الموضوع: رابطة مالكي الشارك- لانسر 2008 : 2012

المشاركة الأصلية كتبت بواسطة oufy

اومال ليه يا جماعه الواحد عمرة ما سمع كلمة كويسه ف حق العربيه دى وخصوصا انى راكب بومه ومقتنع بيها جدا والناس والتجار كلهم بيشكروا ف البومه زى ما تكون ميتسوبيشى ماعملتش حاجه غيرها

ثقافة مجتمع مبنية على الجهل وتقديم قول الصنايعية الجهلة عن قول المهندسين المتحصصين وعلى الداتا شييت لسياراتين وعلى شهادة الملاك المثقفين -مع احترامى طبعا للصنايعية المحترمين اللى مش بيفتوا فى اللى ميعرفوهوش

المشاركة الأصلية كتبت بواسطة oufy

السلام عليكم
معلش يا جماعه اخر استفسار . هل الموتور الـ mivic 1600 ينصح ببنزين 92 ا, بنزين 95 ؟

حضرتك المكتوب على باب تانك البنزين ان المصنع ينصح ب 95 ولكن بالتجربة وعلى مدى سنتين الا شهرين كنت بحط 92 وعادى وفى مره فولت 95 وملقتش اى فرق يذكر لا تسارع ولا استهلاك
الفرق بين رقم الاوكتين بينعكس على المحتوى الحرارى يعنى الطاقة الناتجة من الاحتراق ودرجة حرارة الحريق وده فى الاخر بيظهر فى صورة طاقة/قدرة يعنى اخره انه يديك اقصى قدرة او يقلل القدرة عن المذكور فى الداتا شييت واحنا اصلا مشكوك فى البنزين عندنا من محطة لمحطة فمش هتفرق كتير
متقلقش دى حاجات صغيره -هههههههههه

المشاركة الأصلية كتبت بواسطة sharkawyhiline

سلام الله عليكم ورحمته وبركاته
الحمد لله استلمت ( شارك الفئة التانية ) من كام يوم من سمير ب 145 والحمد لله
بس كان عندي سؤال سريعا وبعدين ان شاء الله هعمل تقرير
كنت عايز اركب كاميره خلفيه بكام وفين ولو برا التوكيل هطلع م الضمان ولا ايه ولو في التوكيل بكاااام وشكرا

عندك طريقتين للكاميرا واحدة هتخرجك بره الضمان وواحد مش هتخرجك
الاولى انك تجيب دى فى دى بجى بى اس ومدخل كاميرا وتركب كاميرا خلفية من اللى بتتعلق هتلاقى فوق النمرة عصب بلاستيك هتتعلق فيه علشان متخرمش فى الاكصدام وهتاخد كهربا من لمبة المرشدير والسلك هيخرج مع نور النمر ودى طبعا بالرغم من ان الضفيرة مش هتتغير لكن الكاسيت بوش فتحات التكييف هيتغير والكاسيت الجديد يركب مكانه لكن الشكل بيخلى التوكيل لو لاحظ اى عيب ولو بعيد ولكن فى الكهربة يرمى الليله عليك ويقولك انت بره الضمان
الطريقة التانية نفس الكاميرا بس الشاشة هتبقى المراية نفسها او وش بيركب على المراية وبتوصل كهرباللكاميرا من نور لمبة المارشدير وتوصل كهربا للمرايا من الولاعة علشان متجيش ناحيى ضفيرة العربية
اما الاسعار فمختلفة جدا فى السوف يعنى بتبدا من 100 جنية للكاميرا وانت طالع وللمرايا من 250 تقريبا لحد 500 لان ى انواع فيها بلو توث ويو اس بى وكده

المشاركة الأصلية كتبت بواسطة shm_144

لو سمحت عاوز اعرف اية الفرق بين الخليجي و المصريى
لانى هشترى واحدة خليجي الفين سىسى فى دبى ex

مفيش فرق غير فى الاوبشنز وبتختلف من دولة لدولة ومن فئة لفئة
لكن ثبت علميا ان مفيش فرق حتى فىالتكييف
اما وقد اخبرتنا بان العربية 2000 سى سى فالامر يختلف وبجد اختيار موفق جدا لانك كده راكب شارك بجد زى اللى فى امريكا
المشكلة انك لو فكرن تنزل بيها مصر نهائى هتندم بسبب الجمارك وبسبب الضريبة السنوية
اسأل الاول فى صفحة الجمارك المصرية جماركها هتكون كام وممكن نعرف الضريبة بسهولة -اعتقد كان فى زميل حاطط جدول بقيم الضريبة تبعا للموديل والسعة هحاول ادورلك عليه او ممكن تدور عليه وهتلاقيه ان شاء الله
اختيار موفق ولكن خارج مصر