فيه ناس كتير هتستفيد من الموضوع ده كل واحد يقول هيصيف فين السنة دي وممن يقول كان بيصيف فين السنين الي فاتت مع شوية معلومات عن الاسعار والمميزات والعيوب
عرض للطباعة
فيه ناس كتير هتستفيد من الموضوع ده كل واحد يقول هيصيف فين السنة دي وممن يقول كان بيصيف فين السنين الي فاتت مع شوية معلومات عن الاسعار والمميزات والعيوب
انا عن نفسى فى الاوضة
المميزات
ببلاش
انا اكتر مكان حبيته كان العريش بس ده رحته من زمان كنا فى فندق {ْ اوبروى } وهو 5 نجوم والغرف كلها على البحر وجميل جدا الرملة بيضا ونضيفة عاملين شمسيات ثابته على البحر من النخل بكراسي
فى واحد بينضف الرملة علطول وفى كابوريا شفافة صغيرة كده منظرها جميل بتتمشى على البحر
المياه فيروزى ورايقة
فى كذا حمام سباحة
وطبعا اكتر حاجة عجبتنى ان الناس كلها بتنزل حمام السباحة وسايبين لى البحر لوحدى : )
كل ماحد يشوف الصور يلاقينى الوحيدة اللى فى البحر
الأقامة كانت شاملة الفطار اوبن بوفيه وكل 5 ليال عليهم ليلة مجانية
العيوب ان الفسح محدودة يعنى هو مكان لمحبى البحر فقط
فى محمية طبيعية بس معرفتش اروحها وفى سوق كده هو شارع واحد بتخلصه وخلاص
والسيرك العادى ده والمفروض تروح تزور الحدود مع فلسطين
فى مطعم هناك اسمه البيك اكله حلو واسعاره كويسة جدا
متحاولش تنزل فى قرية سياحية لأن مفيش ماء فى الحنفيات غير لفترات محدودة الأوتيلا ت بس المتوفر فيها المياه
والله ما عارف
المهم حال البلد يتعدل الاول لانه من غير ما تتعدل والنبي ولا هنصيف حتي في الشارع لانه مش هيبقي فيه فلوس
ونرجع بقي نسال بابا بعت فلوس
بابا ما بعتش فلوس
احسن مكان صيفت فيه كان راس البر
بصراحة راس البر مصيف الغلابة والاغنياء
كل حاجة تلاقيها فيها وباسعار فى متناول الجميع
لدرجة ان قضيت اسبوع العسل بتاعى فيها
وكنت قاعد فى فندق القوات المسلحة فى شارع 101
واحلى حاجة هناك الاماكن اللى تتفسح فيها كتير
يعنى كل يوم فى مكان شكل بفسحة شكل
مرة فسحة فى النيل
مرة فى اللسان والفنار
مرة فى الجربى
مرة سينما
مرة ملاهى
واحلى حاجة ركوب الدراجات هناك
مرة تنزل دمياط تتفرج على احدث الموديلات
واسعار اكلات السمك كويسة وصبحة وجميع انواع الاكلات وانت وذوقك فى الاكل
النخيل زى الفل القاعده حلوه تحس انك ف مصيف فعلا مع ان الايام ديه بقت زباله بسبب اللى بيعملوه فيها بس اشطى يعنى وساعة الخروج بنطلع على اليكس اظن ان دا كل اللى مجتاجينه حته فيها خروج و بحر تحس انك ف مصيف :d
كل سنة بروح فيها رأس البر بحس انها احسن من السنة الي قبلها جميلة بجد
افضل مكان كان شرم الشيخ كان الصيف الماضي مباشرة
اهم عيوبها (مش للمصريين او حتى في متوسط اسعار الشعب العادي )
ممكن طابا او دهب ولكن شرم بذاتها حسيتها صعبة جدا يعني انا قضيت اسبوعين هناك شغل وفسحة كانت ممتازة جدا جدا جدا جدا جدا ..
شكلها هتبقي في الجيش هههههههههه
ان شاء الله اى حته فى الساحل الشمالى
دة يعنى لو الظروف الاقتصاديه سمحت
1-دهب
العيوب بعيدة شوية
2-الساحل الشمالي
كفاية لون المية بس اخرك البسين عشان الاناديل ولرملة ناعمااا ممكن تمشي 10 متر في ربع ساعة
3-السخنة
يوم فالبورتو معرفش فيها إلا قرية تانية ومعجبتنيش
4-راس سدر
حلوة قوي بس برده في قرية
ياجماعة اللي عايز مصيف ويعيش فيه براحته بينزل قري وفنادق مش في شواطيء مفتوحة عشان بجد فيه فرق كبير قوي بين شط وقرية
لو فيه كاش يبقى شرم بلا منازع بعدها الغردقة, الساحل
بحب الجونه ---بس شكلها السنه دي في البيت خليها تعدي علي خير
مجتش من مره الواحد مش عارف الظروف الامنيه ايه
يا جماعه شرم الشيخ مش مصيف على الإطلاق
شرم الشيخ تتراح في الفتره ما بين شهر 10 لشهر 5 لكن بعد كده الدنيا بتكون حر جداً جداً وساعات أحر من القاهره
البحر الأحمر عامة مش مكان كويس أوي للتصييف عشان هو بحر طولي مش عرضي والهواء مش بيكون كويس فيه. معظم الأيام الدنيا بتكون حر وما فيش هوا أو الهوا بيكون بالليل بس.
رأس البر ترحب بالجميع :)
انا طول عمرى بصيف كل سنة فى مطروح
بس السنادى مش عارف انا سامع ان ليبيا مخلية مفيش و لا شقة فاضية لان نزل فيها حوالى نص مليون ليبى
بس نصيحة إلى عايز يستمتع ب مطروح يروح فى الروقان قبل ما امتحانات الثانوية العامة ما تخلص
هو لسه مفتتحها فى الشتا وانا سألته على الأسعار قاللى انه لسه مقررش بالنسبة للصيف
فلما اعرف ان شاء الله هقولك
بس هى لو مش شايفة البحر عادى ؟
انا مش عارفة الموقع لسه بالضبط
بيتهيألى الأمان بعد شهرين اكيد يكون رجع ان شاء الله
أنا قاعد على طول فى راس البر
وان شاء الله هروح الساحل فى الصيف :)
انا كل سنة بصييف فى مطروح
بس السنة دى شكلها فى البيت
انا مره بورسعيد ومره اسماعيليه انما الاساسى اسكندريه هى بتبقى زحمه جدا لكن احنا بنروح فى اخر الصيف يكون الناس مشيت طبعا اسكندريه رائعه جدا فى كل حاجه .
وعايز اجرب راس البر وجمصه.
انا كمان لسة بفكر وشكلها هتكون فى الغالب اسكندرية او لو لقيت عرض حلو بشرم
هو انتو بتصيفو كل سنه
يا واصلييييييييييييييييييين
يا اللى عندكوا اجازه
اول ما الاقي شغل واشتغل
ساعتها ممكن افكر في مصيف او فسحة اكتر من يوم
الساحل ان شاء الله اللى يعرف حد بياجر فيه فلل يبقى يقول فى الموضوع ده بالمره
انا سألته النهاردة العنوان
شارع شكرى القواتلى خلف المستشفى العام
برج الحاج ابراهيم الدسوقى
وطبعا تلاقى الف مين يدلك لأنه عمدة البلد : )
وبينها وبين البحر 700 متر تشوفه من البلكونة
بس الأسعار هو قال انه مستنى ممكن شركة تيجى تحجز البرج كله
لو ده محصلش فالأسعار ممكن تكون من 150 -200 فى اليوم لو الموسم اتضرب هترخص
وقاللى انهم كاتبين على الليبين ايجار تزايدى بحيث لو فضلوا فى فترة المصيف هيدفعوا نفس سعر المصيف
ولو عجبك الموضوع الأمور هتبان على اول 6 ابقى عرفنى:glasses12:
راس البر جميلة جدا جدا
لو عايزين على البحر الأبيض أنا لسة راجع من بورسعيد كنت في كيت مرحبا
تحفة في كل حاجة الشاليه مساحته 90 متر غير طبعا الجنينة واسعاره كويسة قوي مع اعتبار إن بورسعيد مدينة مش قرية
بكام ؟
متابع