هل تعرفوا مركز أو بنزينة مضمونة عشان أعمل صيانة للراديتير و تكون في مدينة نصر؟؟
وسؤال اخر: عايز أجيب طقم كاوتشات..هل في ماركة أحسن من التانية أو ماركات أبعد عنها؟؟
عرض للطباعة
هل تعرفوا مركز أو بنزينة مضمونة عشان أعمل صيانة للراديتير و تكون في مدينة نصر؟؟
وسؤال اخر: عايز أجيب طقم كاوتشات..هل في ماركة أحسن من التانية أو ماركات أبعد عنها؟؟
صباح الخير
محطة كالتكس اللى فى نهايه الدائرى بجوار لابور مساكن الشيراتون موش بطاله بس خذ معاك منظف الرادياتير سولدر سيل جنكب 17 جم تقريبا و مياه التبريد موبيل تركيز 33 ب 45 جم او 50 % ب 65 جم حسب الموصى بها فى كتالوج العربيه و ضرورى ضرورى تفتح مفتاح السخن اللى فى مجموعه التكييف
الصنايعى اسمه محمد و قوله من طرف محمد عبد الجليل نايل موتورز و هيعمل اللازم
المده من 20 الى 35دقيقه .
التكلفه من 20 الى 30 جم .
انا فى الخدمة او لو تحب نتقابل عنده جمعه او سبت و ابقى معاك ...
دمت بود
تعبتك معايا ..ألف شكر لحضرتك
عندي كام سؤال: مفتاح السخن مكانوا فين؟ وهل الصنايعي بيكون عارف مكانه؟
المنظف ده باشتريه منين بالتحديد؟؟
عموما أنا هاكون سعيد أني أقابل حضرتك..لكن قبل ما أعمل المشوار ده عنيد مشكلة في تهريب مياهعشان كده كنت بسأل على مركز صيانة محترم
اعتقد مفتاح السخن المقصود بيه انك تشغل المكيف على الوضع الساخن
لان التكييف السخن بتاع العربية بيعتمد انه بيجيب الحرارة عن طريق مواسيل متوصلة بدورة تبريد المحرك
عشان كدة الزميل بيقولك وانت بتغسل دورة التبريد تشغل التكييف على السخن عشان الغسيل يشمل مسارات مياة التبريد بالكامل
صباح الخير
اعتذر للتاخير فى الرد لاسباب خارجه عن ارادتى شاشرحها لاحقا
و بالنسبه لاستفسارك ارجو متابعه الاتى :-
1 مفتاح تشغيل السخن فى السياره المقصود بيه المفتاح الموجود بلوحه التحكم الخاصع بمكيف هواء الكابينه و لذا اوضح للساده الزملاء ما يلى
ا - تتكون لوحه التحكم فى درجه حراره الكابينه لمعظم انواع السيارات من 3 اجزاء مهمه هى كالتالى
1 مفتاح سرعه المروخه ( غالبا 4 سرعات ) و ذلك للتحكم فى سرعه خروج الهواء من فتحات الخروج.
2 مفتاح او ذراع جابنبه على اليمين احمر و على الشمال ازرق و هو ده المقصود اى انك لما تحتاج هواء ساخن تلفه فقط على الجنب اليمين و العكس صحيح .
. مفتاح التحكم فو مكان خروج الهواء المطلوب خروجه سواء كان ساخن ام بارد و يتحكم هذا المفتاح فى خروج الهواء من التابلوه / الاقدام / الداش بورد اى الزجاج الامامى و لكل مكان استخدام بس اللى احنا بتستخدمه باستمراراللى فى وش التابلوه.
و يمكن عند غسيل دوره التبريد عدم تشغيل المروحه الداخليه بل نكتفى فقط بتحويل الذراع او لف المفتاح ناحيه اليمين ( الجزء الاحمر ).
و نراعى فبل ما نعمل الغسيل لازم نتاكد من جوده الخراطيم و انها مافيهاش تنفيس او اى انتفاخ .
و الاهم جدا و المطلوب مراعاته ان الشرح السابق ده للسيارات اللى بتستخدم مياه تبريد اصليه او معالجه من البدايه نظرا لان الزملاء المستخدمى مياه عاديه اكيد هتكون عملت املاح و ترسبات داخل الوحده التسخين الداخليه و ممكن يحصل تسريب فيها بعد كده
اخير ا المنتجات دى متواجده فى المحطات الكبيره و الساده المعتمدين لبيع لوازم الاككسسوار
و اذا حد محتاجنى معاه انا فى الخدمة
دمتم بود .