تزويد المياة في الفيليشيا

**koko2002** · 03-05-2011 11:29 AM

أنا بازود القربة مياة كل 15 يوم بواقع كباية مية تقريبا .. علما أنا عارف أن دورة المياه مغلقة في أي عربية .. مفيش عندي تسريب .. مفيش خرم في الرديتاتير .. أو الخراطيم .. مش عارف إذا كان ده طبيعي ولا لأ .. العربية موديل 96 .. عاوز اعرف من الأخوة الأعضاء .. هما بيزودوا ميه كل أد إيه

**mada3030** · 03-05-2011 12:04 PM

طبيعى جد وبسم الله ما شاء الله
يا باشا لازم تكون فيه نسبه تهريب صغيره علشان الميه بتوصل لدرجه الغليان دا انت بتتكلم فى كبايه ميه

**ABO_MAREM** · 03-05-2011 12:16 PM

طبيعى جدا واحمد ربنا دا عباره عن بخار المياه الى بيخرج الصبح من الشكمان

**ayman20100** · 03-05-2011 02:22 PM

طيب انا ياجماعة ممكن ازود لتر كل يومين وممكن لتر ونص كل 3 ايام لو مشيت كتير مع العلم ان العربية ما فيهاش اي تسريب خالص واضح للميه والميه ديه ياما بتتبخر ياما بتتسرب من ماكن مش عارف اشوفه انا او المكيانيكي
للعلم العربية درجة الحرارة القصوى ليها 90 وبتنزل مع المروحة العادي ياعنى وشم بتعرض لسخونة جامدة

**AhMeD MeTwAlY** · 03-05-2011 03:03 PM

انا مش بزود العربيه غير نادر جدااا بس ده تبع حركة العربيه زي البنزين العربيه واقفه في البيت مش بتشتغل زي عربيه بتسافر كل يوم

**zyadahmed** · 03-05-2011 10:58 PM

بازود كل 3 شهور او شهرين كمية بسيطة جدا لانى باستعمل مياه خضراء

لكن مياه الحنفيية لما كنت باستخدمها كل اسبوع بتتزود لانها بتغلى وتتبخر

**koko2002** · 04-05-2011 09:48 AM

تزويد المية لترين أو لتر ونص كل يوم ده أكيد معناه إن فيه تسريب أنا حصللي الموضوع ده مرتين .. المرة الاولى كان فيه خرم صغير قوي في الرداتير مظهرش غير لما حليت الريداتير .. لحمته وكل حاجة اتظبطت .. ومرة تانية كان في خرم في كوعة شبه الفنجان مكانها صعب قوي والميكانيكي قعد نص يوم عشان يحلها ويغيرها .. ومش ممكن تتعرف عليها من الكشف الخارجي .. الكوعة دي من ناحية طلمبة المية .. عاوز اضيف احتمال كمان وهو أن يكون فيه وش سلندر .. وفي الحالة دي مش ضروري تعمل طحينة .. ممكن تكون المية بتسرب من البلوك على الشكمان وتكون المية بتطلع من الشكمان

**EngAhmedSayed** · 04-05-2011 10:15 AM

زى الفل
ربنا يبركلك فيها
امسك الخشب

**koko2002** · 05-05-2011 11:20 AM

المشاركة الأصلية كتبت بواسطة mada3030

ايوه بس لو فى تسرب فى البلوكه هيكون مستوى الزيت عالى وتانى حاجه العربيه هتسخن
ما تخضش الناس يا باشا
بس انا بسال على البودره اللى بتلحم الشروخ دى استعمالها ازاى

أنا أسف بس معلومتك غلط .. معنى إن مستوى الزيت عالي إن تكون المية دخلت على الزيت .. وفي الحالة دي أكيد الزيت حيعمل طحينة .. اللي أنا قصدي عليه تسريب من المجرى إلى ماسورة الشكمان .. وده مش ضروري يكون كسر في البلوك أو أن وش السلندر عاوز يتخرط .. ممكن يكون بسبب أن الجوان ضرب من الحرارة .. وغالبا بيكون الجوان ضرب من فوق .. يعني من ناحية مجرى المية .. مش من تحت من ناحية الزيت.. و ده ممكن يتحل بتغيير الجوان بس وصنفرة وتنظيف وش السلندر قبل التغيير.. او عمل كشطة بيسطة نظافة يعني عند الخراط .. بالنسبة للبودرة أنا مجربتهاش .. بس الميكانيكي بتاعي قالي عليها إنها وهم وخرافة بس مقدرش أأكدلك كلامه .. أنت عارف أن كل الناس بتفتي