الموضوع: الزجاج الأمامي وقمامة الشعب المصري

المشاركة الأصلية كتبت بواسطة zegazi

السلام عليكم يا شباب

بإختصار قلت أفضفض معاكو شوية
عشان ضغط دمي إرتفع
ده لو كان في حبه لسه متحرقوش

جيت من الشغل آخر الليل تعبان وهلكان
وركنت عربيتي الساجا الأوتو
إللي بحافظ عليها وأحترمها وأصونها

وكنت راكن في حته محترمه خالص
قصاد عماره شيك على البحر
في إسكندرية

نزلت تاني يوم الصبح بدري أروح على شغلي
مش حقولكم مدى الصدمه التي كاد يتوقف لها قلبي

كيس زبالة بشع قبيح المنظر
متفرتك ومفرقع على الزجاج الأمامي
ومنتشر بقرف وسيوله لزجة على الزجاج وكامل الكبوت

مما أدى إلى تهشم الزجاج الأمامي بشدة
لا أظن الإصلاح يجد إليه طريقاً

طبعا واحد أو واحده بدون أدنى مسئولية
كان بينشن كيس الزبالة عاوز يصيب صندوق أونكس
على الصف التاني
ولكن أخطأ الهدف وأصابني
في قلبي بطلقة صاروخية

لا أستطيع التعبير عن مدى الحزن والأسى
على السيارة
وعلى هؤلاء الناس الذين يرقدون في أدنى
مستويات التحضر مع قمامتهم ورائحتهم النتنه

وحسبي الله ونعم الوكيل

الحمد لله ان كيس الزبالة كسر الزجاج بس.انا واحد صاحبى وقع فوق السقف ازازة طبقت السقف ونزلت نقرت الشنطة.حقولك اية بس.ناس كتير مش عايزة تفكر فى الى بتعملة قبل ما تعملة طول ما بيكلوا ويشربوا يبقى كل حاجة تمام واى حاجة تانية غير كدة بيحطوا دماغهم علىoff .