت الريموت اتشالت 3 دقائق الريموت بيمسح البرمجه كنوع من الحمايه وبيحتاج اعاده برمجه بنفس الطريقه السابق ذكرها ولكن تكرار مسح البرمجه ( وكمان كان المدي بتاع الريموت range قليل جدا كان لازم ابقي لازق في العربيه علشان يشتغل ) ففكيت الريموت لقيت اللحام الي ماسك البنز بتاعت البطاريه في البورد مفكوك وبيلمس احيانا فطبعا بالنسبه للريموت لما بيبقي مفكوك كانه بالظبط البطاريه متشاله فبيمسح البرمجه من NVram وببساطه بكاويه وحتة آزير صغيره لحمته تاني وشغال زي الفل حتي الان والمدي بتاعه حطيت ورقه صغيره متطبقه بين الغطا وبين البورده بحيث تضغط البورده لتحت والمدي بتاع اليموت بقي عادي حوالي 8-10 متر)