الموضوع: تقرير رحله العين السخنه بقياده كريم منير

المشاركة الأصلية كتبت بواسطة mtak

يا راجل تيجوا لحد السويس و ما تقلوش
انا شغلى قبل المرسى ب 10كيلو و اكيد عديتوا عليه
تنكات بيضا كبيره فى وسط الجبل
بصراحه كان نفسى اطلع معاكم طلعه زى دى
يا ريت المرة الجايه يكون لى نصيب فيها

يا راااااااااااااااااااااااج ل
والله لو اعرف كنت كلمتك نتقابل يومها خصوصا اننا مخلصين بدري وكان ممكن نشوفك
تتعوض يا باشا باذن الله

المشاركة الأصلية كتبت بواسطة dr ahmed

سرد جميل بس حاسس إن فيه جزء مفقود فى القصة ياترى إيه هو؟

بلاش انا اقوله يا دكتور
اصله متشفر ومش بييجي علي النايل سات
بس كريم عنده شيرنج وممكن يفتحلنا الشو تايم ويقولنا هههههههههههههههههههههه

المشاركة الأصلية كتبت بواسطة nabaster

ونعم الصحبه

من الصور انا اتخيلت شكل اليوم

وان شاء الله لو رتبتوا لرحله يوم كامل انا معايا اكتر من خمس او ست افراد

وفي عدة صيد تكفي 10 اشخاص غيرنا كمان :)

بس تكون بعد الامتحانات ونظبطها سوا لان الناس الي معايا من ساعة ما شافوا الاعلان وبيكلموني علي رحله

فرصه نتجمع بقي كلنا

رتب يا كريم انتا وشنوري وانا وش معاكم ان شاء الله

a.yakout

باذن الله نتجمع في فرصه تانيه يا احمد بيك ويبقي يوم حلو

المشاركة الأصلية كتبت بواسطة damasry

والله يا دكتور لو فيه جزء مفقود كريم منير يدخل ويوضحه :)

قولتش حاجه انا !!!!!!
ههههههههههههههههههههههههه ههه

المشاركة الأصلية كتبت بواسطة heshamzaky

أية دة ما شاء الله الله أكبر تحفة بجد حاجة تفتح النفس بجد . أنا شوفت أسعارة من السايت بتاعهم هو حمولتة 10 أفراد من غير الطاقم صح كدة
الفرق بين الرحلة 12 ساعة و اليوم 250 جنية يعنى ببيات تبقى حاجة وهمية بجد و ممتازة

تخيل اني معرفتش فرق السعر ده غير بعد ما رجعت
لو كنت اعرف قبلها كنت صممت اننا نكمل لتاني يوم

المشاركة الأصلية كتبت بواسطة abouleila

والله يا محمد انت مشكلة انا عينى دمعت ياعم من الضحك

الرحلة شكلها تحفه فعلا ويارب المرة اللى جاية اكون معاكم

يلا يا $^^%#^^&*&)
ههههههههههههههههههههههههه ههه
حبيبي يا ابو ليلي وباذن الله المره الجايه نشوفك وتقضي معانا اليوم

المشاركة الأصلية كتبت بواسطة karim_monir

تقرير مسخرة كالعادة يا شنوري
اليوم كان رائع فعلا
اهم حاجة في الرحلة دي يا جماعة الصحبة وريس المركب
الصحبة كانت رائعة ومنسجمة تماما ورغم ان فيهم 3 معرفهمش قبل كدة الا انهم كانو منسجمين مع الرحلة تماما
ريس محمد زي الفل اي حاجة بنطلبها بتيجي من اول ما طلبنا مشتريات اكلة السمك والجمبري السويسي وجابهم من السويس قبلها بيوم لغاية الشيشة بتاعت الشباب الليماليش دعوة بيها
والريس كمان اللي عمل الاكل واكل ل 9 افارد اخد منه 4 ساعات متواصلين فعلا مجهود يشكر علية
وفي حيات يماكلتش اكلمة سمك بالحلاوة دي
الاكل السويسي حاجة تانية خالص غير بتاع اسكندرية
لا مؤاخذة يا اسكندرانية يعني تركنو على جنب جنب السوايسة
الشوربة مش طبيعية فعلا واللي بيتذوق الاكل هايعرف قد ايه متعوب فيه
مكنش فيه صدي كتير لام معناش عدة واحنا طالعين نتفسح هما صنارتين وكام حدافة ومحدش فينا بيعرف يصتاد احنا طالعين ناتخ ونستجم
ان شاء الله الطلعات الجاية تكون مع صيادين محترفين
والجزء المفقود معلش اصلي بقيت انسى كتير ومش ناوي افتكر اي اجزاء طبيعية ملونة في الموضوع :-)
واللي هايفتح بقه هايتحول لاول عضو سابق في تاريخ المنتدى :-)

شكرا حسن ابو عبد الرحمن صاحب المركب على لفتتك الطيبة
شكرا ريس محمد
نشوفكم على خير

هو انت كل ما تاكل عند حد حتعيب في اللى قبله
انت ايه يا اخي مبترحمش
وعاوزين الاجزاء الملونه بدل ما اعرض اجزاء شبيهه واقول ان الاصل عند كريم
ههههههههههههههههههههههههه ههههه