اريد اراء مالكى الواجا الجديده

**bassem_sams** · 20-09-2008 11:03 PM

ارجو من ممتلكى بروتوون واجا الجديده ان يعطونا رأيهم و تقييمهم للسيارة من حيث جودة تقفيل و جوده الخامات و ادائها و عيوبها من تجاربهم نتيجه امتلاكهم لها عزل صوت و فرامل وتوضيح عيوبها و مميزاتها بعد تجربتهم لها شكرا لأنى قررت شراء شيارة فى خلال هذا شهر لكنى محتار ما بين واجا مانيوال و اوبترا مانيوال و سيراتو المانيوال

الثلاته روحت شفهم و دققت فيهم و ممتازين و تعليقاتى
الواجا شوفتها حلوة و شيك و كماليات وسعر ممتاز لكن جوده تقفيل و خامات واداء معرفش علشان كده محتاج رأى مالكي الواجا جديده فقط
السيراتو مانيوال تحفه كتقفيل و خامات و اداء و مفهاش اى مشاكل ما شاء الله و عجبانى لكن ناقصها كماليات مثل المرايات الكهرباء و فوجات و ريموت كنترول و مساند رأس و فتح شنطه من داخل
الأوبترا جميله و شيك و منتشرة اكتر من الأتنين و و كمالياتها حلوة ياريت سيراتو كان فيها اللى موجود فى اوبترا كنت حسمت الموضوع و عازل كويس عيوبها الكاوتش ال14 و انها راديو كاسيت لكن مش مشكله و صاج خفيف او ضعيف و فى ناس اشتكت من صوت تزيق وخبط فى دركسيون و عفشه ناشفه
منتظر اراكم و ياريت كمان اسعار قطع غيار واجا اذا امكن

**MaZaGAngeE** · 20-09-2008 11:21 PM

الواجا القديمة و الجديدة الفرق بينهم في الفوانيس بس على ما أظن

القديمة كويسة قوي السرعة و العزل ممتازين

**Powert** · 21-09-2008 12:36 PM

المشاركة الأصلية كتبت بواسطة MaZaGAngeE

الواجا القديمة و الجديدة الفرق بينهم في الفوانيس بس على ما أظن

القديمة كويسة قوي السرعة و العزل ممتازين

+ ماتور وعفشة

الوجا الجديدة مختلفة بس فش الشاشية بس هي نفس الاجزاء الميكانيكية ل جين2

**bassem_sams** · 22-09-2008 11:36 AM

ايه يا جماعه مفيش حد اشترى واجا جديده يساعدنى ماشى يبقى قدامى الأوبترا و سيراتو و فى كولت و ماتيريا المانيوال كامله هى ب100 الف لكن فى خصم 6 الف على حسب ما قرات فى سيارات الأهرام جمعه و ادينى بدور لكن زى ما قولت انا محتاج سيارة 1600 مانيوال فى حدود 90 الف و انا مرشح سيراتو و نفسى اجبها لأن تقفيل و اداءها و ثبات و عزل صوت ممتاز لكن المشكله كمالياتها قليله
ارجو اقتراحات والمساعده و اكيد ابداء رأيكم هيساعدنى

**ahmedsiyam** · 22-09-2008 12:29 PM

الاخ باسم

الواجا انا ماكانش عاجبنى الصالون بتاعها بس انا شوفتها تانى عند فرع عز العرب - مدينة نصر بصراحة انا وجدتها مختلفة و جميلة جدا كصالون من جوه و ان كان فى برضه نفس عيوب التقفيل الماسخة بس ممكن تتظبط لانها موش بدرجة كبيرة يعنى

بالنسبة للموتور هو المفروض انه افضل من القديم

لوحة العدادات اكثر من رائعة بصراحة و كمان اوديو تحفة وانا شايفه افضل من الجين2

هى عربية عائلية ممتازة بكماليات كتير و سعر معقول جدا مقابل الكماليات دى

من وجهة نظرى عربية 1600 مانيوال تبقى الجين 2 المانيوال و طبعا كلها اسبوعين لثلاثة و الله اعلم و تنزل الفيس لفت الجديدة و ممكن تبقى فى حدود السعر اللى ناوى تشترى بيه

ربنا يوفقك للى فيه الخير ان شاء الله

**bassem_sams** · 22-09-2008 01:31 PM

شكرا يا احمد على مشاركتك و هل ممكن تفيدنى و تعرفنى الأشياء اللى معجبتكش
و انهى سيارة ترشحالى سيراتو و لا ماتيريا و لا كولت و لا اوبترا و لا واجا

**ahmedsiyam** · 22-09-2008 02:06 PM

فى اللى انت قولتهم كلهم دول انا ماركبتش غير الاوبترا بتاعة اخويا و هى موش عاجبه الى حد ما بس فيها عيوب على خفيف تتمثل فى العفشة ( مساعدين + علبة دريكسيون ) و مؤشر البنزين و الكاسيت باظوا بس كله فى الضمان يا ريس و على حساب منصور شيفورليه

بس طبعا افضلهم من حيث الكماليات و المتانة هى الواجا

الباقى احسن فى التقفيل ممكن وان كنت افضل انك تجيب النيو اكسنت الكاملة المانيوال الـ 1600 عربية جميلة و صناعة كورى حلوة و توكيل غبور توكيل كبير

السيراتو ماعرفش اخبار الوكيل ايه و ان كنت انا مابحبش فى الكيا غير السيفيا فقط وهى عن تجربة عربية جميلة جدا

الماتيرا من وجهة نظرى المفروض يتحطلها لوحات معدنية ( تحت الطلب ) لان شكلها كئيب الصراحة بس هى اذواق موش معناها ان العربية ممكن تكون وحشة

الكولت ماعرفش شكل الموديل الجديد منها و لا امكانياته فا مافيش داعى الواحد يفتى

تحياتى و ربنا يوفقك

**amr mokhtar** · 22-09-2008 02:31 PM

انا برضه رحت إتفرجت على الواجا كذا مرة
هى عربية جميلة من بره جدآ
ومن جوه العربية تصميمها تحفة لكن للأسف زى ما قال أستاذ أحمد إن برضه نفس عيوب التقفيل البايخة
يعنى انا معجبنيش درج التابلوه بتاعها حسيته خفيف اوى الجزء من التابلوه اللى فوق العدادات حسيت إنه مش راكب كويس يعنى بيطلع و ينزل
لكن غير كده التقفيل ممتاز للأبواب و الكراسى مريحة

لو حضرتك مش مركز اوى على موضوع جودة التقفيل فهى مش وحشة
و بصراحة انا أنصح حضرتك بالسيراتو هى فعلآ كمالياتها قليلة بس تقفيل محترم و خامات نضيفة
او ممكن تشوف الريو الأوتوماتيك و منها برضه تستريح من دواسة الدبرياج

و ربنا يوفقك