الموضوع: رابطة مالكي الشارك- لانسر 2008 : 2012

المشاركة الأصلية كتبت بواسطة ahmed111111111

السلام عليكم
يسعدني أني أنضم لرابطة العظيمة شارك
أحمد
شارك 2008 مانيوال أصلي بعش المانيوال عاملة دلوقتي 125 ألف
بصراحة العربية دي شافت مني أيام سودة وطلعت بنت أصول يعني مثلا مشي عليها حوالي 10000 كيلو والمساعدين ضايعة
ورغم أن قطع غيارها نار لكن تستاهل والله
مشديتش قصاد حد غير وشرفتني الحمد لله
أنا بعتبرها عربية كاملة مش مخلياني محتاج أي حاجة
وخصوصا أني بقيت عارف كل مسمار فيها وأشتريت برنامج كشف الأعطال والكابل وتقريبا بعمل كل حاجة فيها بنفسي وعندي كتالوج الصيانة والأصلاح لو حد عاوزة أو عاوز أي حاجة فيها أنا تحت أمره
أنا حاسس أني بحبها أكتر من مراتي

ربنا يباركلك فيها ياباشا وتحبها اكتر واكتر والشارك فعلا عربية تستاهل تمنها وزيادة كمان

المشاركة الأصلية كتبت بواسطة basemsaeed

متشكر جدااا لذوقك يا استاذ معتز
هو خير ان شاء الله
كل اللي يجيبوا ربنا خير الحمد لله
و طمنا على حضرتك عملت ايه في موضوع العربية؟؟؟

والله لسه يابسم بادور وكل يوم بيظهر لى عربيه وكله لسه كلام فقط - ماتفرجتش على أى حاجة بعينى بسبب انى كما تعلم مقيم خارج القاهرة -وكله طالع بالأسعار لفوق قوى- ربنا يسهل
خالص شكرى ودعواتى لك بكل خير وربنا معاك

المشاركة الأصلية كتبت بواسطة ahmed111111111

السلام عليكم
يسعدني أني أنضم لرابطة العظيمة شارك
أحمد
شارك 2008 مانيوال أصلي بعش المانيوال عاملة دلوقتي 125 ألف
بصراحة العربية دي شافت مني أيام سودة وطلعت بنت أصول يعني مثلا مشي عليها حوالي 10000 كيلو والمساعدين ضايعة
ورغم أن قطع غيارها نار لكن تستاهل والله
مشديتش قصاد حد غير وشرفتني الحمد لله
أنا بعتبرها عربية كاملة مش مخلياني محتاج أي حاجة
وخصوصا أني بقيت عارف كل مسمار فيها وأشتريت برنامج كشف الأعطال والكابل وتقريبا بعمل كل حاجة فيها بنفسي وعندي كتالوج الصيانة والأصلاح لو حد عاوزة أو عاوز أي حاجة فيها أنا تحت أمره
أنا حاسس أني بحبها أكتر من مراتي

على فكرة أنا عضو فى هذه الرابطة رغم إنى ماعنديش شارك - بس كلامى مع إخوتى الأحباء هنا محسسنى إنى أمتلك هذه السيارة الجميلة .
أنا حاسس فعلا هنا إنى بين إخوتى (بس أنا عجوز شوية)
نورت الرابطة أكثر بانضمامك ليها .
تقبل تحياتى

المشاركة الأصلية كتبت بواسطة basemsaeed

اهلا بيك يا احمد معانا و نورت الرابطة و المنتدى كله
و احنا لينا الشرف انك تنضم لينا

ما شاء الله على العربية
هي فعلا عربية محترمة
ياريت بعد اذنك يا احمد تصورلنا الجهاز ده بالكابل بتاعه
و توضحلنا ازاي بيتركب و جبته منين و سعره كام؟؟؟

هو كتالوج الصيانة ده غير الضمان اللي جاي مع العربية؟؟؟
لو غيره بعد اذنك تعرضهولنا هنا لو امكن
اسف اسئلة كتييير

و ربنا يباركلك فيها و يكفيك شرها

إيه ياباسم إنت عايز تنافس مراكز الصيانة والتوكيل هاتسيبلهم إيه بقى يعملوه ؟؟؟

المشاركة الأصلية كتبت بواسطة basemsaeed

متشكر جداا لذوقك يا استاذ معتز
و ان شاء الله تلاقي عربية كويسة و نضيفة

لا انا بش عاوز انافس التوكيل ولا حاجة
بس انا فعلا بحب اشيك على العربية بنفسي و اطمن عليها
لكن التوكيل ليه شغله طبعا مثلا في تركيب قطع الغيار و الكشف على العربية ايضا و حاجات تانية انا بش حعرف اعملها
و الجهاز ده مفيهوش مشكلة يا استاذ معتز
ده يدوب بتشيك على العربية بيه و بتشوف لو فيه عطل لقدر الله و تعرف هو فين و تشوف حتصلحه ازاي
و بالنسبة لكتالوج الصيانة,,انا بش عارف هو يقصد بيه ايه الصراحة

بالنسبة لمنافسة التوكيل,,انا نفسي ان شاء الله اشوف قطعة ارض كويسة و افتح مركز خدمة معتمد للتوكيل و اعين فيه ناس تعرف ربنا كويس و عندها ضمير يشتغلوا فيه و اقدم احسن خدمة للناس
ممكن يكون حلم لكن بش بعيد عن ربنا
ربنا يكرم ان شاء الله

====================

ده خبر جميل جدا ربنا يوفقك دايما للخير ويحقق لك كل ما تتمناه - انت إنسان محترم وبتتقى الله وتستاهل كل خير
بالتوفيق إن شاء الله

السلام عليكم ليجى
معاكم تامر ... معايا لانسر شارك 2008 هاى لين خليجى
انا معجب جدا بالموضوع اللى انتو عملينو و ارجو ان تقبلونى معاكم

عندى استفسار بخصوص التكييف و ارجو الرد للافادة

سعات بحس ان التكييف بيضعف لما باكون واقف فى اشارة مدة كبيرة

ولمل بتحرك و ازود بنزين , التكييف بيبرد ويرجع يسقع تانى , بالرغم انى لسة مزود فريون