حاولت كتير ما أشتمش وأنا سايق في المحروسة ما نفعش أنا بجد معجب بالناس اللي قالوا عمرهم ما بيشتموا و نفسي أبقى زيهم
أقل حاجة بتبقى كلمة كابتن هادوك المفضلة
http://www.up7up.com/pics/n/13/1209908042.jpg
عرض للطباعة
حاولت كتير ما أشتمش وأنا سايق في المحروسة ما نفعش أنا بجد معجب بالناس اللي قالوا عمرهم ما بيشتموا و نفسي أبقى زيهم
أقل حاجة بتبقى كلمة كابتن هادوك المفضلة
http://www.up7up.com/pics/n/13/1209908042.jpg
اه بشتم بس هى شتيمة واحد و لازقة فى لسانى
يا حيوان
و طبعا هو الغلطان لو تنح يبقى فيها كلام تانى وفى الغالب بيسمع الشتيمة و يمشى
عمري ما شتمت حد و انا سايق و عموما الشتيمة دي ما بتجيبش فايدة
يا إما تفاهم بالذوق او نقاش حاد أو نقد حاد -بدون تجريح-.
ما دام الموضوع لم يصل الى مد اليد خلاص
اما لو مد ايده:d:d:d:d:d
انا مابشتمش حد غير نادرا....او اشتم مع نفسي في العربيه
بس انا ليا طرقي الخاصه غير الشتايم....
اموت في التزنيق و الرخامه.....يعني مره سواق تكاسي تنح ..
دخل بالعافيه مكاني ....و بصتله و قلتله و برضوا دخل....
قلت في نفسي انتا ماما دعيا عليك انهارده :d
مسكته من اول الجيزه لحد الطلبيه هرم ....فتح النور العالي و لازق فيه..
و طبعا مكانش شايف حاجه....و عمال يجري و بيحاول يفلفص مني ...و انا مش عاتقه
غير طبعا الكلكس صديقيو الاشارات حببتي اللي ماينفعش استغني عنها :d
امال هي باظت من ايه:(
للأسف بتحصل كتيير
لا انا لغيه دلوقتي لم اشتم احد و اتمني هذا بس انا بتخانق علي طول طبعا بهزر يعني انا بكتيره ممكن اعاتب الشخص و ابين غلطه لان احنا كلنا بنغلط ولاا ايه
الاستاذ كريم منير
ممكن اعرف الصاعق جبته منين وبكام
اول ما اتلمت السواقه كنت هادىء جداا ومابخليش اى حد يستفزنى بسهوله ولكن تدريجيا وبطريق لا شعوريه بدأت تصرفات البهوات سواقين التاكسى وسواقين السرفيس والموتوسيكلات وبعض المشاه تثيرنى عصبيا ومعندتش قادر استحمل الضغط العصبى اللى بقيت فيه :) فبدأت انفس عن الغضب ده بس لما حد يقل اصله معايا ويعمل حركه مش كويسه فى السواقه او يزنق او يتنح قدامى فى شارع ضيق والطريق اصلا بتاعى وهوا بيكون مخالف وربنا يبعد عنكم البلاوى اللى سايقين على الطريق الزراعى من جميع الاشكال والاصناف اللى ممكن يودوا الواحد مستشفى المجانين :)
الحركة إلا بتضايقني جداً لما أكون واقف في تقاطع طرقين وواحد أبن حلال يقف أمامي (في الطريق الأخر) مع العلم أن الطريق بتاعه واقف كله.
ومرة واحد سواق تاكسي عملها معايا فقلتله " طب ليه تقفل الطريق بتعنا منتا كدا كدا واقف " فرد بمنتهي البرود " مهي مش عتمشي إلا لو وقفت جامد أحنا يا بيه بنلف الشوارع دي 24 ساعة في اليوم"
أنا كنت عايز أنزل أكسرله العربية بتعته لكن الناس إلي أمامه أتحركت شوية فرحت معدي بس الصراحة شتمته برده وكنت سامع العربية اليبعدي بيشتمه برضة.
الواحد مبيحبش يشتم خاصة إن ده معناه إنه ينزل لمستوى الطرف الآخر ,
لكن احياناً الظروف تضطرك انك تشتم و نخرج عن شعورك.
انا بمسك اعصاااااابي على قد مقدر
بس لما الموضوع قد يؤدي الي كارثة او اي شئ مشابه مش بقدر امسك نفسي ((للاسف الشديد))
حاليا بحددف طوب بس
ياباشا المفروض الاستطلاع يبقى فيه سؤال واحد
مين ما بيشتمش وهوسايق ؟؟؟
اكيد هايتعمللو تمثال..هههههههه
انا احيانا بتشتم وانا سايق عارفين ليه ؟؟؟؟؟؟؟؟؟؟؟؟؟؟؟؟؟؟؟؟
علشان بكون منور نور الشبورة اللي في الاكصدام تحت ده عارفينه .
الاقي واحد كده يقولى اطفي النور ده عمتنا الله ؟؟؟؟ بعيد عنا جميعاً .
أو اطفي النور ده يا ؟؟؟؟ حفظكم الله .
وده في اللانسر وحتى البترا اللي كانت معايا .
الظريف بئه ان هم بيكونوا منورين احياناً النور العالي بتاعهم .
///////////////////////////////اقتباس:
الاستاذ كريم منير
ممكن اعرف الصاعق جبته منين وبكام
+1
شتايم ...شتايم ...شتايم ...وعمت الشتايم انحاء الشوارع ....
يا ريس لازم الواحد يفك على اللي جوه حتى لو بتشتم و التاني مش سامعك .....الضغط ادويته بتصرف ... فبشتم احسن ....
بس بحاول اتعلم الادب لان بنتي ابتدت تتكلم ,وبتلقط اي كلمه .... انتم طبعا عارفين العيال ما بتصدق
انا عيبي شتايمي وخنقتي من السواقين هنا
كل واحد ماشي بمزاجه
انا النهارده جاي علي طريق لقيت واحد طالع بعربيته من الطرق اللي النحيه التانيه عالرصيف ونازل علشان ما يمشيش 200 متر للملف
بيوفر
وعلي دوران
باخد الدوران لقيت عربيع داخله عليا من الرصيف
شتمته لمده ربع ساعه شتيمه زباله
وقفت العربيه الاول ونزلت قلتله انت كده بتوفر
وكذا وكذا وشتايم
وهو واقف مش عارف ينطق
لازم كده
البهايم لازم تاخد حقها
انا مش بشتم بس بتنرفز بسرعه لما حد من السواقين يغيظنى ممكن ازعق بس من غير شتيمه واوقول فى سرى ده غبى بس فى سسسسسسرى
مره ماشيه فى شارع مكسر ومدغدغ واول مره ادخل المكان ده معرفهوش اصلا كنت مشغاله نور العربيه العادى مششششششششششششش العالى بكرر مش العالى
لقيت واحد جاى فى وشى ولما قرب وبقى جمبى سواق ميكروباص راح قال يا حماره انتى مشغله النور ليه فاكره نفسك فى الاتو ستراد انا كنت فاتحه قزازى هو معتقدش انى هسمع
لفيت وطيراااااااااااان وراه لحد ما لبسته فى رصيف محترم
وجيت جمبه قلت له عرفت انك حمار ومتعرفش تسوق كمان ودست بنزين واختفيت
لو كان معايا صاعق ولا اى سلاح كنت مسحت فيه الارض من غير شتيمه
والله يا جماع
انا اولا بحقد على اللى بيقفلو الازاز و يشغل التكييف؟
طيب واللى ماعندوش فى العربية بتاعته تكييف و يكون الشكمان
مفكوك من عند الموتور و بدل ماطلع الدخان من ورا بيدخلها كلها جوة العربية
دة بقى اما يقفل الازاز و يموت جوة عربيتة اولا من غبااااااااء الناس و حرارة الجو
و دخان الشكمان .
يا اما يفتح ازازة و برضة مخنوق فى الحر و لو اترحم من دخان عربيتة فيتنفخ من دخان
الاتوبيسات و العربيات التانية و اكيد هشتم و يسب و يلعن الاغبياء من اللى راكبين
عربيات و ماشيين زى ال.........او من الناس اللى بقى عندها بروووود غير
عادى و زى ماتكون العربيات مبتموتش ولا بتعور.او زهقانين من العيشة
واللى عايشينها من الارف اللى شايفينه فى حياتهم من ال.......مه
و عاوزين يخلصوا .بس على دماغك انت .........
بس برضة الواحد يرجع و يقول .......
هى دى مصرررررررررر
:D:):confused::(:mad::eek:...
ما شاء الله يا دموع التلج
لا اعتقد ان بنت ممكن تعمل كده في مصر
عفارم عليكي
هحكي الاختي ممكن تتعلم منك
انا عملت الموضوع ده قبل كده مع سواق ميكروباص قعد يزنق عليا لحد مانزلي في حفره صغيره كده (كان معايا سعتها عربيه فيات 131 )
جريت وراه وبقوله ياعم راعي الناس اللي ماشيه جمبك قالى هو ده اللي عاندي واذا كان عجبك قولتله ماشي ياعم وسبته يمشي شويه ومحسستوش باى حاجه
ومره واحده رحت طالع من يمينه وهو مش مدي خوانه ورحت حادف عليه حدفه غبيه راح هو كمان حادف ناحيه الشمال من الخضه وقام لابس في الرصيف :funny34d:
ورحت قايله اذا كان عاجبك انت كمان :biggrin24::biggrin24:ورحت طاير قعد يجري وريا :004-005: بس علي مين قولت يافكيك :7bteen:
بس برافو عليكي يا دموع مكنتش اتخيل ان كل ده يطلع منك :thumbsup:
ملعوبه يا كيمو
فعلا سواقين الميكروباص حاجه فظيعه
أيه يا اخوانا البلطجة دي كلها انا مكنتش فاكر ان فيه ناس معنا قلبها ميت للدرجة دي
بصراحة هقولكم إحدىبطولاتي مع سواقين الاجرة تماً في نطاق منطقتي ( الهرم )
شوفوا يا جماعة الحكاية تبتدي من ساعة ما كان عندنا مصنع بلاستيك ( أكياس وشنط ) قمنا ايه اشترينا سيارة 1/4للتوزيع ( شيفورلية الدبابة ) المهم السيارة دي طبعاً ركبنا لها صندوق مقفول المهم علشان مطولش عليكم السواقين كانوا بيقرفونا باستمرار بصراحة مش كلهم في مرة قولت لسائق السيارة انا نفسي انتقم منهم الخلاصة قال لي على المفيد اركب السيارة بتاعة المصنع واي سواق يخنقني افوت كبينة السيارة بتاعتي منه والعبه بالصندوق بتاعي ( صاج مع صاج ) ومن سعتها طول منا راكب هذه السيارة عمري متنرفز من حد ابداً حتى سيارت ( الترامكو ) اللي بتتعمل عند الحدادين مدام شاف الصندوق بتاع السيارة امامه يركن بعيد عني المهم ميطولش الكبينة بتاعتي ، حتى التوكتوك اللي محدش بيقدر عليه كنت بظبطه ، بس كنت بواجه مشكلة اني أحياناً كنت بنسى نفسي وانا راكب الملاكي وبعد معدي من وش السيارة الاجرة كنت اجي ازنقة افوق لنفسي واتذكر ان مش راكب النقل اقوم احترم نفسي واوسع له الطريق ولو عايزني اوقف له الشارع علشان يعدي اعملها وخصوصاً التوكتوك .
ودي كانت احدى بطولاتي مع عالم الاجرة مع احترامي لكثير منهم بيتقوا الله في عملهم وقيادتهم للسيارات .
انا صوت بقفل الزجاج وكدة يعنى بس بردة بشتم كتير اوى لدرجة انى مرة شتمت واحدة وقفت ادامى مش عارف لية وولدى كان معية وانا ولدى حافظ القران الكريم وخطيب فتح الزجاج وراح شاتمها واقعد يقول ناس متفهمش وكلام من دة لدرجة انى اعت اهدى فية
نصر باشا الراجل بيقول ( مرة شتمت واحدة وقفت ادامى مش عارف لية ..)
مش هو شتمها مش عارف ليه ...:fool:
انا مبشتمشي بصوت عالي انا بشتم بصوت واطي يعني مجرد رد فعل علي الهبل اللي بيحصل
عادة ( i gave him the look )
عارفين انتم نظره ذات مغزي
بس امس علي اساس ان النهاردة الجمعة و احد خرجني عن شعوري و لاني متعودتش اشتم ...الكلام انحبس في زوري مدريتش بنفسي الا و انا ماسك في خناقه ...
ربنا ستر
بتخنق قوي من التاس اللي بتلف من غير اشارات ببقي طاير ورا واحد و فجأه الاقيه قام مهدي جامد و لافف شمال
(بتحصلي كتير قوي في شارع الهرم)
او مثلا الاقي واحد ماشي في شارع فاضي ببطء قوي و ماتبقاش عارف هو هيركن ولا هيمشي و الا هيقف و بتشل من الحكايه دي
نفسي ينسفوا الحته بتاعت الطالبيه و كايرو مول و العريش علي طول بتبقي زحمه
و اه انا بشتم لما حد يستغبي أو شاب يعمل نفسه ناصح و يحاول ياخد غرزه مني
لكن ده مايمنعش ان في ناس محترمه و لما تغلط بتعتذر و دي الواحد مابيفتحش بقه معاهم
تحيه سكان الهرم.....
ليهم الجنه كل سكان الهرم و فيصل:)
ماينفعش تمشي في حالك إنت في مصر.
جرب تمشي في فيصل أى وقت من 6 صباحا إلي 2 صباحا و قلي إذاى مشتمتش.