تركيب التكييف في الماروتي.. تقرير حصري مصور.. تابعونا

**matrx** · 21-06-2011 05:18 PM

م سبعاوي تقصد اية بغسيل دورة الراديتير - انا فكيت الرديتير وغسلتة بمياه عادية وركبتة تاني هو دة اللي بتقصدة ولا اية - لان العربية بتسخن مني على الطرق السريعة من غير تكيف فمبالك بالتكيف داخل المدينة السخونة معقولة كمان لاحظت لما بكون على سرعة 60-70 ومشغل التكيف السخونة بتثبت بعد النصف بحوالي 3 شرط كدة

في رايك اية المشكلة - مع العلم السيارة موديل 2010 - ولا اغير الردياتير بواحد الماني 3 ماسورة

**sab3aawy** · 23-06-2011 09:31 AM

المشاركة الأصلية كتبت بواسطة matrx

م سبعاوي تقصد اية بغسيل دورة الراديتير - انا فكيت الرديتير وغسلتة بمياه عادية وركبتة تاني هو دة اللي بتقصدة ولا اية - لان العربية بتسخن مني على الطرق السريعة من غير تكيف فمبالك بالتكيف داخل المدينة السخونة معقولة كمان لاحظت لما بكون على سرعة 60-70 ومشغل التكيف السخونة بتثبت بعد النصف بحوالي 3 شرط كدة

في رايك اية المشكلة - مع العلم السيارة موديل 2010 - ولا اغير الردياتير بواحد الماني 3 ماسورة

غسيل دورة الردياتير اللى هو غسيل باستعمال مادة منظفة(منظف ردياتير radiator flush)دون فك الردياتير، يتم اضافة المنظف للماء ثم تدوير السيارة سلانسيه لمدة 15-20 دقيقة، ثم تفريغ ماء الدياتير بالكامل وملئه من جديد بمياه نظيفة(يفضل إما مياه عادية مضاف لها كولانت مركز، او مياه خضراء من منتج موثوق به)

**matrx** · 29-06-2011 08:55 PM

بجد التكيف رحمة فعلا

العربية اكثر نعومة عن الاول - التكيف داخل المدينة زي الفل - التكيف على الطريق الطوالى مع سرعة لحد 80 الاداء والسخونة في كويسة العربية مع السرعة العالية بضطر لقفلة

اخر حاجة هعملها باذن الله تغير الرادياتير بواحد الماني 3 مأسورة وربنا يعني بس شويتين كدة قدام ( سالت عليه تقريبا يعمل 360 بمشتملاتة كلها من غير مصنعية )

**dr.hazem** · 29-06-2011 09:05 PM

المشاركة الأصلية كتبت بواسطة matrx

بجد التكيف رحمة فعلا

العربية اكثر نعومة عن الاول - التكيف داخل المدينة زي الفل - التكيف على الطريق الطوالى مع سرعة لحد 80 الاداء والسخونة في كويسة العربية مع السرعة العالية بضطر لقفلة

اخر حاجة هعملها باذن الله تغير الرادياتير بواحد الماني 3 مأسورة وربنا يعني بس شويتين كدة قدام ( سالت عليه تقريبا يعمل 360 بمشتملاتة كلها من غير مصنعية )

مش مقتنع بتغيير الريداتير اطلاقا وحاسس ان في حاجه غلط
اتأكدت خلاص ان كل حاجه عندك في دورة الميه سليمه؟؟

انا عندي سبب وجيه للسخونه
والسبب مشترك بينك وبين سبعاوي
لكن هو قائم على افتراض عندي لكن انتو الاتنين نفس السبب موجود عندكو...

مكان نمر العربية عندكو انتو الاتنين جاي عالي فوق وده له ميزة وعيب
ميزه ان العربية ممكن تتركن من غير م النمر تخبط في الرصيف وتتسبب في ان الاكصدام يقع
اما العيب اللي لاحظته ان مكانها كده جاي بيغطي على نص الريداتير السفلي والالسربنتينه
بينما عندي انا النمر نازله لتحت وسايبه الفتحات اللي في الاكصدام اللي قدام الريداتير والسربنتينه

هل معقول ان ده السبب؟؟؟

جرب فك النمر وقولي ايه الاخبار

تحياتي

**hamaza81** · 29-06-2011 09:36 PM

يا باشا رادياتير ايه اللي تغيرة في عربية موديل 2010

مش معقول

راجع عملية التبريد عندك شوف فيها ايه

أعتقد طالما العربية بتسخن على السرعات العالية ممكن دا يرجع لأن انت عندك كهربة العربية مش مظبوطة

لكن ماتفكرش انك تغير الرادياتير

**hamaza81** · 01-07-2011 02:59 PM

سؤال لأخوانا حازم وسبعاوي

ياترى ايه اللي في دورة المية الخاصة بالدفاية
اللي هي المواسير اللي بتدخل مية سخنة عشان لما الدفاية تشتغل
بما انكم شلتوا المروحة القديمة وركبتوا تلاجة جديدة اعتقد مافيش فيها سخن

**dr.hazem** · 01-07-2011 06:12 PM

المشاركة الأصلية كتبت بواسطة hamaza81

سؤال لأخوانا حازم وسبعاوي

ياترى ايه اللي في دورة المية الخاصة بالدفاية
اللي هي المواسير اللي بتدخل مية سخنة عشان لما الدفاية تشتغل
بما انكم شلتوا المروحة القديمة وركبتوا تلاجة جديدة اعتقد مافيش فيها سخن

هو انا مش فاهم السؤال قوي
بس هجاوب على قد ما فهمت
تقريبا انت بتسأل ازاي لغينا التدفئة
الموضوع بسيط
التلاجه القديمه بيبقى داخلها خرطوم وطالع منها خرطوم
والاتنين طبعا جايين من دورة التبريد
كل اللي عملناه اننا وصلناهم ببعض تاني بس بره العربية وبدون التلاجه
بنعمل مايسمى الBypass
والطبب اللي مكانهم سديناها بفرش متصل باللباد اللي مبطن العربية من جوه وانتهى الموضوع,,,

تحياتي

**romioramy** · 01-07-2011 06:33 PM

الف مبروك و تجربة ناجحة بس انا حاسس انه كتير على الموتور ... بس بصراحة حاجة مهمة جدااااا و الله انا زوجتي بتسوقها في الشتي بس و تجي في الصيف تقولي اصل العربية ده قبلي مقدرش اسوقها في الصيف .

و شكلي هنوي علي تجربتك ان شاء الله ... بس خايف على الموتور و التحميل عليه بزيادة و طبعا لا خبرة مع سيدات في التعامل مع التكييف و العربية اول ما يدخلو يشغلوه مش فارق معاهم و لا تسخين و لا اطلع و اهوي العربية الأول و لا حاجة يا معلم و ربك بيستر.