اقتباس المشاركة الأصلية كتبت بواسطة د.أحمد سمير مشاهدة المشاركة
يا ترى كم واحد فينا بيشتم وهو سايق ، وما هي العوامل والبواعث التي تدفع الشخص المتزن إلى الشتيمة والسباب ؟
بشتم و بالعن و بطلع ايديا الاثنين من الشباك كمان( واللبيب بالاشارة يفهم) و ممكن احدف باى حاجة ادامى فى العربية علبة معطر معدن ،طفاية شريط كاسيت، قفل الامان بتاع الدركسيون اى حاجة ممكن ايدى توصلها وانا سايق و مرتين او تلاتة بتعمد اخبط اللى قرفنى فى عيشتى و زى ما تيجى .
العوامل كتيرة و من اهمها : لما واحد يكسر عليا من الشمال علشان يدخل ادامى علشان يعدى او يقف
او فى شارع ضيق مش مستحمل غير عربية واحدة و تلاقى حد داخل وعايز يزيحك و يعدى
اى حد يكسر ويقول ما انا مديك اشارة و غير كده كتير و ممكن أكتب لبكرة الصبح