الموضوع: بتشتم وانت سايق

لأ انا الحمد لله مش بشتم نهائى , بكتفى بالنظر الية ودة فى الظروف لو مثلا واحد زنق عليا , او كان هيلبسنى فى حاجة

اللى بينرفزنى بقى لما الاقى سواق ميكروباص واقف فى نص الدائرى بينزل ركاب , وطبعا انا ببقى واقف وراة ومش عارف اطلع منة عشان السيارات اللى جاية سريعة من خلفى , فبجيبة واعاتبة انة واقف كدة ولازم يقف على جنب الطريق " وبسيبة وبمشى

- فى حالة بقى كنت ماشى فى شارع والطريق زحمة جدااا وكل شوية بنقف وبنتحرك , وفجأءة الاقى واحد " طرااااااخ" خابطنى فى شنطة العربية " كل اللى بعملة انى بنزل اشوف عربيتى الاول لقيتها سليمة الحمد لله
بعاتبة عادى , ولو لقيتة راجل كبير بركب عربيتى ومش بتكلم معاة

- فى موقف بقى كانت عربية كورى بدون ذكر اسماء والشارع واقف والاقى واحد فى مرايا الصالون بيجرى وداس فرامل ومنظرة كدة بيقول انة مش هيلحق يقف , وانا مستنى يخبطنى لان مافيش حتة اروح فية الطريق واقف , كل اللى عملتة انى شيلت رجلى من على بدال الفرامل ومجهزها عشان لما يخبطنى ادوس عليها عشان ماخبطش فى اللى قدامى , وفعلا وقد كان راح خابطنى

روحت نازلة بقى , شوفت عربيتى مافيش حاجة الحمد لله , هو الشبكة اتكسرت والكابوت اتعوج سنة

روحت قايلة كلمة واحدة فى وسط الشارع " الله يخربيت الكورى على فرامل الكورى " وهو باصصلى كدة ومتنح , وشايف الناس عمالة تتضحك روحت راكب عربيتى ومشيت

لكن انى اشتم حد واتخانق معاة معملش كدة لان الموضوع مش مستاهل طالما عدى على خير وربنا ستر الحمد لله مافيش داعى اتخانق

المشاركة الأصلية كتبت بواسطة 2CODE

الله عليك يا سامح ده انت الـBMW بتاعتك بتنقذك من مواقف ما يعلم بيها الا ربنا

الله يباركلك بجد

ومين قالك انى راكب bmw , انا راكب هوندا الحمد لله , خلى ال bmw للناس اللى يقدروا على تمنها

ومين قالك بردة ان هية اللى بتنقذنى ( ربنا هو الحافظ )

وبردة عشان دماغك ماتروحش لبعيد هو مش بيخبط فيا على سرعة 200 , لأ هو بيكون خابط على سرعة لا تتعدى ال15 كم يعنى تخيل كدة واحد ماشى وداس فرامل بس مالحقش يقف بس هو دة اللى حصل

ومع انى بردة مش عارف انت تقصد اية بالمشاركة دية ,او غالبا كلمة كورى كان لية النصيب فى المشاركة دية

المشاركة الأصلية كتبت بواسطة 2code

ربك في اي مكان وفي اي شئ وفي اي ماركة عربية وكويس انك قلتها بنفسك علشان ده كان ردي التاني

بس الشبكة اتكسرت والعربية اتعوجت على سرعة لا تتعدي الـ15 كيلو

لعلمك انا رجعت على عمود نور في الشارع بنفس السرعة دي تقريباً في حدود 10 الي 15 ومحصلش اي شئ للعربية الشارع كان مضلم على الاخر ومفيش عمود شغال كعادة مصر يعني ومكنتش شايفه بضهري ورجعت عليه


يعني كمان انت كبرت الموضوع اكتر انا فكرت انه خبط على سرعة عالية كمان تقول لي لا تتعدي 15 كيلو وكل ده حصل عنده هو خبط في hummer ولا في الدعامات بتاعة bmw ياناس !!!!!!!!!!!!!!!!!!!!!!!!!!!!


ياريت لو تقول لنفسك كلمة كوري بتعمل ايه معاك - مش عاجباك حاططها ليه في دماغك ومهتم بيها اوي كده في كل مشاركة ليك تقريباً

لاحول ولاقوه الا بالله

شوف ياباشا بس عشان منحولش مسار الموضوع , هو دة اللى حصل فى عربيتة انا ماليش فية روح اسألة هو

ثانيا : انا قولت يخربيت فرامل الكورى عشان حاجة واحدة دية كانت رابع عربية كورى تخبط فيا بنفس الظروف تقريبا وكلة بيقولى الفرامل ماممسكتش عايزنى اقول اية

وبردة عشان ماتقولتش انا ضد الكورى , الثلاث عربيات اللى خبطوا فيا محدش فيهم جرالة حاجة الحمد لله

هو مكانش فية غير اللى انا حكيت قصتة دة

المشاركة الأصلية كتبت بواسطة 2code

العربيات درجات عموماً في كل الشركات يعني متقوليش فرامل الفيرنا بفرامل الريو abs - ebd فياريت كنت تحدد علشان نعرف نتكلم بعد كده تلاقي كيا كوريس والكلام الـluxury في كيا

زي ما عندك برضه في الهوندا العربيات درجات فيه السيتي وفيه السيفيك والسيتي اقل من السيفيك وده بحسب كلام الشركة دي فئة ودي فئة تانية

فلما اجي اتكلم معممش والا انا لو شوفت التقفيل بتاع التابلوه "اللي اتكلمنا عليه مليون مره" بتاع السيتي هقفل جداً من الهوندا عموماً

يلا علشان منغيرش مسار الموضوع احنا اتكلمنا كتير قبل كده في الكلام ده وكل الناس عارفه انك من كارهي الكوري من زمان

وانت اية اللى خلاك تاخد الكلمة على الكيا ريو , او اى عربية تانية كورى ؟؟؟

مش انت واثق ومتأكد ان فرامل الريو كويسة خلاص , اية المشكلة بقى

يعنى لو واحد بيتكلم وبيقول انا ركبت عربية يابانى بدون ذكر اسماء وطلعت وحشة , اروح داخل وقايلة اكيد بتتكلم على السيفيك , هههههههه

كل واحد عارف عربيتة وكل واحد عارف عيوبها ومميزاتها كويس

انت مش عاجبك السيتى اية المشكلة وجهة نظرك , حتى لو شايفها عربية تعبانة , اية المشكلة بردة فية غيرك شايفها احسن سيارة فى فئتها , وهتلاقى ناس موافقاك فى الرأى , وهتلاقى الناس شايفها عادية

انا من كارهى الكورى ماشى ياباشا , انا من كارهى الكورى ومش بقبلة اية المشكلة , وجهة نظرى , انا مش شايف انة بيحققلى مطالبى فية غيرى شايف انة بيحققلة مطالبة

عموما انا مارديتش احدد نوع العربية لعدم الدخول فى مجادلات , بس غالبا لامفر منها اينما ذكرت كلمة الكورى بشىء سىء , دائما تجد من يعارض حتى لو بتعمم