أنا بشتم وبسب وبلعن , وبزعق وبتنرفز , وممكن أعمل أى حاجة
مع انى فى الطبيعى مش كدة خالص
عرض للطباعة
أنا بشتم وبسب وبلعن , وبزعق وبتنرفز , وممكن أعمل أى حاجة
مع انى فى الطبيعى مش كدة خالص
انا غالباً بابقى مشغلة التكييف و مكبرة دماغي..
بس ساعات باخرج عن شعوري، و ده غالباً لما حد يخبطلي العربية او لما الاقي حد في العربية اللي جنبي و قاعد متنح و بيستهبل.. ساعتها بيسمع رد ظريف ملائم.. -_-
انا غالباً بابقى مشغلة التكييف و مكبرة دماغي..
بس ساعات باخرج عن شعوري، و ده غالباً لما حد يخبطلي العربية او لما الاقي حد في العربية اللي جنبي و قاعد متنح و بيستهبل.. ساعتها بيسمع رد ظريف ملائم.. -_-
لأ انا الحمد لله مش بشتم نهائى , بكتفى بالنظر الية ودة فى الظروف لو مثلا واحد زنق عليا , او كان هيلبسنى فى حاجة
اللى بينرفزنى بقى لما الاقى سواق ميكروباص واقف فى نص الدائرى بينزل ركاب , وطبعا انا ببقى واقف وراة ومش عارف اطلع منة عشان السيارات اللى جاية سريعة من خلفى , فبجيبة واعاتبة انة واقف كدة ولازم يقف على جنب الطريق " وبسيبة وبمشى
- فى حالة بقى كنت ماشى فى شارع والطريق زحمة جدااا وكل شوية بنقف وبنتحرك , وفجأءة الاقى واحد " طرااااااخ" خابطنى فى شنطة العربية " كل اللى بعملة انى بنزل اشوف عربيتى الاول لقيتها سليمة الحمد لله
بعاتبة عادى , ولو لقيتة راجل كبير بركب عربيتى ومش بتكلم معاة
- فى موقف بقى كانت عربية كورى بدون ذكر اسماء والشارع واقف والاقى واحد فى مرايا الصالون بيجرى وداس فرامل ومنظرة كدة بيقول انة مش هيلحق يقف , وانا مستنى يخبطنى لان مافيش حتة اروح فية الطريق واقف , كل اللى عملتة انى شيلت رجلى من على بدال الفرامل ومجهزها عشان لما يخبطنى ادوس عليها عشان ماخبطش فى اللى قدامى , وفعلا وقد كان راح خابطنى
روحت نازلة بقى , شوفت عربيتى مافيش حاجة الحمد لله , هو الشبكة اتكسرت والكابوت اتعوج سنة
روحت قايلة كلمة واحدة فى وسط الشارع " الله يخربيت الكورى على فرامل الكورى " وهو باصصلى كدة ومتنح , وشايف الناس عمالة تتضحك روحت راكب عربيتى ومشيت
لكن انى اشتم حد واتخانق معاة معملش كدة لان الموضوع مش مستاهل طالما عدى على خير وربنا ستر الحمد لله مافيش داعى اتخانق
انا بشتم بس بالكلاكس بس وفي امور معينه
1- لما تكون ماشي والطريق ليك ويطلعلك سواق تاكسي من الجنب ويطلع على الحاره بتاعتك لا ويبصلك ويقولك هو الطريق باسمك دا بيبقى نفسي اروح معرض العرابيه وانزل احطه تحت العرابيه رايح جاي
2- واحد ماشيه بالعرابيه ودا طبعا اكتر حاجه ترفع الضغط لا وكمان تكون حاطه الموبايل في الطرحه وبتتكلم وتلاقيها قدامك لا راضيه تفتح اليمين ولا الشمال تديها نور تطلع ايديها وتقولك عدي على اساس انا هنط من فوقها
3-عند اشاره او طريق رايح جاي اثنين يعرفو بعض يقفو في نص الشارع وهات ياقصص
4-وانت ماشي في امان الله وقدامك سواق تاكسي فجاه حد يشاورله يروح رامي يمين مره واحده حتى لو كان في اقصى اليسار
انا بشتم بس بالكلاكس بس وفي امور معينه
1- لما تكون ماشي والطريق ليك ويطلعلك سواق تاكسي من الجنب ويطلع على الحاره بتاعتك لا ويبصلك ويقولك هو الطريق باسمك دا بيبقى نفسي اروح معرض العرابيه وانزل احطه تحت العرابيه رايح جاي
2- واحد ماشيه بالعرابيه ودا طبعا اكتر حاجه ترفع الضغط لا وكمان تكون حاطه الموبايل في الطرحه وبتتكلم وتلاقيها قدامك لا راضيه تفتح اليمين ولا الشمال تديها نور تطلع ايديها وتقولك عدي على اساس انا هنط من فوقها
3-عند اشاره او طريق رايح جاي اثنين يعرفو بعض يقفو في نص الشارع وهات ياقصص
4-وانت ماشي في امان الله وقدامك سواق تاكسي فجاه حد يشاورله يروح رامي يمين مره واحده حتى لو كان في اقصى اليسار
حمـــــ$$$$$ــــــادة
متستغربوش دي كلمة السر عندي وأنا سايق لاني بتنرفز بسرعة جدا وابقي عندي استعداد للغباوة بجد فكلمة حمادة دي بتهون عليا كتير
لو حد ضايقني بقولول شكرا يا حمادة :ma(36):
لو حد رمي عليا اقولو شكرا يا حمادة :dontudear:
لو حد وقف فجأة شكرا يا حمادة
لو حد عدي من قدامي ونزل من الرصيف فجاة أقولو خد بالك يا حمادة :44:
لو انا اللى كنت غلطان أسف يا حمادة http://www.nilemotors.net/Nile/image...or1%5B1%5D.gif
كله حمادة بالجنزبيل علشان متتفقعش مرارتي :verygood:
يعني تقدرو تقولو كدة بشتم على المتغطي لان دايمن بيكونو معايا المدام والاولاد
إنما لو بكون لوحدي أو مع زمايلي بتحول لسواق ميكروباص
:khd::khd::khd:
لا بصراحة
بيبقي نادر وحاجة بسيطة من باب التهوين علي نفسي بطريقة الضحك
انت عارف انا مش بشتم ولو هو اللي غلطان و ببص لالي غلطان و بمشي بس لما بكون مع الحاج هو السايق سواقته حلوه جدا وعمره ما بيزنق ومش بيرد علي اللي بيشتم بيمشي و بيسيبوا بس في يوم والحاج هو اللي سايق ماشي في طريقه جه واد صغير 14 سنه سايق لوحده معاكس بسرعه والطريق صغير اساسا والحاج بيقوله براحه يا ابني الواد قاله انا اسف في الكلمه (براحه علي السرير ) نزلت انا الواد جري بالعربيه وبعد كده وقف في المطب جبت طوبه مكسر الزجاج الوراني نزل فتحت الشنطه طلعت الكرباج ركب الواد العربيه وجري زي الجبان بالعربيه
انا معايا 504 مش عايز اقولوكم انا ببقى ماشي ولا الملوك و الي بيخبطلي عربيتي حتى لو هو الي غلطان ببقى طبيييييعي و هااااادي و لا كان في حاجة حصلت دا بالعكس كمان لو عربية الي خبطني حديثة و عربية نضيفة بنزل اطمن على عربيته و انا مبتسم هاهاهاهاها و الله البلد دي ما ينفعش معاها الا عربيتي انا من يومين عملت العربية كلها سمكرة ب 100 ج من غير الرش و حطيت الستيكر دا كتنبيه و لسة معرفش هيجيب نتيجة ولا ......http://postimg.org/image/uky24uba5/
عشان اللى بيقول الواحد يبقى مؤدب ومتحضر وما يشتمش وهو سايق هاحكلكوا موقف وقولولى انتوا اشتم ولا لأ
كنت ماشى على كوبرى اكتوبر فوق امتداد رمسيس وبالتحديد عند نقابة التجاريين كنت ماشى تقريبا بسرعة 70 كم ودى تقريبا سرعة مش بطيئة ولا حاجة وكنت كمان ماشى فى اليمين اى والله فى اليمين وكان على شمالى عربية ماتريكس تبعد عنى حوالى متر ونص الى الامام
وأذ فجأة الاقى ميكروباص تويوتا جاى من ورا بسرعة غير معقولة وجه ورا العربية الماتريكس اللى على شمالى وذى ما قولتلكم المسافة بينى وبنها متر ونص يعنى بأى شكل من الاشكال متعديش عربية
وفجأة لاقيت الميكروباص بيحدف عليه بنفس السرعة الجنونية اللى جاى بيها
كان قدامى حاجة من اتنين يأما ادوس فرامل جامد جدا" عشان اخلى المسافة بينى وبين الماتريكس تسمح بمرور الحمار يا اما امشى زى ما أنا وسعتها كان هيلبس فيا من الجنب ويرمينى من فوق الكوبرى وكل ده عشان ياخد غرزة متجبهوش اساسا" قولولى رأيكم اشتم ولا اعمل ايه؟؟؟؟؟؟؟؟؟؟؟؟؟؟؟
ساعات ببقي متسامح جدا لو مزاجى رايق
وساعات بشتم بس قليل جدا
ساعات ببقي متسامح جدا لو مزاجى رايق
وساعات بشتم بس قليل جدا
انا بشتم بالكلاكس بس
وبكتفى بالنظر
ولو اتخبط بنزل اشوف ايه اللى حصل حتى لو عربتى جرالها حاجة
بحاول اتمالك اعصابى لانى لو اتنرفز مابشوفش ادامى وممكن اعمل اى حاجة
انا امبارح واحد راجع بداهره على الدائرى عشان كان زحمه خبطنى خبطه بسيطه المهم نزلت اكلمه بقوله انت خبطتنى قالى عادى وبيتضحك خبطله على الازاز و قولته نهارك ابيض لاقته نازل ياخد رقم العربيه و بيقولى انا هعرفك وهوريك المهم انا اتنرفزت جدا لفيت وشى ومشيت وخبطه فى الباب الخلفى عنده نزل بقى عشان يتخانق ضربته واحده فى وشه وبعدين الناس جت مشيتنا بس كان حاجه صعبه كل الكلام ده وانا رايح الشغل الصبح
بجد لازم حل ..... لازم كل واحد يعرف مكانه بظبط ربنا يستر من الى جاى
ومين قالك انى راكب bmw , انا راكب هوندا الحمد لله , خلى ال bmw للناس اللى يقدروا على تمنها
ومين قالك بردة ان هية اللى بتنقذنى ( ربنا هو الحافظ )
وبردة عشان دماغك ماتروحش لبعيد هو مش بيخبط فيا على سرعة 200 , لأ هو بيكون خابط على سرعة لا تتعدى ال15 كم يعنى تخيل كدة واحد ماشى وداس فرامل بس مالحقش يقف بس هو دة اللى حصل
ومع انى بردة مش عارف انت تقصد اية بالمشاركة دية ,او غالبا كلمة كورى كان لية النصيب فى المشاركة دية
انا بشتم كتير و انا سايق مع ان دا مش طبعي في العادي .. بس اعمل اية بكره الغباء ..و غلطتي اني اتعلمت السواقة ايام ما كان الناس بيعرفوا يسوقوا الرخصة كان مش اي حد بياخدها بسهولة ... انا لسة امبارح حصل معايا موقف ينرفز ... كنت في المرور عشان اجدد الرخصة و انا خارج و قرفان على الاخر وكنت راكن بعيد شوية لاقيت واحد شكلة شبهه واقف جنب العربية بيقولي ((طالع يا باشا)) انا من قرفي من المرور و من شكلة ما ردتش علية و روحت مدور و طالع .. راح مخبط على الازاز جامد ,, رحت فرملت والشيطان وزني اني ارجع بضهري و اخبطة.. بس الحمد لله تمالكت اعصابي
انا بشتم كتير و انا سايق مع ان دا مش طبعي في العادي .. بس اعمل اية بكره الغباء ..و غلطتي اني اتعلمت السواقة ايام ما كان الناس بيعرفوا يسوقوا الرخصة كان مش اي حد بياخدها بسهولة ... انا لسة امبارح حصل معايا موقف ينرفز ... كنت في المرور عشان اجدد الرخصة و انا خارج و قرفان على الاخر وكنت راكن بعيد شوية لاقيت واحد شكلة شبهه واقف جنب العربية بيقولي ((طالع يا باشا)) انا من قرفي من المرور و من شكلة ما ردتش علية و روحت مدور و طالع .. راح مخبط على الازاز جامد ,, رحت فرملت والشيطان وزني اني ارجع بضهري و اخبطة.. بس الحمد لله تمالكت اعصابي
ربك في اي مكان وفي اي شئ وفي اي ماركة عربية وكويس انك قلتها بنفسك علشان ده كان ردي التاني
بس الشبكة اتكسرت والعربية اتعوجت على سرعة لا تتعدي الـ15 كيلو :waaaht:
لعلمك انا رجعت على عمود نور في الشارع بنفس السرعة دي تقريباً في حدود 10 الي 15 ومحصلش اي شئ للعربية الشارع كان مضلم على الاخر ومفيش عمود شغال كعادة مصر يعني ومكنتش شايفه بضهري ورجعت عليه :cat48:
يعني كمان انت كبرت الموضوع اكتر انا فكرت انه خبط على سرعة عالية كمان تقول لي لا تتعدي 15 كيلو وكل ده حصل عنده هو خبط في hummer ولا في الدعامات بتاعة BMW ياناس !!!!!!!!!!!!!!!!!!!!!!!!!!!!
ياريت لو تقول لنفسك كلمة كوري بتعمل ايه معاك - مش عاجباك حاططها ليه في دماغك ومهتم بيها اوي كده في كل مشاركة ليك تقريباً
لاحول ولاقوه الا بالله
شوف ياباشا بس عشان منحولش مسار الموضوع , هو دة اللى حصل فى عربيتة انا ماليش فية روح اسألة هو
ثانيا : انا قولت يخربيت فرامل الكورى عشان حاجة واحدة دية كانت رابع عربية كورى تخبط فيا بنفس الظروف تقريبا وكلة بيقولى الفرامل ماممسكتش عايزنى اقول اية
وبردة عشان ماتقولتش انا ضد الكورى , الثلاث عربيات اللى خبطوا فيا محدش فيهم جرالة حاجة الحمد لله
هو مكانش فية غير اللى انا حكيت قصتة دة
العربيات درجات عموماً في كل الشركات يعني متقوليش فرامل الفيرنا بفرامل الريو ABS - EBD فياريت كنت تحدد علشان نعرف نتكلم بعد كده تلاقي كيا كوريس والكلام الـLuxury في كيا
زي ما عندك برضه في الهوندا العربيات درجات فيه السيتي وفيه السيفيك والسيتي اقل من السيفيك وده بحسب كلام الشركة دي فئة ودي فئة تانية
فلما اجي اتكلم معممش والا انا لو شوفت التقفيل بتاع التابلوه "اللي اتكلمنا عليه مليون مره" بتاع السيتي هقفل جداً من الهوندا عموماً :36_1_34[1]:
يلا علشان منغيرش مسار الموضوع احنا اتكلمنا كتير قبل كده في الكلام ده وكل الناس عارفه انك من كارهي الكوري من زمان
بشتم ونا قافل الازاز عشان اطلع اللي جوايا ههههه
Sent from my Sony Xperia™ Z smartphone
وانت اية اللى خلاك تاخد الكلمة على الكيا ريو , او اى عربية تانية كورى ؟؟؟
مش انت واثق ومتأكد ان فرامل الريو كويسة خلاص , اية المشكلة بقى
يعنى لو واحد بيتكلم وبيقول انا ركبت عربية يابانى بدون ذكر اسماء وطلعت وحشة , اروح داخل وقايلة اكيد بتتكلم على السيفيك , هههههههه
كل واحد عارف عربيتة وكل واحد عارف عيوبها ومميزاتها كويس
انت مش عاجبك السيتى اية المشكلة وجهة نظرك , حتى لو شايفها عربية تعبانة , اية المشكلة بردة فية غيرك شايفها احسن سيارة فى فئتها , وهتلاقى ناس موافقاك فى الرأى , وهتلاقى الناس شايفها عادية
انا من كارهى الكورى ماشى ياباشا , انا من كارهى الكورى ومش بقبلة اية المشكلة , وجهة نظرى , انا مش شايف انة بيحققلى مطالبى فية غيرى شايف انة بيحققلة مطالبة
عموما انا مارديتش احدد نوع العربية لعدم الدخول فى مجادلات , بس غالبا لامفر منها اينما ذكرت كلمة الكورى بشىء سىء , دائما تجد من يعارض حتى لو بتعمم
لما بتشل من اللى قدامى وأفعاله بتشم لكن مش عمال على بطال
دى مشكله عامه مش خاصه انا كنت فاكر نفسى الوحيد ال كدا هههههههههه الواحد فعلا بيقابل ناس بارده لدرجه غريبه وخاصه ال بيعدى الشارع بيعدى بمنتهى البرود ومش باصص عليك ولو اتكلمت هيقولك مش كفايه راكب عربيه يا رب الناس تتعلم اصول الشارع سواء راكبين عربيه او مشاه
فكرتوني بواحد النهارده حرق دمي و خرجني عن طوري حسبي الله و نعم الوكيل فيه
النهارده باخد يوتيرن و طلعت وش العربيه سنه الباشا اتهت و قام شاتم المهم خدت اليتيرن و جيت جنبه قلتله ايه لزمه الشتيمه قللي علشان كنت هتخبطني قلتله انت اتخبطت قللي برده كنت هتخبطني قلتله طالما متخبطتش متشتمش قام عايد الشتيمه تاني طبعا مسكتش قمت عايدله نفس الكلمه بس مسبوقه باهو انت اللي 1000 كذا و قلتله انت عايزين احوالنا تتصلح ازاي و احنا بالسلوكيات دي و قمت سيبه و ماشي و الباشا متوصاش سيل من اقذر السباب اللي ممكن يخطر ببالكم و اللي يغظكم انه معاه زوجته او خطبته و الله اعلم قمت جاي قدامه و رديت بنفس الأسلوب و ان كنت داخليا مضايق اني سايرته بس تجاوزه محلنيش اعرف امسك نفسي ربنا يسامحني و يهدي الناس
للأسف بشتم لما بشوف التخلف والغباء وما أكثره فى شوارعنا .... بس بينى وبينكم وكلام فى سركم بوطى صوتى .. غالباً انا واللى فى عربيتى بس اللى بيسمعها ههههههههههههههههه
ونفسى ابطل العادة ديه ....
بسبب الانفلات الاخلاقى فى الشارع المصرى يدفعنى الى انفلات اعصابى وانطلاق لسانى بس بجد بازعل جدا وبداوم على الاستغفار***
أحيانا
طبعابشتم بس سواقين التريلا لاني بسافر كتير ومره واحد كان هيموتني علشان الباشا انا معدي من شماله وانا في نص المقطوره راح كاسر عليا كان هيفعص العربيه بين المقطوره والحاجز اللي في النص لولا الفرامل بتاعت العربيه الحمد لله انقذتني والبيه مش عاجبه لما قربت منه فطبعا سيل شتائم ومشيت وراه وفتحت الزينون العالي فالمرايات لغاية ماعاميته
ربنا ما يوريكم التكاتك وسواقينها انا من الشرقيه والتكاتك عندنا اكتر من البنى ادمين
الواحد بيركب العربيه بيتحول عليهم ف رمضان مبرضاش اركب العربيه قبل الفطار الواحد مبيبقاش ناقص يفطر على اول سواق يقابلو
ربنا يصلح الاحوال
كله بيشتم فى كله وكله بيتنرفز
وفيه اللى متنرفز خلقه تلاقيه ماشى يتلكك ويشتم فى الخلق او يمشى يهبل بالعربيه
اصلا الي بيشتم ده انسان نزعت من قلبه الرحمة
اولا : انا عصبي
ثانيا:من كتر سواقين مصر سواء ملاكي او اجرة علموني الشتيمة ناس كتير متخلفة في سواقتها وفيه ناس بردة محترمة بس قليل
والله الواحد مبيبقاش عارف يركز مع الطريق الزقت ولا مع السواقين المتخلفين بصراحة انا نفسى اشترى طيارة واسيب التخلف ده على الارض واطير فوق لوحدى
طبعا بشتم
ذى الاستاذ كطريم ما قال ولا بسمع مها اتشتمت كأنى مش موجود
ذى ما قال الاستاذ كريم اقفل الزجاج واسمع موسيقى او اغنية جميلة بدل من :fun_10_9_134[1]: وخليها احسن كدة :shine[1]::shine[1]:
ساعات وساعات