خاليك فى الصنى وابعد عن التيدا الخليجى , العربية مع واحد زميلنا والخليجى مفهاش abs
لكن قطع الغيار موجودة فى التوكيل , وبره التوكيل , وفى المتناول , ومعقولة
وجوة التوكيل لو حتجيب منه قطع غيار لتوك توك بتكون غالية طبعا , وده حال اى عربية من 90 الف تمنها وانت طالع , بيكون جوة التوكيل غالى
وانا شوفت ليها قطع غيار بره التوكيل فى الحرفين كتير جديد واستراد
ونصيحة تجيب الاستيراد ومتجبش الجديد لان الجديد بيكون تايوانى يعنى مش اصلى , وطبعا اللى مش اصلى بيكون فى ضرر على العربية , لكن الاصلى بتجيبه وبتريح العربية وبتحافظ عليها
وفى موضوعات فى القسم كتير عن خطورة قطع الغيار اللى مش اصلية بتعمل ايه وتجارب الناس
وكمان حتلاقى فى الموضوعات المثبتة موضوعات عن التيدا , وعن قطع الغيار جوة التوكيل , واسعار الصيانات
ولو قلبت فى القسم كمان 3 صفحات لورا , حتلاقى كنت عامل موضوع عن قطع الغيار انها متوفرة فى الحرفين ومنتشرة
اه صحيح : التوكيل بيتعامل مع الخليجى بنفس اسعار الصيانات العادية
اتمنى اكون جاوبت على استفساراتك
واهلا يك معانا
تحياتى
المفضلات