الموضوع: ما هو نصيب نايل موتورز من حياتك اليومية

ادمااااااااااااااااان
نيل موتورز .....بالنسبة ليا ادممممممان..
انا مش ممكن مادخلش علية مرتين او تلاتة في اليوم وفي كل مرة مش اقل من ساعة ونص او ساعتين...
علي فكرة دة اول منتدي اشترك علية...عمري ما اشتركت او حتي شاركت في منتديات قبل كدة....
مش هاقول علي مقدار الاستفادة ايلي استفدتها من اعضاء المنتدي...بس كفاية ان ادعي ربنا يتقبل مجهودتاهم ومحاولتهم في مساعدة الآخرين في ميزان حسناتهم...

وربنا يديم الود والمودة ايلي بين الاعضاء ويحفظلنا نيل موتورز...ونشوفة من احسن المواقع العربية المتخصصة ....

لا يقل عن ساعتين في اليوم

طوال الجهاز ما هوا مفتوح

معقولة يا جماعة يعني ما طلعتش لوحدي ............ الحمد لله
دا طلع في ناس مجانين اكتر مني بكتتتتتتتتير بنايل موتورز
اصل لو حسبناها هنلاقي ان نايل موتورز فيه حاجات كتير افتقدناها في حياتنا اهمها
المعلومة الصح

............. في عصرسيطرة عليه الافتاء بتاعة الشعب المصري.
الضحكة اللي غابت عن وجوه كل المصريين ............ بسبب حالة البلد اللي احنا عايشنها
النصيحةوالتوجيه السليم ........... في زمن محدش فاضي ينصح حد
المشورة السليمة ............ بدلا من الوقوع تحت رحمة الميكانيكي النصاب
الصديق اللي بيساعد بدون مقابل .............. انما ابتغاء مرضاة الله

ربنا يديم المودة ما بين كل الاعضاء ويجعله في ميزان حسنات القائمون على المنتدى وكل من حاول المساعدة ولو بابسط شيئ

المشاركة الأصلية كتبت بواسطة MTAK

كل ما اكون فاضى فى الشغل افتحة و اسرح شوية فيه

اعتقد يا طه العكس انك كل مايكون عندك شغل تسيب نايل موتورز

المشاركة الأصلية كتبت بواسطة OlaOsman

مش عارفة في الأسبوعين اللي جايين اللي واخداهم أجازة دول هاعمل ايه.. بس هاشوف و اقول لكوا :D

يا ترى مجهزلنا ايه يا علا. يا خوفي منك يا بدران

المشاركة الأصلية كتبت بواسطة SEATLOVER

اةةةة جينا للسؤال اللى عامل مشاكل بقى ..
طبعاً اسمى منور فوق فى الاستطلاع فى اللى اكتر من 5 ساعات ...و منور تحت فى الاكثر تواجد
طبعاً متخيلين الموقف :o

بس عايز اقول حاجة .. نايل موتورز مش مجرد موقع بيضم هوسنا بالعربيات لآ
نايل موتورز.......... (صدقة جارية ) و (عِلم يُنتفع بة )

انت غني عن التعريف يا سيات لافر.
ربنا يباركلك ويجعله في ميزان حسنات ان شاء الله

المشاركة الأصلية كتبت بواسطة amr mokhtar

انا أرجع من الكلية أول حاجة أعملها أفتح الكمبيوتر و أبص على السريع كده .. و بعد الغداء لازم اتفرج واحدة واحدة على الجديد

و ما بين فترات المذاكرة لازم بصة كده مش هتزعل

بجد المفروض الموقع يتقفل أيام الإمتحانات لإن بالمنظر ده هيبقى فيه خطر على فكرة النجاح

يا خبر ابيض يا عمرو. الحمد لله ان نايل موتورز ما كانش موجود ساعة مانا كنت في الكلية. الله يكون في عونك يابني دانت ممكن كدة تتخرج على سنة 2020:D:D:D

المشاركة الأصلية كتبت بواسطة OlaOsman

اوكييييييييييييه :D

و لازم الفندق يبقى فيه wireless عشان نعرف ندخل على نايل موتورز براحتنا :D

كدة يبقى تحجزولي اوضة دبل معاكو في الفندق

المشاركة الأصلية كتبت بواسطة theking2690

يا جماعه انا خلاص بقيت حاسس انى مدمن مش قادر اسيب الموقع انا ما بفتحش حاجه عندى غيره ده حتى لما ببقى بشوف الموقع بعمل فى الميل عندى appear offline علشان محدش يزعجنى حد يشوفلىىىىىىىىىىى علالالالالالالالالالالالا ج ده انا بدخل على السايت 48 ساعه فى 24 ساعه



ادينى الحقنه بسرعه ارجوك محتاج الجرعه


و بعدين انا مش عاوز اقول حاجه فى الاخر غير

نايل موتورز

لا يا مصطفى انت كدة حالتك ميؤوس منها بس انا سمعت انهم في الماني نجحوا في اجراء اول

عملية جراحية لأستئصال نايل موتورز من المخ. سافر كدة وجرب وربنا معاك

المشاركة الأصلية كتبت بواسطة karim_monir

بين الوقت اللي بقعد في على نايل موتورز في الشغل
والوقت اللي بقعد فيه على نايل موتورز في البيت
بكون سايق العربية
:p:p:p:p:p:p:p

يانهار ابيض مش ممكن يا كريم. دا كدة لازم احجزلك اوضة معايا في الفندق اللي هايعملوه دموع وعلا
خلي بالك بقى احسن بيدو يقوم باعمال تخريبية فيروسية في المنتدى انتقاما علشان انت مش فاضي تلعب معاه

المشاركة الأصلية كتبت بواسطة onna

انا مرة فى الشغل فتحته برضه و كان مديري جاى عليه و انا جاية اقفله بسرعة النيلة دة مش عاوز

يقفل :D:D و عمالة ادوووس close close و مافيش فايددددةةةةةةة

قمت شديت فيشة الكمبيوتر :D:D

:D:D:D:D:D:D
من اولها يا نها طب استني اما تقدمي شوية في الشغل. بس ماتقلقيش كل المديرين عارفين كدة. انا ياما اتقفشت بتفرج على افلام وبلعب Games والكمبيوتر كان بيعملها معايا

المشاركة الأصلية كتبت بواسطة sharky

تقريبا هما 5 ساعات فقط إللى مابشوفش فيهم نايل موتورز :D

ههههههههههههههههههههههههه
اكيد دول اللي بتبقى نايم فيهم يا شاركي

المشاركة الأصلية كتبت بواسطة Nader

انا على طول مرتبط بكمبيوتر وطول ما انا قاعد على الكمبيوتر

نايل موتورز شغال.

واضح يا نادوووور من مشاركاتك انك بتبقى نايم وصوابعك بترد على المشاركات لغاية ماتصحى بس بجد انت من الناس اللي بعتبرهم اكتؤ ناس افادو المنتدى وربنا يباركلك ويبارك في صوابعك اللي كتبت وساعدت ناس لوجه الله

المشاركة الأصلية كتبت بواسطة aif

انا بقي عملت نفسي ناصح وقلت انا مش ح اجيب كمبيوتر في البيت ... خليني ادخل علي النت من المكتب بس

المشاركة الأصلية كتبت بواسطة aif

دلوقت باروح المكتب ساعات بعد صلاة الفجر ... عشان المنتدي الغالي ..اللي بقي ادمان ... وساعات كتير بآجي المكتب وما اشتغلش خالص .. اقعد معاكم لغاية ما أروح


والله بجد مش مبالغة
انا عندي تأخيرات ومشاكل خطيرة في شغلي من ساعة ما عرفت طريق المنتدي .... المشكلة اني مش قادر اقاوم
لكن انا في طريقي اني أقنن دخولي شوية عشان احاول اشوف شغلي ......


دلوقتي مدام شوماخر في البيت اول ما ادخل من الباب او اكلمها في التليفون ... السؤال التقليدي ... ها .... ايه اخبار المنتدي ؟؟؟ ....بدل ما كانت بتقول .. عامل ايه ... ازيك .. ايه اخبارك

يا نهار ابيض يا استاذ احمد دا المنتدى لخبط حياتك خالص.
انا اعتقد انك قدام شوية هاتتصل بيهم في البيت وتقولهم انا هبات انهاردة في المكتب علشان عندي ضغط شغل جامد واكيد هايبقوا عارفين ايه السبب