رابطة مستخدمي الLinux (ال Ubuntu و Open Suse و أخواتهم )

**blazer** · 02-05-2011 02:29 AM

انا استغلت على ريدهات مره واحده ومكرتهاش للاسف
بسبب انى لاقيت ان اليونكس مقراش غير الدرايف اللى اتفرمت بصيغته بس وبقى ال ntfs او ال fat متقراش
هل دا غلط منى ولا هو كدا وهل ليها حل ولا لا
لانى فعلا اعجبت بسرعته و طريقته جدا جدا وكفايه انى هخلص من الويندوز

**itsonlyme** · 02-05-2011 03:15 AM

المشاركة الأصلية كتبت بواسطة blazer

انا استغلت على ريدهات مره واحده ومكرتهاش للاسف
بسبب انى لاقيت ان اليونكس مقراش غير الدرايف اللى اتفرمت بصيغته بس وبقى ال ntfs او ال fat متقراش
هل دا غلط منى ولا هو كدا وهل ليها حل ولا لا
لانى فعلا اعجبت بسرعته و طريقته جدا جدا وكفايه انى هخلص من الويندوز

ده كان زمان ... دلوقتي اللينكس هيقرأ الدرايفات كلها تقلقائيا بدون مشاكل.

زمان كنت بتحتاج تظبط اعدادات معينة بنفسك عشان يقدر اللينكس يشوف الدرايفات التانية.
وده مش عيب في اللينكس ... هي عقلية اللينكس كده.
صعوبة في التعامل .... بس مرونة وامكانيات أكبر.
يعني ممكن تخلي درايف قراءة فقط (لا تسمح بالكتابة على الدرايف).
وممكن تخلي بعض المستخدمين فقط يقرأو درايف ما ... وهكذا.

مع الوقت اتطور اللينكس بحيث يبقى سهل وكل حاجة تبقى أوتوماتيكية زي الويندوز والماك.
مع الاحتفاظ بالامكانيات والمرونة الكبيرة.
يعني عايز التعامل السهل وكل حاجة أوتوماتك ... ممكن.
عايز تشمر اكمامك وتغوص في الاعدادات الصعبة (اللي بتديلك قدرات أكبر) ... ممكن.

**tamatemo** · 02-05-2011 06:55 AM

ubuntu10.10

suse

Centos في الشغل سابقا

احلي حاجة في الدنيا يوبنتو

واللي عاوز يجرب ينزل VMware او virtual Box ويجرب من عليه الاول

بدل ما يدخل في اعدادات غلط تبوظلواه الدينا

"زي ما اتعلم علينا زمان في الريدهات من 10 سنين"

**devilishtigers** · 02-05-2011 07:05 AM

يا جماعة حرااااااااااااااااااام عليكوا انا مش فاهم حاجة خالص
ياريت نبدأ من الصفر يعني مثلا
* الفرق بينه وبين الويندوز
* مميزاته
* وبعدين نبدأ نفهم واحدة واحدة

**tamatemo** · 02-05-2011 07:54 AM

بص يا سيدي

كلام مبسط جدا

الونيدوز واللينكس هما الاتنين نظامين تشغيل

يعني هما الاتنين هايشتغلوا علي اي جهاز كمبيوتر بالمواصفات المطلوبة

طب ايه الفرق بينهم

ويندوز نظام تشغيل من انتاج شركة مايكروسوفت وهو انتاج تجاري 100%
يعني حضرتك تشتغل في السليم
هاتنزل تجيب نسخة ويندوز 7 بحوالي 800 جنيه
واوفيس بحوالي 1000 جنيه دا لو نسخة 2010

طب ايه اللينكس
اللينكس ببساطة نظام مفتوح المصدر
بمعني؟
انه نظام مجاني اللي بيطوره ويدعمه شركات وجمعيات وجامعات
ومعظم البرامج فيه مجانية
يعني نظام يوبنتو + اوبن اوفيس "الاوفيس اللموجود في قلب اليوبنتو" = 0 جنيه مصري

طب هتسال وتقول ازاي اطمن لحاجة ببلاش

هاقولك
الدعم الفني والابديت اللي حضرتك بتتلاقاه من ماكيروسوفت بيشتغل عليه عدد محدد من المطورين في شركة مايكروسوفت

لكن
في اللينكس
انتا لو عندكم خبرة برمجية في لغة ال c هاتقدر انك تتدخل في النظام وتعدل فيه زي مانتا عاوز وتبعت الابديت اللي انتا عملته للشركة او الجامعه اللي تبعها النسخة اللي عندك ولو لقوها كويسة هاينزلوها في الابديت اللي جاي من النسخة

طب ايه الفرق في الامان بين الاتنين؟

فيه ميزة من وجهة نظري في اللينكس ودا سبب تفوقه كنظام تشغيل

ان كل حاجة مفصولة عن بعضها

بمعني ايه؟؟؟!!!

يعني مثلا فولدر السيستم في الويندوز المقابل ليه في اللينكس بارتشن خاص بيه
فولدر البروجرامز فيه مقابل ليه بارتشن خاص بيه

دا تبسيط مش شرح علمي

الميزات اللي موجودة اللي فيه

البرامج وخصوصا البرامج العلمية

نلت يوبنتو لناس في كلية علوم وعاجبهم جدا علشان كان فيه اكتر من برنامج بيرسم اشكال جزيئات في المعادلات بتاعت الكميا بتاعتهم

المهم دا ملخص سريع كدا
وشوية شوية ندخل في التقيل

**tamatemo** · 02-05-2011 07:56 AM

حاجة صغيرة علي الماشي

انا شغال علي ويندوز اساسي ولينكس معاه علي حسب احتاجات الشغل بتاعي

بس لو بايدي

انقل لينكس علي طول

**Dr_Mido** · 02-05-2011 08:23 AM

المشاركة الأصلية كتبت بواسطة Eng.Geo

10.10 ؟

اى بيقلك اخر تعامل من 10 سنين وكان ترمنال بس بقه الدنيا اتغيرت

**Dr_Mido** · 02-05-2011 08:25 AM

طيب دلوقتى علشان نبقى كلنا موحدين النسيخ
انا نزلت برضه 10.10 على كمبيوتر البيت علشان نتابع عليها كلها نزلوها و جربوها اما عن طريق االسى دى او انستول جنب الوندوز

جربو و اى حاجه اول مرجع هعمل شرح للتنصيب

**Mostafa.Ismail** · 02-05-2011 09:56 AM

من اهم نقاط القوة اللى بتميز Linux او اى UNIX OS عموما موضع صعوبة اصابة بفييروس ودى نقطة مهمة جدا فى سوق العمل.

**tarekzein** · 02-05-2011 11:55 AM

متابع جدا

بس لو ممكن الشرح من أول الــ نسخه ولنفرض 10.10 لأن الإجماع عليها

_ طريقة التثبيت وموقع تحميل النسخه

_ شرح العمل على النسخه نفسها وإمكانياتها

_ البرامج الممكن إستخدامها ومواقع التحميل لها
_ و,,,,و,,,,,,و,,,,,,,,,,,,,,,,,,,,,

وهيا بنا نضرب الوندوز

الموضوع: رابطة مستخدمي الLinux (ال Ubuntu و Open Suse و أخواتهم )

LinkBack

أدوات الموضوع

عرض

-

-

-

-

-

-

-

-

المواضيع المتشابهه

رابطة مستخدمي Android

باشا ثواني كدا Open

سؤال في ال Ubuntu 11.10

open Otv at 7 pm

laptop Open Max

الكلمات الدلالية لهذا الموضوع

المفضلات

المفضلات

ضوابط المشاركة