الموضوع: فرامل لانوس 99

السلام عليكم ورحمة الله وبركاته ..الحمد لله بعد عناء تم التعديل وما تم كالتالي :

نزلت بورسعيد .. وبحثت كثيرا عن طنابير وكالبرات الدايو اسبيرو او اللانوس 1600 ولكن التجار كان لهم راي اخر
فكل التجار هناك ليس لديهم اي معلومه عن هذه الطنابير او الكالبرات .. ولكن .. جميعهم اجمعو ان الدايو لانوس بها حجمين من الطنابير اما 13 او 14 وبعد ان رايت الطنبوره مقاس 14 تأكدت انها هي المطلوبة
... وقال لي التاجر انه لابد ان اغير الكوبلن لانني سأقوم بتغيير الطنابير والخزنه والمقصود بالخزنه هنا ( الكالبر )

وبعد ان اقنعته بانني سأقوم بتغيير الطنبورة فقط وليس الصره كاملة .. اخيرا اقتنع وفهم ما اريد ... ولكن

لابد من شراء الركبة كاملة ( الطنبورة مع الكالبر مع التيل مع المساعد مع البطاحه ... يعني لازم كاملة )
واصر جميع التجار علي ذلك . فاضطرت ان اشتري الركبتين شمال ويمين حتي احصل منها علي الطنبورة والكالبر وان تظل باقي الركبة عندي لعل وعسي احتاج في المستقبل لتغيير مساعد او بطاحة فيكون عندي قطع غيار .. طبعا حاولت ان أشتري طنبورتين لمفوردر او برميمبو ولكن التجار ليس لديهم ادني فكره عنهم .. ومن الواضح انها غير متوفرة الا جديد وليس مستعمل .. نصل لأهم نقطة الا وهي السعر ::: هناك من قال الركبتين ب 600 ومن قال 500 ومن قال 400 .. وبعد مناورات الحمد لله وصلت لسعر 300 ... سعر خرافي بصراحه واليكم اول صوره ( الركبة )




خرجت من بورسعيد تقريبا العصر .. وذهبت للميكانيكي ( وليس العفشجي )
وقمت بفك الطنابير القديمة وهذه صورتها



وقمنا باحضار الطنبورة الجديدة وهذه صورتها ( مع الصدأ) وقبل الخراطة .. وياريت من الخبراء ان يعلموني بماركة هذه الطنبورة لأنها الاصلية القادمة مع الركبة



وقمنا بفكها من الكالبر والتيل وهذه صورة للطنبورتين للمقارنة



ثم ذهبنا للمخرطة لعمل خراطة للطنبورتين ( بتكلفة 50 جنيه ) مع الفصال والشد والجذب

ثم عدنا وقمنا بتركيب الطنابير والكالبرات علي التيل نفسه القادم مع الركبة .. ووصلنا لهذه النتيجة



وبعد اخذ الهواء ومعايرة الزيت .. قمت مع الميكانيكي بتجربة السياره ولكن للاسف وجدت بدال الفرامل واطي جدا وعند الفرملة اسمع صوت تخبيط .. فرد الميكانيكي قائلا ان العيب من التيل وليس من الطنابير وفعلا قام بفك التيل وسنفرته ورجعنا للتجربة فذهب الصوت قليل وهذا ما جعلني أطمئن .. وقال لي الميكانيكي انه لابد من التطبيع حتي يلحم التيل مع الطنبورة .. وخرجت بالسياره وطوال الطريق ادوس فرامل فأحس انها احسن فأحسن والبدال يعلو شيئا فشيئا ... ففعلا الكلام صحيح انها محتاجة تطبيع خصوصا وان التيل كان عليه صدأ كثير ..ولكن ليست هذه النتيجة التي كنت اتمني ان اصل اليها .. فسيارتي الافيو كانت تفرمل من اقل لمسة للفرامل
( منصعية الميكانيكي 50 جنيه وزيت الباكم 12 جنيه )

يعني التكاليف كالتالي : 300 ركبتين 50 مخرطة 50 ميكانيكي 12 زيت

التعديل سهل جدا وبسيط وبارك الله لكل من ساهم في ابداء الرأي

ولكل من يريد التعديل أطمئنه بأن المكونات متوفرة بغزارة في بورسعيد ( ركبتين لانوس مقاس 14 ) هتقول كده للتاجر

وهنا انتهي الموضوع .... ولكن سؤال للخبراء هل بإحضار تيل جديد سيكون الوضع احسن .. ( وما هو التيل الافضل هل نوبيرا ام اوبترا ؟؟ ام ان السياره محتاجه لتطبيع التيل مع الطنبورة؟؟؟ مع العلم ان الميكانيكي قام بأخذ الهواء 3 مرات ( واجمل ما في الموضوع انني شاركت بيدي معهم في التركيب وتعلمت كيف أخذ الهواء )

وان شاء الله في القريب العاجل سأقوم بالتعديل الخلفي ( متي تسمح الظروف ) وستكون التكملة هنا في نفس الموضوع

المشاركة الأصلية كتبت بواسطة jam

الف مبروك على التعديل وياريت تقولنا انتا جبتهم من عند مين من بورسعيد

الله يبارك فيك ... هتنزل بنك الاسكان في بورسعيد .. وفي عندك اشرف الخفة ( ده اللي انا اشتريت منه هتلاقي واحد هناك خلوق جدا وصوته هادي وتحس انه ابن ناس في التعامل يعني ادمي ) .. وفي عندك الشركة الكورية وعندك ابو خالد وعند عصام الغزاوي وعندك الفقي .. قولهم عاوز طنابير لانوس مقاس 14 هتلاقيه جايبلك الركبة بحالها .. وتحت امرك في اي استفسار

المشاركة الأصلية كتبت بواسطة jam

شكرآ جزيلآ ليك... بس ياريت لو تقولى فين أشرف الخفة دا.. يعنى مثلآ منين من ابو المعاطى او لو عند الشركة الكورية

انا من دمياط مش بورسعيدي .. بس هتنزل بنك الاسكان واسال علي اشرف الخفة بتاع الكوري .. هوا مشهور جدا هناك .. وعموما هوا في نص المحلات كده مش علي الاطراف
اطمن هتلاقية بسهوله كل بتوع الكوري معروفين هناك

المشاركة الأصلية كتبت بواسطة swimmer25

يعني محستش بفرق في الفرامل خالص بعد التعديل؟
حاول تحمل العربية جامد وتشوف الفرامل اخبارها ايه...انا مع فرامل العربية الاصلية كنت بحس ان مفيش فرامل خالص مع التحميل (يعني 5 بس في العربية)...انا معملتش التعديل
كمان جرب الفرامل من سرعات عالية وشوف الفرق بينها قبل وبعد التعديل (بس خلي بالك يكون طريق فاضي تماما)

قبل التعديل ( كنت مغير طنابير امامي وخلفي وتيل امامي وخلفي اصلي ومغير ماستر ومغير سيرفو ... والفرامل اتحسنت كتير )
بعد التعديل ( لسه مش حاسس بالفرق بالعكس حاسس ان القديمه كانت احلا .. . بس اكيد لازم التيل يطبع الاول وكمان يمكن عشان التيل نفسه اللي راكب قديم لانه جاي مع الركبة )

بعد مشوارين تلاته اقدر احكم عليها ... انا رايح القاهره يوم الخميس ... واكيد مشوار زي ده هيعرفني الفرامل اوكي ام لا .. من دمياط ل كايرو 280 كيلو تقريبا

وكمان فرصه اجرب الرشاشات وسحب البنزين لاني غيرت الرشاشات وركبت بتوع هونداي اكسنت لونهم رمادي رفيعين .. وربنا يسهل وشكرا لردك يا كنج