الموضوع: رابطة مالكي الشارك- لانسر 2008 : 2012

المشاركة الأصلية كتبت بواسطة mido353235

باسم العربيه اما بتيجى فى اشاره وتدوس فرامل وهى على d الار بى ام بينزل وبيبقى فيه رعشه خفيفه صح انا سالت فى التوكيل وشافوها وقالى لازم كده لانها واخده غيار وانا دايس فرامل فالار بى ام بينزل عشان ميبقاش حمل على الماتور ولو انا واقف على n واجيبها على d فى هزه كده اول مالعربيه تاخد الغيار بس على الطريق الغيارات بتنقل عادى من غير هزه الهزه والعربيه واقفه من n الى d دى عادى ولا انا عندى حاجه

بص يا احمد,,انا شايف ان دي عادي
و كمان حقولك بتحس بالرعشة امتى,,بتحس بيها لما تكون دايس على الفرامل خفيف,,انما لو دايس اتقل شوية بش حتحس بالرعشة
دي يا احمد اكنك ماشي بعربية مانيوال و ماشي مثلا على الاول و شايل رجلك من على الدبرياج و عاوز تقف بس من غير ما تحط رجلك على الدبرياج عشان تمور,,فتلاقي العربية بترعش كده لما تكون قربت من 10 كيلو او اقل
فهو كده نفس القصة تقريبا

بعدين لما بتجيب العربية على ال n ,بيبقى الار بي ام على الشرطة اللي تحت الواحد يعني قول حوالي 900 لفة او 800 لفة في الدقيقة,,لما باجي ادوس فرامل و اتحرك من وضع ال n الى ال d بتلاقي الار بي ام نزل و بعد كده علي عشان اكنه بيأخد النقلة و هكذا و عشان كده بش بتحس بيها لما بتمشي عادي بعد كده
و بالنسبة للنقل من ال n لل d انك بتحس بهزة,,فهي بش هزة,,هي نقل قوة الماتور للعجلات الامامية عشان تمشي العربية,,طبيعي,,متقلقش

المشاركة الأصلية كتبت بواسطة mido353235

اهلا بيك ياتامر انا احمد الرعشه دى نتيجه لنزول الار بى ام سنه بسيطه عن المعدل الطبيعى ليه وده لانك لو واقف فى اشاره والعربيه على d فده كده حمل على الفتيس فالبتالى الماتور بيوطى سنه عشان مايكونش حمل على الفتيس والفتيس يبوظ بسرعه وهما بينصحو انك لو واقف فى اشاره دقيقه ممكن ماتنقلش على n وتخليك على d وبكده مش هياثر على حاجه بعكس التويوتا ان اقصى حاجه 30ثانيه لو انت واقف على d اكتر من كده يضر بس خلاص

الاحسن كمان يا احمد و يا تامر,,انك لو واقف في اشرة تجيب على ال n مهما كانت وقتها
اولا عشان ما تحمل على الفتيس و كمان عشان ما تحمل على تيل الفرامل
لان العربية بتعوظ تمشي و انت موقفها,فبالتالي التيل بيتحمل عليه

المشاركة الأصلية كتبت بواسطة mido353235

ازيك ياباسم اخبارك ايه انا تمام الحمد لله والله الجرايد دى كان فيها ورق شجر وتراب اصل اللى خدت منه العربيه مكانش بيغسلها خالص المهم روحت امبارح مغسله وقولتله يضرب المسدس فيها بس ضغط الهوا فيها عاااالى جدا فخربش جزء منها بس عملتها النهارده وبقى شكلها مقبول عن الاول خد بالك من الموضوع ده اما تغسل وماتخليهوش يقرب المسدس جامد من العربيه نفسها وربنا يستر

الحمد لله يا جميل انك بخير

ربنا يسترها علينا كلنا

سلام عليكم يا شاركويه

عاوزين نتكلم شوي عن مدى امكانيه فتح العربيه وسرقتها

سرقه البومه منتشره اليومين دول ربنا يستر

هل الشارك الهاى لاين أيلى مفيهاش أنذار سهل تتفتح ودور من غير المفتاح الأصلى ؟؟

ياريت برده الأعضاء (باسم وخالد وميدو) يكلمونا شويه عن جهاز الأنذار الأصلى الموجود فى العربيه

دعوه للنقاش

المشاركة الأصلية كتبت بواسطة kholio

كلام استاذ باسم كله صح مية في المية وفعلا المفروض في اي اشارة تجيب ان انا لو الاشارة 10 ثواني بجيبها على الان طول ما انا واقف لما اجي اتحرك بجيب دي

متشكر جدا يا خالد
ربنا يكرمك

بلاش كلمة استاذ دي:b4_611:

المشاركة الأصلية كتبت بواسطة m_marwan

سلام عليكم يا شاركويه

عاوزين نتكلم شوي عن مدى امكانيه فتح العربيه وسرقتها

سرقه البومه منتشره اليومين دول ربنا يستر

هل الشارك الهاى لاين أيلى مفيهاش أنذار سهل تتفتح ودور من غير المفتاح الأصلى ؟؟

ياريت برده الأعضاء (باسم وخالد وميدو) يكلمونا شويه عن جهاز الأنذار الأصلى الموجود فى العربيه

دعوه للنقاش

و عليكم السلام و رحمة الله و بركاته

ازيك يا مروان؟؟؟عامل ايه؟؟
يا رب تكون بخير,,حترجع امتى بالسلامة؟؟؟
عاوزين نشوفك و نتعرف عليك انت و بقية الاعضاء المحترمة ( احمد حسين و خالد و ماحو و الاستاذ معتز و الاعضاء جميعا اللي شرفونا في الرابطة )

بص يا جميل بالنسبة للانذار,انا عندي عملت حركة قالي عليها خالد ربنا يكرمه
فتحت بالمفتاح الاصلي من غير ما افتح بالريموت,,قامت العربية مشغلة الانذار علطول و كان صوته عالي كمان
و خلي بالك كمان العربية فيها نظام مانع للسرقة او بيسموه ايموبيليزر او مانع تشغيل الماتور من غير المفتاح الاصلي و ده مهمته اذا تم استخدام مفتاح غير المفتاح الاصلي,,بيعمل قفل للانجكشن او الكهرباء السيارة بش فاكر بالضبط للاسف,,المهم انها ما تخليش الماتور يقوم او يدور
العربية بتفصل خالص طبعا و بش بدور و كمان مع الانذار على الكلاكس
كمان فيه حاجة,,ان العربية قايمة على كمبيوتر,,فعشان تحاول تدورها من غير مفتاحها الاصلي صعب
لان العربية حتفصل كلها
النقطة الاخيرة دي يا مروان خاص بيك اللي الايموبيليزر و دي موجودة في كل الشارك تقريبا
اخر حاجة عاوز اقولها,,ان بلاش نتكلم في الموضوع ده,,لان بنفتح سكة للناس دي يدوروا على حاجة يسرقونا بيها
من خلال حوارنا هنا او بره,,لانهم بيعرفوا تفاصيل العربية
و اخر حاجة برده احب اقولهالك,,بص على موضوع ميدو وراء في المشاركات و توكل على الله
و ان شاء الله ربنا يريحنا منهم كلهم

تحياتي