العفو على ايه
تصحيح بخصوص موعد انتهاء المعرض
المعرض ينتهي يوم 18 مش 21
عرض للطباعة
ماشى
ادعو لى النهاردة البذر هيتحط ان شاء الله ونستنى بقى
هذه هي المواضيع المفيده والتي يجب الإهتمام بها والإكثار منها في هذه المرحله وأشكر صاحب الموضوع وكل من شارك برد
وأشكر أصحاب المواضيع الخاصه بالصيانه جميعا سواء للسيارات أو منزليه وخلافه وهناك الكثير منها في هذا المنتدى الغالي المميز
وأطلب من الشباب الإهتمام بالمواضيع الهادفه سواء خاصه أوعامه وشكراً للجميع
أخجلتم تواضعى : )
اخيرا
ده يا جماعة كنت بحاول انزل لكو صورة الزرع
اولا شكرا لكل الآعضاء اللى ساعدونى: )
تصوروا التربة الطينية مطلعتش حاجة والبيتموس ده طلع البيبى كسبرة دى
اما الشبت لا حياة لمن تنادى
انا كمان لاحظت انها مكنتش عرفة تزق التربة ووسعتلها
ايه رأيكو بقى ؟
كان ممكن تجيبي الحاجة من مديرية الزراعة اللي جنبك بيبقا فيها مشتل:16:
الف مبروك على المحصول :)
وبخصوص الزرع التاني فطبيعي ان الى فى البتموس يطلع اسرع من التربه الطينيه متقلقيش
بس انا ملاحظ انه طالع فى مجموعات فحاولي "تخليه" بس مش دلوقتى يعني متخليش أكتر من نبته فى نقطه واحده لازم يكون بين كل نبته ونبته مسافه كافيه عشان تقدر تمتص الغذا اللازم ليها
وطالما الطين مطلعش حاجه جايز تقيل اكتر من اللازم ممكن تخلطيه بالبتموس بنسبة 50:50 او 60 بتموس و40 طين
وبخصوص النعناع فزراعته سهله ممكن تتفقى مع بتاع النعاع يجبلك شوية بجذوره وتزرعيه عادي
او زي ما قلت قبل كده : ممكن تشتري اى نوع نعناع عاجبك من السوق (بس يكون صابح مش دبلان) وتيجى على المكان الى هتزرعيه فيه - الى احنا ظبتناه وسقناه قبلها - وتغمسي العدان فى الارض افقيا (يعنى تجيبي العود وتنيمه على الارض بشكل عرضي وتضغطي عليه شويه لحد ما ينزل بمسافة 0.5 سم او أقل بحيث يكون العود فى التربه وطرفه بمساواة التربه) وبعدين تسقيه (رش) كل يوم فى اول اسبوع هيدبل وفى تانى اسبوع هتفتكري انه مات وفى تالت او رابع اسبوع هبدأ بنبت ويطلع ان شاء الله
ودول نوعين كنت زرعتهم عندي قبل كده
دا كنا اتفقنا مع بتاعت النعناع وجابتلنا شوية بجذروهم وزرعناهم وبعد كده هوا بيكتر ويتوسع
النوع دا معرفناش نيجيبه بجزوره فزرعته بنفس الطريقه الى قولت عليها وطلع وتمدد كده
وعلى فكره ده النوع البلدي الاصلى لو لاحظتى هتلاقى الورقه بتاعته اتخن و مدوره شويه عن النوع التانى
وده افضل من التانى وريحته اقوى وكمان الزيوت الى فيه اعلى من التانى
واهم حاجتين للزرع : 1- الشمس : يتعرض للشمس اكتر فتره ممكنه
2- المياه : متكونش قليله وفى نفس الوقت لو أكتر من اللازم بتأخر نمو الزرع
ما شاء الله
عقبالى : ) الله يبارك فيك
انا عملت موضوع النعناع ده فعلا من يومين كده
بس هى كل بذرة لوحدها وشكلها كده
بس فعلا الطين تقيل جدا عامل زى الجبس وبعدين لبست جوانتى ودورت على البرذ فيه مش لاقياه واللى لقيته محصلوش اى تغيير (كما كنت )
حتى فى بذر فى البيتموس محصلوش تغيير
طب والشبت باظ ليه؟
وشكل الكسبرة كده طبيعى ولا ضعيفة وبهتانة؟
مشكوووووور والله يعطيك الف عافيه
بخصوص اللون انا كنت مضبط الالوان فى الصور المرفوعه عشان تبان وضحه ونقدر نفرق بين النوعين بسهوله
وبالنسبه للبذور علشان تنبت اسرع الفلاحين بينقعوها قبل الزراعه فى ميه يوم او يومين تقريبا بس بتكون كمية ميه معينه وكمان بيحاولو تكون في درجة حراراه دافيه فى الكام ساعه دول علشان تساعد على سرعة الانبات "بس للأسف انا مجربتش الموضوع ده بنفسي قبل كده "
اما الى لسه مطلعش اصبري عليه شويه انا النعناع الى كنت زارعه أعد شهر على ما جدد وبدأ يظهر برغم انى كنت زارعه فى جنينه مش فى اصيص ومره زرعت دوار الشمس (عباد الشمس) وأعد برضو شهر على ما نبت فعادي انى الزرع يتأخر شويه فى الانبات خصوصا انه فى اصيص وكمان الشمس مش بتكون عليه بطول اليوم
وكمان مننساش ان فى بعض النباتات فى بعض الفصول بيكون نموها اسرع من باقى فصول السنه
اهم حاجة الصبر ..
الصبر اهو ده الى مش موجود: )
بس اناا فعلا نقعت الكسبرة يوم قبلها واعتقد ان ده سرع الأمور فعلا
(كويس انك بتقول دوار الشمس: )
كمان انا خدت الطينة النهاردة لعامل عندى فى الشغل وقال الشيرب ده وحش والتربة مملحة وهيجيب لى من ارضهم
وشهر انا مقدرش استنى شهر!!!!
عايزة اقولك ان بعد 3 ايام زهقت وسبته يومين لولا لقيت وريقة ترى بالميكروسكوب هى دى اللى ادتنى الأمل ولما دورت فى التربة ولقيتهم كلهم ناويين اتبسطت بقى
النعناع طلع يا جماعة مقعدش شهر ولا حاجة
بس فى فروع كسبرة مالت على جنب كده وبعدين ماتت انا خايفة تكون الحاجة بتطلع بسرعة وتموت بسرعة: (
فى فروع بقى بدأت تطلع شكل ورق الكسبرة بدل شكل الورق اللى فى الصورة
أهم شئ الري و يعرف بواسطة النظر (العين) و يكون سطح التربة جاف و تغيير في اللون الى اللون الفاتح و يتم التأكد عن طريق محاولة وضع أصبع اليد داخل الاصيص و يمكن الاحساس اذا ما كان بداخل التربة ماء ام لا و تختلف الاحتباجات المائية من نبات الى اخر و ايضاً حسب الظروف الجوية المحيطة به بمعنى في المنزل غير في الغيط.
البيتموس كان من الأفضل خلطة مع الطمي بنسبة 10 - 20% طمي و 90 - 80% بيتموس.
الغرض الاساس من البيتموس هو وجود تربة تحتفط بالماء لأطول مدة لكن لا يوجد بها اي عناصر غذائية للنبات رغم انها عبارة عن نباتات متحلله تحت ظروف بيئية خاصة (ثلج - بحار ....) فعند استعمال البيتموس لابد من تسميد النباتات و كذلك البيتموس يشرب كمية ماء كثيرة لذلك يزداد في الحجم.
بالنسبة للإنبات فيمكن ان تكون نسبة الانبات ضعيف و على ذلك لم تنبت كل البذور.
انا اشتريت له سماد فعلا علبة ب 25 ج
وفى مديرية الزراعة قالوا بلاش البيتموس خالص لأنه بيحوش الماء و ممكن الجذر يعفن!
الف مبروك على طلوع النعناع
حاولي تسيبيه كام اسبوع لحد مايكبر ويفرش فى الارض وبعدين اقطفي منه
بخصوص السماد خلي بالك متحطيش كتير لانه مش بكتره ولو ذاد بيزرق الزرع ويبطء نموه وممكن يحرقه (يعني يخليه يصفر ويدبل)
هم قالوا لى معلقة على لتر ماء ومكتوب عليه مرة فى الأسبوع فانا حطيت شوية صغيرين من اللتر
بس النعناع ريحته مش طالعة قوى
انا مستنية اللحظة اللى هطه على الشاى بقى : )
وقالوا لى اشترى شبك عشان العصافير بس مش عارفة ده يجى منين
وجبت ملوخية مش عارفة ليه !!
معلقة الشاي 5 جرام
معلقة الشوربة 10 - 15 جرام
المعلقة ممسوحة بمعنى لا شئ يعلو على سطح المعلقة كأن بالسكينة مشيت على حرف المعلقة كلها و شالت الزيادة.
5 جرام على لتر ماء كثير جدا، اغلب الاسمده 1 جرام للتر ماء.
ممكن اعرف قطر الاصيص اذا كان دائري او طول و عرض اذا كان مستطيل.
الأصيص دائرى حوالى شبر والمستطيل حوالى شبرين وهشترى ان شاء الله واحد مستطيل حوالى 4 شبر
السماد فعلا موت شوية نعناع
واسمه npk fertilizers 20-20-20
انا دورت على الفلين عشان ازرع فيه ملقتوش وحكاية الخشب اللى بيتفصل ده مش عرفة هعرف اعمله ولا لأ
بصراحه معنديش خلفيه عن موضوع الفلين والخشب ده
اهم حاجه يكون الاصيص ايا كان نوعه مخروم من تحت عشان الجذور متعفنش
والتسميد فعلا المفروض بيكون بنسبة 1:1 (واحد جرام للتر)
والنعناع يعتبر حساس شويه للاسمده ومش بيحتاج اسمده كتير (خصوصا فى المرحله الاولى)
بخصوص السماد 20:20:20 فده معناه نسب العناصر المكونه له
وترتيب العناصر من الشمال لليمين
النيتروجين : الخاص بنمو الاوراق أو الجموع الخضري
الفسفور : الخاص بنمو الجذور أو المجموع الجذري
البوتاسيوم : الخاص بنمو الثمار
التسميد بيكون: 1 جرام لكل 1 لتر ماء في حالة الرش الورقي (رش السماد على الاوراق)
2 - 4 جرام لكل لتر ماء في حالة ري النبات بالسماد (يكون التسميد مرة كل اسبوع او اسبوعين حسب الحاجه).
بالنسبة لحجم الاصيص علشان كمية الري و لا بد من مراعاة ان لا يزيد ماء الري عن حاجة النبات.
يجب التأكد من ان الاصص بها ثقب حتى يتم تصريف الماء الزائد.
كمية الماء حوالي كوب ماء للاصيص (شبر) و كوبين (شبرين).
ما المقصود بالفلين و الخشب؟
طيب المعلقة الصغيرة 5 جم يبقى حساب ال 1 جم ده هيبقى بالبركة
الفلين اللى بيجى مع التلفزيون ده وبيبقى مستطيلا ت متر فى متر والخشب بيتعمل ترابيزات بارتفاع 80 سم عن الأرض ويتحط فيهم التربة شفتهم فى منتدى
مش بحط كوباية مياه طبعا : -)
برش كده شوية وخلاص
شفتو الشطارة
عقبالى
تجاربي المتواضعه في حديقتي المنزليه الصغيره
فوم مش فلين و دي صواني للشتلات و ليس لزراعة نباتات بحجم كبير (لا يزيد النبات عن 20 سم طول).
1 جرام بيحسب بالبركة.
قللي ماء الري شوية.
ماشى: )
طبعا اللى فوق الكسبرة والنعناع
http://hh7.net/June4/hh7.net_13083998925.jpg