الموضوع: حسبي الله ونعم الوكيل في التجار

مش كل التجار وحشين
صحيح انا معاك ان معظم التجار نصابين (تجار السيارات) لكن فيهم قلة عندها ضمير
انا شاري عربيتي من تاجر
صحيح هو كان نصاب وكلامانجي ويحسسك انه ممكن يخسر عشان يكسبك وممكن يقتل صاحب العربية عشان تاخدها ببلاش (لسواد عيونك)
بس انا عملت حركة جامدة
التاجر الي بعت عربيتي الاولانية ليه هو الي جبته يتفرج ويفحص ويفاصل مع التاجر الي اشتريت منه العربية التانية
بصراحة التاجر الي اشتري عربيتي القديمة اساسا صاحبي من قبل لما يبقي تاجر سيارات
وعملت حركة حلوة اوي
سديت وداني عن كل الكلام الفاضي الي كان عمال يقوله
يعني مثلا كان فخور ان العربية بتاخد بنزين 80 ومش بتقول لا (طب بالله عليك هتقول لا ازاي؟؟؟ هترجعه مثلا ولا هيجيلها اسهال)
ثانيا كدب عليا وقالي التكييف عايز شحن بس (طلع انه مشحون بزيادة بس مشكلة فلتر)
ثالثا قالي السنتر مش متوصل طلع ان طرمبة الهوا بتاعة السنتر محروقة وعايزة تتغير

واكتر عربيات تخاف منها العربيات السوقي زي الدايو عموما (لانوس ونوبيرا)
اللانسر (بالزات البومة)
الهيونداي (اكسنت القديم والاكسيل والفيرنا طبعا)
لكن في عربيات بتبقي شاذة وتايهة في السوق زي هوندا 91 ولانشيا تيدرا ودايو سيليو ودي اعتقد من وجهة نظري بتبقي عربيات بيتي وحالتها حلوة لآن العربيات دي لازم تتجاب حالتها حلوة وسليمة

وبمناسبة السوقي
انا شوفت عربيتين اعوذ بالله عاملين حوادث واحدة مغيرة نص وسقف والثانية مغيرة سقف
الله اكبر علي السمكري والبوهيجي استحالة تعرف تطلع مكان اللحام الا لو فكيت تنجيد وفرش القوايم

والعربيات الزيرو الي مغيرة سقف ولا ربع
بتبقي مثلا عربية واقعة من علي الكساحة الي بتنقلهم من المينا للصالات وتتصلح وتتباع زيرووووو