الناس بقت تدافع عن الشرطة حتى في الغلط بسبب انتشار البلطجية، واللي نشرهم الشرطة أصلاً..بصراحة متدايق جداً من ردود الأعضاء حاجة مستفزة.

الراجل ماشي طول الطريق 160 وهو غلطان ويستحق الغرامة.

الداخلية أعلنت انه لايوجد غرامات فورية و إن الغرامات كلها على الرخص، وفي لواء قال ان هيبقى الحد الادنى كمان.

فليه الباشا دلوقتي بيقول هناخد المخالفة دلوقتي؟!!!!!!

ثانياً، الراجل قال انه ماشي 160 طول الطريق...إزاي بقدرة قادر بقت 115، معنى كدا ان مكنش في رادار و مجرد لم فلوس زي ما بيحصل دايما من البشوات.

ثالثاً، تريقته على الشباب و 25 يناير دا أكبر دليل على أنهم بيرخموا على الناس ليس إلا ومش عايزين يشتغلوا غير لو عشان يقرفوا الناس

رابعاً، الرادارات في جميع دول العالم بتكون معلن أماكنها..اشمعنى عندنا احنا مش معلن أماكنها غير على المحور؟! عشان طبعا نلم فلوس تروح لجيب الظباط!

خامساً...الظابط دا كان لازم يتهزق أكتر من كدا دا بيهدد انه هيعتقله ! ينهار أسود بقينا ندافع عن ظابط هيعتقل شاب لمجرد ان الشاب بيناقشه في المخالفة!

امال قرفتونا ليه عايزين نهد امن الدولة والمعتقلات والقرف دا كله ودلوقتي بتدافعوا عن سلوك شرطي مجرم بيهدد شاب بالإعتقال؟!!!!!!

ازدواجية غرييييييييييييييييييييييي ييييييييييبة في الناس!