وضع الكرسى

**mazenzyad** · 30-04-2011 08:24 PM

المشاركة الأصلية كتبت بواسطة ayman1204

انا لسة جديد فى السواقة وطولى تقريبا 175
وبسوق والكرسي واطى على الاخر وراجع لوارء

هو اصلا تقريبا كرسي اللوجان مش مريح
لان لحد دلوقتى مش عارف اظبته كويس او بمعنى اصح مش عارف اظبط الدنيا
مش عارف دا عيب منى
ولا انتوا برضوا نفس الكلام
!!!!!!!!!

اخيرا لقيت حد عندو نفس مشكلتى ، بس انا طولى 195 و لحد الآن مش عارف اقرر اسيب الكرسى على اى وضع !!!!!!!!!!!!!

**Dr.Karim Emam** · 01-05-2011 01:14 AM

دي مسألة تقديرية
يعني ماينفعش واحد يقولي إن انت عامل الكرسي كده غلط عشان أنا منزله لتحت أو رافعه لفوق أو لقدام أو لورا !!!

كل واحد على حسب ما يرتاح و هل هو بوضعية الكرسي كده هيعرف يتحكم في العربية كويس و يقدر أبعاد العربية ولا لأ؟

**gebreel** · 01-05-2011 01:19 AM

رافع الكرسي و مقدمه قدام شوية و مرجع الظهر شوية بحيث يبقى رجلي طايلة البدالات علشان القصيرين اللي زي حالاتي و في نفس الوقت بعيد عن الدريكسيون لزوم الامان علشان لو لاقدر الله الايرباج فتح ابقى بعيد عنو بمسافة امنة مرزعش فيه جامد

**Ahmed A Rahman** · 01-05-2011 01:40 AM

طبعا مفيش حرج من اننا نقول كل حاجه

ايوه كرسي اللوجان مش مريح , ليه , عشان انا بقارنه بكرسي اللانسر
كرسي اللانسر القعده بتاعته طويله يعني بتوصل لحاد الركبة
وده بيخلي الفخذ بالكامل مريح على الكرسي وحركتك بتكون عن طريق قصبة الرجل والقدم

دايما بقول لهم في البيت نفسي افك كرسي اللانسر واركبه على اللوجان ساعتها حيكون معايا العربية الخارقة (اللانسر 1300)
بس طبعا بيرفضوا لان ساعتها حيسوقوا اللانسر اللي بتخنقنا مع كرسي اللوجان !!!

لكن كرسي اللوجان زي كل الفئة بتاعتها قصير
وبالتالي فخدك مش مريحة بالكامل على الكرسي
وبالتالي الركبة بتكون بتتمرجح في الهوا

انا عن نفسي كنت فاكر اني الوحيد في مصر اللي بتدلع وبعدل الكرسي والدركسيون كل يوم لدرجة اني خايف ليبوظوا

انما انا قعدت سنة ونص مخليه على الدرجة المتوسطة
اشتكيت بعد كده ان رجلي قريبة اوي من الدواسات

لسه رافعه من شهرين والحياه حلوة لان فعلا اريح وضح للطوال انك ترفع كرسيك

اما بالنسبة للدركسيون فالمفروض تظبطه بعد تظبيط الكرسي
تخلي دايرة الدركسيون تقدر تشوف منها رقم 100 اللي في منتصف العداد عشان تعرف تقارن السرعات

**Mostafa.Ismail** · 01-05-2011 04:10 AM

انا منزل الكرسى للاخر ومطلعة للامام جزء بسيط وعامل الظهر زاوية منفرجة شوية والدريكسيون كلة لتحت.

**mazenzyad** · 01-05-2011 09:48 AM

أشكر كل الوحوش اللى ردوا على الاستفتاء و بعد الاطلاع و التجربة توصلت للآتى :

1- رفعت الكرسى للاعلى للآخر
2- رجعت الكرسى لورا للآخر
3- فتحت زاوية الضهر بدرجة 120 تقريبا
4- رفعت الدريكسيون للأعلى للآخر
( هتقولو كل حاجه للآخر ايه الحكايه !!!!! -- هقولكو طولى 195 سم و انا كده جمعت بين الراحة و الامان )
و بكده فله خالص و مش هلعب فى الحاجات دى تانى

**karimnet** · 01-05-2011 02:29 PM

احسن وضع الكرسى لتحت اخر درجة و الدركسيون اتحت .. و تخلى مابين ركبك و الدركسيون كام سم

**akerima** · 02-05-2011 05:38 PM

انا من رايي ان كرسي اللوجان من اريح الكراسي اللي جربتها في حياتي - انا منزل الكرسي والدريكسيون علي الاخر ومرتاح في الوضع دا جدا بس انا متعود مشوفش كبوت العربية ودي كانت مشكلتي مع الفيرنا قبل كده

الموضوع: وضع الكرسى

LinkBack

أدوات الموضوع

عرض

-

-

-

-

-

المواضيع المتشابهه

ايه الى تحت الكرسى ده ؟؟؟ وازاى افك الكرسى

سلك فاكك تحت الكرسى

الكرسى باظ

فضل ايه الكرسى ....

تعديل الكرسى

الكلمات الدلالية لهذا الموضوع

المفضلات

المفضلات

ضوابط المشاركة