الموضوع: رابطة مالكي وعشاق الماريا والبرافا

المشاركة الأصلية كتبت بواسطة haronize22

شكرا ليك يا خالد بيه على الرد السابق..............
أنا جربت تيل السيينا وركب عندى فى البرافا..هو شكله مختلف سنه بس شغال كويس...
بس يا ريت حد يقولى مكان فلتر البنزين فين بالظبط فى البرافا 2001
وكمان الطرمبه(وسعرها كام)
وهل السياره مجهزه للكشف عليها بالكمبيوتر؟؟؟
ولو مجهزه فين مكان الفيشه بالظبط؟؟؟

شكرااااااااااااا وألف تحيه للجميع

برافا 2001 مافهاش فلتر بنزين يتغير.. مكانه جوا العوامة ومش بيتغير.. و ايوة مجهزة والمكان تحت الكبوت علي ايدك اليمين من فوق تحت غطا بلاستيك كدا, الطرمبة جديدة ب 950 من الكيلاني وصعب تلاقيها استيراد الا بتاعة ال 1600 ومش حتركب عندك

اي خدمة :)

السلام عليكم ورحمة الله وبركاته يا أحلى وألذ رابطة ، كنت متابع من بعيد ، وبعد أن أصبحت من مالكي البرافا ولله الحمد قررت أن أشارك مع هذه الصحبة الرائعة التي أتمنى أن تقبلني بينهم صديق جديد مع خالص تحياتي للجميع
وأخص بالذكر الأخ خالد (Madyyuri) لثلاثة أسباب ، أولهم هذا الرد العبقري ولا زلت محتار في سر هذا الترقيم
(انت مالك مقلق نفسك ليه الموضوع بسيط جدا والعملية مش محتاجة كنترول اصلا، انت تعمل الاتي
1- تجيب علبة منضف كرابرتير دي بـ 27 جنية النوع الاصفر الامريكي،
2- وتنزل التوفيقية تجيب منظف رشاشات علبة سوداء كده ب 10 جنية أوعي تجيب ام 30 جنية مش حلو،
3- تجيب علبة بيبسي كانز (دايت) لازم دايت.
3- تتصل بيا ونحدد معاد نتقابل فيه
5- متركزش في الترقيم دا علشان وسام
6- هنفك فلتر الهواء ونغسل البوابة بمنظف الكاربيراتير
7- ننضف فلتر الهواء
9- مقلتلك متركزش في الترقيم
11- نعمل ايدل ليرن للعربية
12 - نحط منظف الرشاشات ونطلع نحرق علي الغيارات
13- العربية بقت زي الفل
14- اشرب انا البيبسي الكانز
15 - تروح بيتكم بالسلامة وأوعي تهوب ناحية التوكيل تاني)
ثانيهم أنه يمتلك برافا مثلي
ثالثهم أنه يحمل نفس إسمي
تحياتي لهذه الرابطة الراقية

السلام عليكم ممكن تسمحوا انضم الى الرابطة انا عربيتى ماريا

السلام عليكم
يوجد فيات برافا 2001 -164000 كم - رخصة باسمي و حتي 2015- استعمال طبيب جامعي بالزقازيق
فابريقة دواخل - رش خارجي و بها بعض الحكات بالشنطة و الرفرف
بطارية من 3 شهور و كاوتش من سنة
فرش جلد- الكاسيت الاصلي-تكييف شغال و مشحون- جنوط
اللون اخضر فسدقي و زجاج فاميه اسود
يوجد شرخ بالزجاج الامامي
حالة الموتور جيدة
البيع للتغيير للاوتوماتيك و المعاينة بالزقازيق
مطلوب 31500 و قابل للتفاوض عند الجدية

تحياتى الى الساده كل اعضاء رابطة محبى البرافا والماريا
وتحية خاصة الى الاستاذ خالد على المجهود والرائع فى التعريف بالسيارتين
وكنت اريد الاستفسار عن سيارة ماريا موديل 2002 ويك اند - فبريكة دواخل وخوارج وماتورها جيد جدا وكل كماليتها تعمل - ويلزم لها كاوتش واكر للابواب و تظبيط للزجاج الكهرباء و الدبرياج وغيرها من التفانيش
وسؤالى للسادة الاعضاء ما هو السعر المناسب لهذه السيارة وخاصة ان اعادة البيع لها ضعيفة حيث اننى انوى ان اشتريها وشكرا

السلام عليكم ورحمة الله وبركاته انا عضو جديد في الرابطة حابب أسلم على كل الاعضاء. وعايز اسئل عن لمبة الرشاش الحمرا ساعات مش دائمآ لما بجري تنور ولما اشيل رجلي من على بدال البنزين تطفي أعمال أيها؟