Civic 2012 coming soon

**Hisham_ElFeky** · 10-08-2011 01:23 PM

هما خدوا الشكل الخارجي للسيفيك وطبقوه علي السيفيك ودي حاجة عجيبة فعلا في الوقت اللي الكوري بيسرق التصميمات بتاعت السيفيك ٢٠٠٦ وبيطورها!!!..بس مصلحة برضو اهو سعر اعادة البيع يتظبط شوية :)

**MOUSTAFA_SAAD** · 15-08-2011 07:28 PM

مش عارف ليه الكورى سحب البساط من اليابانى فى التصميم
رغم ان العربيه جميله بس الكورى يغلب تصميميا

**wael_elbarkoky** · 15-08-2011 07:38 PM

بصراحه المفروض كانو غيرو شويه في تصميم العربيه
لان شكلهه مش لايق فعلا علي 2012
و من ورا شبه تويوتا كامري 2005

**CosmicOne** · 21-08-2011 09:00 PM

بيقولوا العربيه بره غليه اوى يظهر علشان موضوع اليابان
اظن هتنزل مصر مبالغ فيها

**ahmedsadek82** · 21-08-2011 11:04 PM

المشاركة الأصلية كتبت بواسطة semsem kane

طبعا كلنا منتظرين السيفيك الجديدة وعايزينها تحافظ على القمة فى ظل التطور الرهيب خصوصا فى التصميمات الكورية بالاخص ومابين تكنولوجيا الالمان

فالحمد لله السيفيك 2012 نزلت وبتتباع دلوقتى وان شاء الله هيتم حجزها فى السوق المحلى خلال الربع الاخير من عام 2011 على ان تكون موجودة فى بداية عام 2012 وسوف يتم تقسيمها الى ثلاث فئات ( dx-lx -ex-l) حيث اقل فئة هية ال dx واعلى فئة هية ال ex-l

وطبعا قولت لازم اخوانى الهونداوية يكونوا عارفين كل حاجة عنها قبل اى حد تانى وعملتلكوا تقرير يارب يعجبكوا

اولا : الشكل الخارجى :

للاسف جاءت السيارة على عكس المتوقع تماما فى الشكل الخارجى حيث قاربت بوضوح جدا شكل السيراتو ولكن ممكن ان ننظر ليها نظرة اخرى ان السيراتو هية من بدأت بتقليدها فى الشكل الاوروبى الخاص بالسيفيك وواضح اكتر فى شكل السيفيك كوبية وان ماوصلت الية السيفيك حاليا من شكل ماهو الا تحديث للشكل السابق فطبيعى اصبح مقاربا جدا لشكلها هذا من المقدمة

ومن الخلف اتحفظ جدا على السيارة من حيث تشابة الشنطة الخلفية بشنطة الاسبرانزا m11 الصينى فتقرييا نفس الشكل مقارب بنسبة 90 % وهية نسبة ليست ببسيطة وايضا خرجت مظهر غير مفضل بالنسبة للاغلبية

ثانيا:الشكل الداخلى :

لا اقدر ان اقول سوى انها فعلا من افضل التصميمات الداخلية الموجودة فى اى سيارة واصبحت فعلا مجهزة بكل التجهيزات الموجودة فى اى سيارة بشكل فضائى يوحى بأنك تمتلك سيارة اغلى من ثمنها بكثير

وتم تعديل شكل التابلوة الموجود فى السيفيك حاليا واعطاءة مزيدا من التطورات بداية من شاشة المعلومات توفر للسائق معلومات عن كمية الوقود المتبقية وكمية المسافة التى يمكن قطعها بية , بالاضافة الى بلوتوث , ونظام ملاحة متوفر بخاصية صوتية لعدم تشتيت الانتباة , وايضا تعطيك حالة الطريق وافضل الطرق التى يمكن ان تصل الى اى مكان تريد بسهولة , ايضا هناك النظام الصوتى المتطور الذى يعتمد على ال ipod ولتشغيلة لجميع صيغ الاغانى ومساحات تصل الى 40 جيجا , ايضا تم تغير شكل الصالون والكراسى ليتم ظبطها كهربائيا مع اضافة ذاكرة ولكن هذا الاوبشن يتم اختيارى , مع وجود عجلة قيادة قابلة للتعديل فى اربع اتجاهات .

فى النهاية وصلت السيارة الى قمة فى الجمال من حيث مقصورتها الداخلية

ثالثا : المحرك :

تم تنزيل محركات جديدة لاول مرة فى الهوندا سيفيك لم تكن موجودة من قبل مما سوف يجعلها من اقوى السيارات الموجودة فى فئتها

* اولا محرك 1800 سى سى :
وهو نفس اداء المحرك الموجود فى الموديل السابق مع عدم تغير اى شىء فية سواء فى قوتة او فى ناقل السرعات حيث يعطى قوة قدرها 140 حصان عند 6500 لفة وعزم 17.5 كجم

* ثانيا : محرك 2400 سى سى :

محرك جديد تمام وهو اول مرة يظهر فى السيفيك وتم اقتصارة على السيفيك الكوبية فقط وهو محرك هائل يعطى قوة قدرها 201 حصان عند 7000 لفة وعزم عالى جدا يصل الى 23.5 كجم على المتر مزود بكامتين علويتين مع نسبة انضغاط هائلة تصل الى 11:1 وماتور من الالومينوم الخالص الخفيف , ومزود بخمس سرعات اتوماتيك او 6 سرعات مانيوال

* ثالثا : محرك هايبرد :

لاول مرة يظهر فى السيفيك نسخة هجينة تجمع مابين محرك بنزين واخر كهربائى حيث ان المحرك البنزين الخاص بها سعتة 1500 سى سى كامة واحدة 8 صمامات + بطارية ليثيوم ينتجون قوة قدرها 110 حصان ويمتاز هذا المحرك باقتصادة فى توفير الوقود

رابعا الابعاد :

الطول : 4500 سم

العرض : 1750

الارتفاع : 1435 سم

قاعدة العجلات : 2670 سم

الوزن : 1200 كجم

مقاس الكاوتش : جنوط r15 195/65 جميع الفصول

ونتلخص من ذلك ان كل الابعاد متطابقة بالنسبة للموديل السابق ماعادا قاعدة العجلات فقط تم تصغيرها من 2700 الى 2670 سم وهذا امر غريب جدا فى حد ذاتة حيث ان كل الشركات فى كل شكل جديد يتم تعديلة يهتمون باطالة قاعدة العجلات ولكن حدث ماهو عكس كل مرة

خامسا : الامان:

اهتمت هوندا بالامان فى السيارة حيث جعلت السيارة محاطة كلها بالوسائد الهوائية مع اختيارى فقط للوسائد الخلفية , مع الاعتماد على الوسائد الهوائية من الجيل الثانى وهية التى يتم فتحها على مرتين حسب شدة الصدمة وعلى حسب اذا كان احد يجلس على المقعد ام لا لكى لا يتم فتحها بدون داعى او تسبب خطرا للجالس

ايضا تم تفعيل نظام الثبات الالكترونى كنظام اساسى فى هوندا , مع وجود احزمة امان ثلاثية التثبيت , وايضا الكنبة الخلفية مجهزة باحزمة امان ونقاط تثبيت لمقاعد الطفل , وايضا نظام لمعرفة ضغط الاطارات

نظام التعليق :

مثل جميع سيارات هوندا السابقة فقد تم وضع ممتصات صدمات ماكفرسون مع تعليق خلفى مستقل متعدد الوصلات , مع وجود عجلة قيادة مدعومة بالباور الكهربائى

نقدر نقول ان دة كدة مختصر عن السيفيك 2012 الجديدة اللى قدرت تعدل بشكل ممتاز داخل السيارة ولكن مقدرتش تواكب التصميمات الثورية اللى حصلت فى بقية الشركات وتقريبا سعرها قريب جدا من سعر الموديل الحالى ولو زاد هيزيد 10 الاف جنية او اقل شوية

يارب يكون الموضوع عجبكوا

الموضوع من مجهودى الخاص

باشا كنت عايز منك شرح للعفشة الخلفية للهوندا , المفروض ان الملتي لنك بتكون 3 وصلات او اكتر في الناحية الواحدة , بس السيفيك مش باينلها غير دراعين بس , عندك صور للتوضيح ؟