بتشتم وانت سايق

**Akram** · 05-05-2008 01:41 PM

الواحد مبيحبش يشتم خاصة إن ده معناه إنه ينزل لمستوى الطرف الآخر ,
لكن احياناً الظروف تضطرك انك تشتم و نخرج عن شعورك.

**vet mitcho** · 05-05-2008 01:49 PM

انا بمسك اعصاااااابي على قد مقدر
بس لما الموضوع قد يؤدي الي كارثة او اي شئ مشابه مش بقدر امسك نفسي ((للاسف الشديد))

**ahmedateya** · 13-05-2008 01:27 AM

حاليا بحددف طوب بس

13-05-2008 02:50 AM

ياباشا المفروض الاستطلاع يبقى فيه سؤال واحد

مين ما بيشتمش وهوسايق ؟؟؟

اكيد هايتعمللو تمثال..هههههههه

**nasr-eldeen** · 13-05-2008 02:54 AM

انا احيانا بتشتم وانا سايق عارفين ليه ؟؟؟؟؟؟؟؟؟؟؟؟؟؟؟؟؟؟؟؟
علشان بكون منور نور الشبورة اللي في الاكصدام تحت ده عارفينه .
الاقي واحد كده يقولى اطفي النور ده عمتنا الله ؟؟؟؟ بعيد عنا جميعاً .
أو اطفي النور ده يا ؟؟؟؟ حفظكم الله .
وده في اللانسر وحتى البترا اللي كانت معايا .
الظريف بئه ان هم بيكونوا منورين احياناً النور العالي بتاعهم .

**Hondawy_2008** · 13-05-2008 12:06 PM

الاستاذ كريم منير
ممكن اعرف الصاعق جبته منين وبكام

///////////////////////////////
+1

**mohamed hatem** · 13-05-2008 05:55 PM

شتايم ...شتايم ...شتايم ...وعمت الشتايم انحاء الشوارع ....
يا ريس لازم الواحد يفك على اللي جوه حتى لو بتشتم و التاني مش سامعك .....الضغط ادويته بتصرف ... فبشتم احسن ....

بس بحاول اتعلم الادب لان بنتي ابتدت تتكلم ,وبتلقط اي كلمه .... انتم طبعا عارفين العيال ما بتصدق

**ramyayash** · 13-05-2008 06:08 PM

انا عيبي شتايمي وخنقتي من السواقين هنا
كل واحد ماشي بمزاجه
انا النهارده جاي علي طريق لقيت واحد طالع بعربيته من الطرق اللي النحيه التانيه عالرصيف ونازل علشان ما يمشيش 200 متر للملف
بيوفر
وعلي دوران
باخد الدوران لقيت عربيع داخله عليا من الرصيف
شتمته لمده ربع ساعه شتيمه زباله
وقفت العربيه الاول ونزلت قلتله انت كده بتوفر
وكذا وكذا وشتايم
وهو واقف مش عارف ينطق
لازم كده
البهايم لازم تاخد حقها

**دموع الثلج** · 13-05-2008 07:26 PM

انا مش بشتم بس بتنرفز بسرعه لما حد من السواقين يغيظنى ممكن ازعق بس من غير شتيمه واوقول فى سرى ده غبى بس فى سسسسسسرى

مره ماشيه فى شارع مكسر ومدغدغ واول مره ادخل المكان ده معرفهوش اصلا كنت مشغاله نور العربيه العادى مششششششششششششش العالى بكرر مش العالى

لقيت واحد جاى فى وشى ولما قرب وبقى جمبى سواق ميكروباص راح قال يا حماره انتى مشغله النور ليه فاكره نفسك فى الاتو ستراد انا كنت فاتحه قزازى هو معتقدش انى هسمع

لفيت وطيراااااااااااان وراه لحد ما لبسته فى رصيف محترم

وجيت جمبه قلت له عرفت انك حمار ومتعرفش تسوق كمان ودست بنزين واختفيت
لو كان معايا صاعق ولا اى سلاح كنت مسحت فيه الارض من غير شتيمه