الموضوع: ناوي تصيف فين السنة دي؟

1-دهب
العيوب بعيدة شوية
2-الساحل الشمالي
كفاية لون المية بس اخرك البسين عشان الاناديل ولرملة ناعمااا ممكن تمشي 10 متر في ربع ساعة
3-السخنة
يوم فالبورتو معرفش فيها إلا قرية تانية ومعجبتنيش
4-راس سدر
حلوة قوي بس برده في قرية

ياجماعة اللي عايز مصيف ويعيش فيه براحته بينزل قري وفنادق مش في شواطيء مفتوحة عشان بجد فيه فرق كبير قوي بين شط وقرية

لو فيه كاش يبقى شرم بلا منازع بعدها الغردقة, الساحل

انا طول عمرى بصيف كل سنة فى مطروح
بس السنادى مش عارف انا سامع ان ليبيا مخلية مفيش و لا شقة فاضية لان نزل فيها حوالى نص مليون ليبى
بس نصيحة إلى عايز يستمتع ب مطروح يروح فى الروقان قبل ما امتحانات الثانوية العامة ما تخلص

المشاركة الأصلية كتبت بواسطة elhelwany188

احسن مكان صيفت فيه كان راس البر
بصراحة راس البر مصيف الغلابة والاغنياء
كل حاجة تلاقيها فيها وباسعار فى متناول الجميع
لدرجة ان قضيت اسبوع العسل بتاعى فيها
وكنت قاعد فى فندق القوات المسلحة فى شارع 101
واحلى حاجة هناك الاماكن اللى تتفسح فيها كتير
يعنى كل يوم فى مكان شكل بفسحة شكل
مرة فسحة فى النيل
مرة فى اللسان والفنار
مرة فى الجربى
مرة سينما
مرة ملاهى
واحلى حاجة ركوب الدراجات هناك
مرة تنزل دمياط تتفرج على احدث الموديلات
واسعار اكلات السمك كويسة وصبحة وجميع انواع الاكلات وانت وذوقك فى الاكل

ياباشا هو القوات المسلحة ده للظباط فقط ولا ممكن المدنين كمان

المشاركة الأصلية كتبت بواسطة hosar

انا طول عمرى بصيف كل سنة فى مطروح
بس السنادى مش عارف انا سامع ان ليبيا مخلية مفيش و لا شقة فاضية لان نزل فيها حوالى نص مليون ليبى
بس نصيحة إلى عايز يستمتع ب مطروح يروح فى الروقان قبل ما امتحانات الثانوية العامة ما تخلص

انا ليا قريبى فى مرسى مطروح عنده شقق فندقية وقاللى فعلا على موضوع الليبيين ده بس قال انهم متفقين معاهم لحد 30-5 بس عشان الموسم طبعا

وقال ان فى ناس مسكنينهم ببلاش