الموضوع: رابطة مالكي الشارك- لانسر 2008 : 2012

[QUOTE=mido353235;3873553025]شكرا ليك ياباسم انت ومروان على اهتمامكو الموضوع مش مدايقنى خالص بس انا قولت اطمن لايكون فيها حاجه اصل انا مش بحب العربيه يكون فيها حاجه بايظه بس كده

انا كنت بعمل كده فعلا بس المهندس طارق زويل قريت ليه مشاركه قال ان كتر النقل بيبوظ حاجه كده فالفتيس مش فاكر اسمها وقال انك لو فى اشاره ممكن توقف على d من غير ماتنقل بحد اقصى دقيقتين ياريت تتاكد من المعلومه دى لانى فعلا حاسس انى ببقى مكلبش العربيه

الشكر لله

بص يا احمد بالنسبة ان كتر النقل بيبوظ حاجة في الفتيس,,فأنا بش عاوز افتي الصراحة في الحاجة دي

بس انا شايف من وجهة نظري انا,,انو بش بيبوظ حاجة,,لان انت بش بتنقل مثلا و انت ماشي,,حنقول مثلا ممكن تكسر ترس لا قدر الله,,على قده المانيوال برده من كتر النقل ممكن تبوظ حاجة فيه؟!!!!و برده المانيوال بتنقل بين تروس من اكبر لاصغر,,طبعا مع اختلاف ميكانيات الناقل ان ده مانيوال و ده اتوماتيك,,و الله اعلى و اعلم
الحركة من ال N لل D و العكس مفيهاش مشكلة,,لانها على مجرى واحد
و ما شاء الله الفتيس اللي فيها التكنولوجيا بتاعته عالية و كويسة جداا

المشاركة الأصلية كتبت بواسطة kholio

الشارك فيها مفتاح بصمة طبعا بالنسبة لفتح العربية اصلا هيبقى صعب شوية بالنسبة للكنتاكت مش هيدور من غير مفتاح الا في حالة وجود ريموت العربية غير كدة مستحيل وبالنسبة لتدوير العربية بالمفتاح الاسبير الحديد اللي في ظهر الريموت المفتاح ده مشفر والعربية فيها اموبليزر يعني الحرامي لو قدر انو يفتحها هيبقى صعب جدا جدا يدورها لان لو حاول كنترول العربية هيفصل الكهرباء عن العربية كلها وهتموت تماما
انا بقول ان الشارك بصفة عامة الحمد لله صعب سرقتها شوية اتطمن يا استاذ مروان عربيتك مفيهاش انذار لاكن فيها ايمبليزر ومش هيعرف اي حرامي يشغلها

الله يطمنك يا خالد الف شكر

المشاركة الأصلية كتبت بواسطة basemsaeed

و عليكم السلام و رحمة الله و بركاته

ازيك يا مروان؟؟؟عامل ايه؟؟

حبيببى ... الحمد لله تمام

يا رب تكون بخير,,حترجع امتى بالسلامة؟؟؟

أن شاء الله نازل يوم الأربعاء 8/6


عاوزين نشوفك و نتعرف عليك انت و بقية الاعضاء المحترمة ( احمد حسين و خالد و ماحو و الاستاذ معتز و الاعضاء جميعا اللي شرفونا في الرابطة )

يا ريت والله نتقابل ونتشرف بمعرفه الناس الحلوه أيلى زيك

بص يا جميل بالنسبة للانذار,انا عندي عملت حركة قالي عليها خالد ربنا يكرمه
فتحت بالمفتاح الاصلي من غير ما افتح بالريموت,,قامت العربية مشغلة الانذار علطول و كان صوته عالي كمان
و خلي بالك كمان العربية فيها نظام مانع للسرقة او بيسموه ايموبيليزر او مانع تشغيل الماتور من غير المفتاح الاصلي و ده مهمته اذا تم استخدام مفتاح غير المفتاح الاصلي,,بيعمل قفل للانجكشن او الكهرباء السيارة بش فاكر بالضبط للاسف,,المهم انها ما تخليش الماتور يقوم او يدور
العربية بتفصل خالص طبعا و بش بدور و كمان مع الانذار على الكلاكس
كمان فيه حاجة,,ان العربية قايمة على كمبيوتر,,فعشان تحاول تدورها من غير مفتاحها الاصلي صعب
لان العربية حتفصل كلها
النقطة الاخيرة دي يا مروان خاص بيك اللي الايموبيليزر و دي موجودة في كل الشارك تقريبا
اخر حاجة عاوز اقولها,,ان بلاش نتكلم في الموضوع ده,,لان بنفتح سكة للناس دي يدوروا على حاجة يسرقونا بيها
من خلال حوارنا هنا او بره,,لانهم بيعرفوا تفاصيل العربية
و اخر حاجة برده احب اقولهالك,,بص على موضوع ميدو وراء في المشاركات و توكل على الله
و ان شاء الله ربنا يريحنا منهم كلهم

تحياتي

ألف شكر يا كبيير ربنا يطمنك

المشاركة الأصلية كتبت بواسطة ma7oo

وحشتووووووووووووووووووووو ووونى ياشاركاوية......انتو كويسين؟؟؟؟؟؟

و انت اكتر والله يا ماحو

يا ابني ابعتلي نمرتك على الخاص
والله كنت عاوز اتصل اطمن عليك
اختفيت مرة واحدة
يا رب يكون اللي ميأخرك عنا خير ان شاء الله
طمنا عليك يا جميل:b4_611:

المشاركة الأصلية كتبت بواسطة m_marwan

ألف شكر يا كبيير ربنا يطمنك

الشكر لله
و ان شاء الله ترجع بالسلامة و بخير باذن الله
و لو عاوزني اجيبك من المطار,قولي بس و انا تحت امرك

المشاركة الأصلية كتبت بواسطة moataz59

السلام عليكم ياشاركاوية
معلش دوشتكم معايا بموضوع العربية الشارك اللى لسه لاشترتها ولاحتى شفتها.... إفتونى لو سمحتم

سيارة شارك 2008 مستعملة وإنشاء الله لما أتفرج عليها طبعا هأكشف عليها لمعرفة ما تحتاجة من قطع الغيار هى
(هاى لاين خليجى) [overline]وعملت 60000كم دون عمل أى صيانة ليها بالتوكيل
( تم فقط تغيير زيت الموتور - وتيل الفرامل وبيقول كمان الطنابير و سير وبيقول إنها مخنوقة)[/overline]

إيه رأيكم فى الكلام ده ؟؟؟؟؟؟؟؟
قريت مشاركة أحد الأخوة بس فى باب تانى إن فيه مركز خدمة سريع فى محطة موبيل اللى عند المطار
حد منكم جربه قبل كده ؟؟؟؟؟؟؟؟؟؟؟؟؟؟؟؟

مفيش دوشة ولا حاجة يا استاذ معتز
المهم ان حضرتك تشتري حاجة نضيفة و كويسة
اولا فيه حاجة مهمة جدااا و هو انو مغيرش زيت الفتيس اللي بيتغير على ال40 الف كيلو
كمان فلتر التكييف و فلتر الهواء محتاجين للتغير
و تقريبا التيل بيتغير على ال40 الف
و كل ده المفروض في صيانة ال40 الف
بالنسبة للسير اللي غيره,,هو سير واحد اللي موجود,,و هو سير المجمع او المجموعة بش فاكر
و ان العربية مخنوقة,,اعتقد ان الرشاشات عاوزة تتنضف مع تغير فلتر الهواء

المشاركة الأصلية كتبت بواسطة basemsaeed

مفيش دوشة ولا حاجة يا استاذ معتز
المهم ان حضرتك تشتري حاجة نضيفة و كويسة
اولا فيه حاجة مهمة جدااا و هو انو مغيرش زيت الفتيس اللي بيتغير على ال40 الف كيلو
كمان فلتر التكييف و فلتر الهواء محتاجين للتغير
و تقريبا التيل بيتغير على ال40 الف
و كل ده المفروض في صيانة ال40 الف
بالنسبة للسير اللي غيره,,هو سير واحد اللي موجود,,و هو سير المجمع او المجموعة بش فاكر
و ان العربية مخنوقة,,اعتقد ان الرشاشات عاوزة تتنضف مع تغير فلتر الهواء

الكلام اللى قالو باسم مظبوط بس فى حاجه ان التيل ماليهوش ميعاد ده راجع للاستخدام انا غيرته على 33 الف الخنقه ممكن تكون تنظيف بوابه هواء مع تغيير الفلتر مع تغيير فلتر بنزين وده وحده 800 جنيه