الموضوع: Civic 2012 coming soon

المشاركة الأصلية كتبت بواسطة CryptonX

على فكرة ده شيء يدل على الفشل مش النجاح !

الجيتا السنة دي فولكسفاجن خليتها بتعليق Torsion Beam ووفروا و ضحوا جدا في الكماليات و الخامات المستخدمة علشان يرخصوا ثمن السيارة و تنافس شوية الكوري و الياباني في السعر ...

فبعد كل ده وتتفوق على الهوندا الجديدة ! دي تبقى فضيحة مش حاجة تفتخر بيها هوندا يعني .

سمسم باشا افهمنا ..

احنا مش قصدنا ان الي حيشتري سيفيك 2012 حيشتري عربية صيني ! اكيييييييييييييييييييييد لأ .. انا بتكلم مع الناس الي متعودة تركب السيفيك علشان عارفين بالرغم انها سيارة عائلية صغيرة الا وانها تمتاز عن مثيلاتها انها بتشجع شوية السواقة الرياضية او بلاش الرياضية ... ال"تهورية" لما كان يميزها من ثبات و متعة قيادة و خلافه .. و كل الي الي بنقوله الموديل الجديد "فقد" نسبة كبيرة من تلك الاحاسيس و اكتفت انها تكون سيارة اعتمادية جيدة بسواقة مريحة و شكل عادي قديم شوية بس.

وانا الحمد الله حكمي من كلام الناس علشان جربت اركب حتى مش اسوق ... اركب SiR وواحدة سيفيك 2008 وفهمت الناس قصدها ايه مش اكتر :)

---

يعني مثلا لو سوبارو نزلت الامبريزا الجديد دفع امامي فقط !! السوباريوة حيعملوا اضراب :( LOL

كويس جدا دلوقتى احنا كلنا متفقين على الاتى :

1- السيفيك اصبحت شكلها اوحش

2- فقدت الروح الرياضية للسيارة

3- هتنزل بتمن اغلى

لكن احنا مش متفقين فى اية بقى لو هنقارنها بالموديل السابق

1- اصبحت اسرع بفارق جزء من الثانية ( 9.7 ث 2012 - 9.8 ث -2010 )

2- اصبحت اوسع مع الرغم من تقليل طول قاعدة العجلات

3- اصبحت الفرامل اقوى ( 131 قدم 2012 - 136 قدم 2010 )

4- الثبات مش هقدر احددة غير مع نزول السيارة وتجربتها غير كدة مش هينفع

5- التابلوة فى نظرى انا اصبح اكثر عملية وكفاية كمبيوتر المعلومات اللى تمت اضافتة مع نظام ال eco لتوفير استهلاك الوقود

6- انا عارف ان خامات الهوندا اصبحت بلاستيك زى بقيت العربيات بس لسة مش متأكد من الموضوع دة لما تنزل اكيد هنعرف

7- العربية اصبحت انعم بكتير ودة واضح من منظر العربية

بالنسبة للهوندا سيفيك والجيتا انا عن نفسى لما شوفت المقارنة لقيت ان الاسباب اللى فضلوا فيها الجيتا عن السيفيك لا تتعلق بالقوة او بالثبات بل فى حاجات تانية هبقى اجيبلكوا الموقع والفيديو