الموضوع: استلمت ام 11 الحمد لله واليكم التقرير المبدأى وبعض الملاحظات

اولا ...الف 11 مبروك و ربنا يعطيك خيرها و يكفيك شرها ان شاء الله

المشاركة الأصلية كتبت بواسطة khaled_saga

[color=blue



3. من ساعة ماستلمت وانا جاى فى السكة لحد دلوقتى بسمع صوت تكتكة او طرقعة خفيف كده جاى من ناحية العجل زى مايكون فيه حاجة فى المساعد ده بحسه مع الفرامل احيانا او المطبات احيانا او الملفات لكن مش مستمر ومش دايما بسمع هو مش مزعج انما ملحوظ. ياريت لو حد يعرف ايه ده ياريت يقولى وعموما انا كده كده هقولهم عليه فى صيانة الالف عشان ابقى مطمن خالص.

لو توضح اكتر علشان لو نقدر نساعدك ان شاء الله

4. هموت وافتح الكابوت معرفش بيتفتح منين لانه ده الحاجة الوحيدة اللى نسيت اعاينها فى المعرض قبل الاستلام خصوصا انى كنت على سفر ومش طايق نفسى ومتأخر وعاوز ارجع بلدى وكمان الجو كان ليل حتى لو كنت فتحته مكنتش هشوف اوى بس عموما صوت العربية كويس واداءها كويس فمفيش حاجة تقلق من الكابوت لكن عاوز افتح ابص عليه حد يقولى بيتفتح منين هموت ومش لاقى مكانه هههههههههههههه.

الكبوت الدراع بتاعه في مكان اي عربية عادية ...عند رجل السواق الشمال بس هوة تحت شوية ... و بعدين خلي بالك ان قفل الكبوت لما تيجي ترفعة بتدخل صوباعين و يكون كف ايدك لتحت علشان هتسند علي القفل و تحت صوابعك وراه و تشده لبرة و بعدين تقتح الكبوت ....مش زي العربيات التانية تزقه لفوق ...لا بيتشد لبرة

5. العربية بتاخد حرارتها بسرعة مش قصدى ان حرارتها بتزيد انما تسارع الحرارة فيها سريع من اول ما بتدور لحد ما تثبت على 90 درجة بالظبط لا بتزيد ولا بتقل بس لو مشيت بسرعة والجو هوا طبعا بتقل حاجة خفيفة انما الطبيعى اللى لاحظته انها بتثبت على 90 فهل حد يعرف ان دى حرارة العربية الطبيعية؟

علي النص في اليام الحارة جدا او اقل شرطة او شرطتين في الايام الباردة ...عادي ...غير انها لو سخنت هتنور و لو المية قلت هتنور...و ربنا ما ينورلك انذار ابدا ان شاء الله

8. المرايات الكهربا طبعا لذيذة بس بالنسبة ليا مستغرب المرايات اوى مش متعود عليها حاسس ان المرايات الجانبية وااااااسعة وجايبة الشارع كله من ورايا.
و غير كدة حمالة اسية ... انا غاوي ارزع في الناس اللي بتسيب المراية مفرودة و هية راكنة و الحمد لله لسة بصحتهم عندي... و حجمهم بيعوض الروئية الخلفية الصغيرة بسبب الشنطة العالية


اخر ملاحظة دى بقى لوحدها ان العربية شكلها حلو وبيجيب العين وبيخلى الناس تبص عليها وكفاكم الله شر الحسد وربنا يسترها. انا اخدت اول عين بس الحمد لله مجتش فى العربية جت فى باب الشقة نسيت المفتاح فى الباب من جوة تانى يوم ماجبتها الصبح وكسرنا الباب وكان يوم مقرف وربنا يستر عاللى جاى.
لازم اللى يشترى العربية يدبح ياجماعة عشان العين وعشان ربنا يباركله فيها انا نويت ان شاء الله وبسأل على تمن الدبايح دلوقتى عشان اظبط امورى وادبحلها ان شاء الله خلال اسبوع.


ربنا يكفيك شر العين


بس كده ده تقريرى المبدأى عن الجميلة ام 11 ربنا يباركلى فيها ويبارك لكل واحد فيكم فى عربيته ويديله خيرها ويكفيه شرها.

فى انتظار ردودكم وتعليقاتكم.
[/color]