الموضوع: سلوك البوجيهات بتتغير عند كام كيلو يا شباب

المشاركة الأصلية كتبت بواسطة محمد الشامي

كلامك صح طبعا يا استاذنا :-) لكن العربيات القديمه تقنيه تصنيعها مختلفه تمام عن الجديد
وحتى لو تلاحظ هتلاقي ان الواحد بيتعامل مع القديم بطريقه غير الجديد خالص
العربيات القديمه غالبا بتفضل ماشيه لغايه لما تعطل منك فـ بكده انت تعرف ان في حاجه باظت وعايزه تتغير او عايزه يتعملها صيانه
العربيات الجديده مش بتستنى تعطل منك وبتتبع معاها نظام صيانه محدد وبتمشي على جدول صيانه موضوع خصيصاً لمكونات العربيه

وكمان متنساش ان العربيه الجديده بتكون الكتروني وفيها وحده تحكم بتعمل نوع من التناغم في اداء عمل جميع اجزاء السياره
لكن العربيات القديمه كل حاجه فيها ماشيه بدماغها :-) يعني لو حاجه عطلت غالبا مش هتأثر على حاجه تانيه
طبعا مع كامل احترامي للعربيات القديمه وملاكها :-)

تمام كلامك وأنا سعيد بردك

المشاركة الأصلية كتبت بواسطة amado318

فعلا العربيات القديمه كل حاجه ماشيه بدماغها تلاقى العربيه كلها اعطال وعيوب وعادى جدا دور وامشى واستحمل بقه مرة زقه مرة تقف على كوبرى تنظف الكربراتير مرة تقف نزود ميه مرة سلك يفك لوحدة من غير ما الفار ياكله مرة تقف تنظف ابلاتين يعنى كلها وقفات ميه ميه ويا سلام لما الحر يشتغل الواحد يبفضل ما سك فوطه يمسح العرق ويمسك جركن يزود العربيه ميه ويجعله عامر ربنا لا يعودها ايام دة انا كنت استويت

ههههههههههههههههههههه
من غير2 جركن العربية ما تمشي...جيركن للمياه وجيركن للبنزين
مرة عملت حادثة والردياتير اتخرم وحطيت مياه مليت الردياتير ويامسهل...أخدت مشوار بتاع 10 كم نزلت مليت الردياتير مرة واحدة بس في نص المسافة (طبعا كان فاضي تماما)
تخيل عمرها ما جابت جوان وش سلندر...شفت بقي..مش عارف بقي ليها تاكيهات ولا لا
بس طبعا هي معمولها عمرة مرة واحدة بس..كانت خلاص بتنهار