بتشتم وانت سايق

**karimone** · 25-01-2009 02:07 PM

المشاركة الأصلية كتبت بواسطة SuccessCre8or

تخيل معى الموقف ده :

سايق فى طريقى لمنزلي فى السنبلاوين .. على طريق سريع بالليل من المنصورة و واخد الحارة الشمال و إذا بكتلة صفيح لونها نبيتى مكتوب عليها تويوتا يارس ... ماشية على سرعة لا تتعدى الــ60 كم/س تظهر امامى ... لأ و اية ماشية طافية النور نهائياً !!!!! اعدت اقلب نور عشان الـــ******* اللى سايق ينور نور عربيته ولا يمسك الحارة اليمين ... ولا فايدة ... تجاوزته من عاليمين و إذ بسائق السيارة طلعت واحدة ست ... ( سامعكوا بتقولوا : و أية يعنى ؟ ) .... لأ و كمان بتتكلم فى الموبيل و ولا كأنها على طريق سريع ولا اي اى حاجة ...

ناس عايزة الحرق ... معندهاش دم و لا مسئولية ... ربنا ياخد النعمة منهم عشان يحسوا بالناس.

بالله عليك ..اية بقى السؤال اللى حضرتك بتسأله ده ...؟؟؟
طبعا بشتم الأغبياء و كل ***** ملوش فيها ...

الناس اللي زي ديه لما تتسبب في حادثه سواء كبيره او صغيره اول حاجه يقولوها احنا كنا ماشيين براحه انت اللي كنت بتجري

**tarekx** · 30-01-2009 07:50 PM

بشغل التسجيل واقفل الازاز وان شاء الله تولع بره مليش دعوه خالص يديني نور يزمر يعني تقر تقول من الاخر غلس

طبعا كلنا عارفين يعني ايه سواق غلس يعني واخد الطريق ايجار

**ابو فرح** · 20-02-2009 12:54 AM

بصراحه فى شخصيات تنرفز وتخرج الواحد عن شعوره فا غصبن عنى لازم اشتم

**lonedoctor** · 20-02-2009 02:12 AM

الشتيمة اسلوب غير حضارى وسلوك غير اسلامى وفى النهاية موش حتحل المشكلة او ترجع سيارتك سليمة لو حصل لك حادث لا سمح الله وانا شايف انه السبب فى الحكومة وقوانين البلد النى لا تاخذ الحق من الغلطان بشكل سريع وفورى بدل الشتيمة وقلة الادب من الطرفين وهذا لايحدث فى اوروبا وامريكا علشان لا اروح بعيد لكن عندنا هنا فى السعودية

**powerofhelll** · 20-02-2009 03:36 AM

انا شخصيا ممكن اعدي للملاكي لاكن الاجره بيكونوا ولاد ........ و المفروض ان دي شغلتهم يعني يكونوا ملتزمين اكتر من الي بيسوق ساعه او اتنين في اليوم

**mrghost** · 20-02-2009 02:17 PM

انا لو سايق الريتمو طبعا بزهق واشتم بسرعه لانها اساسا عربيه مستفزه !!!!! انما لو معايا الشاهين بقفل الزجاج واشغل التكييف وانسى كل اللى جنبى

**arbi** · 20-02-2009 04:31 PM

انا مبشتمش بس بحسبن يعني لما حد يضايقني وانا سايق بقول حسبي الله ونعم الوكيل

**ابوهاشم** · 20-02-2009 10:33 PM

والله العظيم انا انسان هادى جدا ومش من طبعى النرفزه ولا الشتيمه ابدا
لكن يصراحه غباء الناس فى اطريق سواء اذا كانو معاهم عربيات او ماشببن على رجليهم بيخلو الواحد يخلرج عن شعوره والاقى الشتيمه خارجه من لسانى بدون مااشعر
سائقى الميكروباص بيمشو فى الشارع وعينه على الزبون وبس ويتحرق الشارع باللى فيه يقف يحمل فى نص الشارع مع ان اليمين متاح ليه
بس زى ميكون مزاج عنده وان قاعده عامه عندهم انهم مايقفوش فى اليمين لانه غلط
مره كنت ماشى وبسرعه فى شارع فاضى وفجأه لقيت راجل تعمد يعدى قدامى وهو شايفنى والمصيبه انه كان بيعدى ببطئ شديد وانا والله ماعرفش حتى الفرامل وفت العربيه بسرعه كده ازاى منى والحمد لله
بس لقيت نفسى برميه بالستيمه غصب عنى
ومره كنت ماشى على الدائرى فى الحاره الشمال وقدامى كانت سياره ملاكى يقودها واحد غبى غبى غبى لانه اخد قرار انه ينزل منزل على اليمين وهو خلاص على يمينه فعلا ووقف مره واحده وطبعا الفرامل برضه وستر ربنا اولا ولقيت البيه راح محود وعاوز ينزل وكان على اليمين من الخلف جاى سياره نقل وكانت خلاص هتشيله وتشيلنى انا كمان
مش عاوز اقولكم قضيت اليوم كله فى نكد بسبب الشخص ده الله يسامحه

**Mostafa.Mahran** · 21-02-2009 05:23 AM

صاعق كهربى+مضرب بيسبول+خنجر صيد =عيش حياتك
الاول صوته مرعب جدااااااااا
التانى للعراك بجد
التالت للتهويش لان شكله يخوف
و طبعا دى وسائل الامان الحقيقبة مش الوسائد الهوائية

**OlaOsman** · 21-02-2009 10:54 AM

الحمد لله ما بتشتمش خالص. آخري لما حد يزنق علية أو يكسر او يقف قدامي فجأة أو يقرر يطلع من ركنة من غير ما يبص في مرايته، آخري باقول له يا أخي حرام عليك..

مشاهدة نتائج الإستطلاع: بتشتم وانت سايق

الموضوع: بتشتم وانت سايق

LinkBack

أدوات الموضوع

عرض

-

-

-

المواضيع المتشابهه

اكتر موقف نرفزك وانت سايق وخلاك كنت ((هتفطر)) وانت ((صايم))؟؟

بتفكر فى ايه وانت سايق ....؟

بتسمع ايه وانت سايق

انشتمت وانت سايق ومش غلطان ..تعمل إيه؟

ممكن تنام وانت سايق أو وانت مسافر

الكلمات الدلالية لهذا الموضوع

المفضلات

المفضلات

ضوابط المشاركة