اراء مالكى وخبراء الابيزا

**meeg** · 02-05-2011 03:38 AM

السلام عليكم ورحمة الله وبركاته
انا محتاج رايكم فى الاتى انا عندى العفشه سيئه جدا رحت للعفشجى قالى محتاجه اربع مساعدين وبطاحتين ومقصين بجلبهم وطقم بارات خارجيه
انا عايز اعرف احسن مكان اجيب منه والماركات بالنسبه للمساعدين
عايز الناس اللى جربت حاجه تقول
وشكرا للجميع

**ehab_mansour** · 02-05-2011 08:57 AM

انا هكتب تجربتي في صيانة العفشة
انا فضلت راكب العربية بعد ما اشتريتها سنتين دون اي شكوي او مشكلة بالعفشة وبعدين حسيت انها نشفت شوية رحت لعفشجي حبيبي في المنصورة عندنا غيرلي جوز بارات خارجية و جوز جلب مقصات وبس وبقت العربية بعدها زي الفل ولما شفت مقص الابيزا حسيت انه من الصعب انه يتغير فقط بيحتاج تتغير الجلب كل فترة
بالنسبة للمساعدين مش عارف مين قله انها باظت ؟ يعني اختبرها ازاي ؟
انا حاسس انه بيغيرلك عفشة كاملة وخلاص عشان يريح دماغه لأنه مش عارف يوصل للعيب فين بالضبط او ايه اللي محتاج يتغير والله أعلم
علي العموم رأيي تروح لأكثر من ميكانيكي عفشة ويكشفلك عليها لو كلهم صح يبقي توكل علي الله و اشتري اللي قالو عليه
وربنا معاك

**windofchange** · 23-05-2011 05:47 PM

ايه يا محمود عامل ايه؟ بص مساعدين خلفي انا جبتهم سيات ب400 جنيه سيات اصلي من اسبانيا من شارع دمشق عند محل كده مش فاكر اسمه تقريبا سامح جبتهم من سنتين يارب تلاقيهم لأني اعتقد انهم كويسين وده الناصية متفرعة من شارع دمشق هو المحل اللي واخد الناصية بعد السوبر ماركت علي طول

**meeg** · 23-05-2011 05:53 PM

وصفه ما توهش الناصيه اللى جنب السوبر ماركت
انتى دائما تنسى اسمى ينفع كده
انت اخبارك ايه يا ايهاب عملت حاجه فى العربيه ولا لسه؟

**windofchange** · 23-05-2011 07:50 PM

اهو ماشي ربنا ييسر قريب وتخلص

**SYD** · 23-05-2011 10:32 PM

اولاد فتح الباب في شارع سليمان الحلبي في رمسيس امام سنترال رمسيس
اولاد فتح الباب في شارع فيصل محطة حسن محمد بجوار سوبر ماركت ابو زكري

والله المستعان
،
،