الموضوع: ايه رايكوا فى m40 اوتوماتيك

المشاركة الأصلية كتبت بواسطة samehelrewesh

ياجماعة انا معايا 318 موديل 89 وكنت عاوز اغركب فتيس اوتوماتيك ايه رايكوا ف الموضوع دا
سبب انى عاوز احول اوتوماتيك لان مبقتش مستحمل السواقة ف مصرمن الزحمة
فا انا كنت عاوز اسال لو حد مجربه فيه مشاكل ولا عادى
وانا سمعت ان ليها فتيس فيه سبورت درايف هل الكلام دا صح ولا غلط
وياريت لو حد يعرف سعره وتكلفت تركيبه قد اييه

السلام عليكم

الفتيس الموجود به خاصية القياده الرياضيه هيكلفك 5000 جنيه. المشكله إن وجدت فى الفتيس بتكون فى جزء اسمه البودى بلف و هو المسئول عن تغيير السرعات من الأولى للثانيه إلخ... و تكلفة البودى بلف اسيتراد ب 2000 جنيه لا قدر الله إن اضطرت إلى تغييره. لكن المشاكل تأتى من الأستخدام السىء و الأهمال غير ذلك إن شاء الله لا يوجد مشكله. تكلفة التركيب على حسب الميكانيكى منهم من يطلب 200 و منهم من يطلب 300 إلخ... و انا من رأيى إن حضرتك تولى موضوع شراء الفتيس و تركيبه للميكانيكى حتى إن وجد بالفتيس عيب لا قدر الله يصبح هو المسئول عن تغييره.

المشاركة الأصلية كتبت بواسطة samehelrewesh

تمااام متشكر اوى يا رجالة على الكلام دا
بس سؤال 5000 جنيه دا مش كتير اوى على فتيس ؟؟؟؟
امال لو جبت موتور بفتيسه هيبقى بكام ؟؟؟؟؟؟

السلام عليكم.

الفتيس حاليا ب 3500 جنيه من التاجر كلاما يعنى عند الجديه ممكن تشتريه بأقل من هذا السعر تمام :)

المحرك على حسب سعته و نوعه هنقدر نقول لك على سعر. لكن ما لم تطلب محرك فقط أو محرك و تشترط الفتيس الأتوماتيك بتشترى المحرك + طقم العدادات + طقم الدواره الخاصه به و بيكون معه الفتيس المانيوال.

المشاركة الأصلية كتبت بواسطة samehelrewesh

للتوضيح بس الفكرة فى انى لو هغير المتور ان المتور اللى عندى عاوز يتظبط وانا زهقت كل ما اروح لواحد يقولى افو وواحد يقولى طرمبة وواحد يقولى كامات والمتور مش عايز يتظبط
بس هو بصراحة قبل كدة كان ادائه ممتاااااااااااز فعلا وانا مش محتاج اكتر منه
فا قلت طلاما المصارف داخلة ف حوالى 2000 جنيه فا استنى شوية واغير متور حتى لو هجيب واحد زيه
الناس قالتلى طلاما هتغير يبقى هات حاجة اشد شوية
بالنسبة للفتيس انا كدة كدة ان شاء الله هغيره اذا كان على المتور دا او اجيب متور تانى بفتيسه الاوتوماتيك لان مصر بصراحة خلاااص ميتركبش فيها عربيات

إذا كنت هتغير لمحركات 6 سليندر فأنت على الأقل تحتاج ما لا يقل عن 10000 جنيه لأنك هتضطر تغير العفشه من 4 سليندر إلى 6 سليندر و هتضطر تغير الكرونه و عمود الكردان و الريداتير و قواعد المحرك و الشكمان إلخ... فى حالة ال 10000 جنيه أنت هنا تتكلم عن محرك 2000 سى سى أسود "M50B20" تمام. أما المحرك ال 2000 سى سى الأبيض + الفتيس المانيوال فقط ب 4500 جنيه لكن طبعا فى أشياء أخرى هتضطر تغيرها كالتى ذكرتها بالأعلى أما فى حالة انك قررت تغير لمحرك 4 سليندر حتى لا تقحم نفسك فى تغير عفشه و ما إلى ذلك فأنت إذا كنت محدد محركات عاديه فا لاي يوجد أفضل من ال M43B16 و ال M43B18 أو فى حالة انك هتشترى محركات السيارات ال 318 الكوبيه المعروفه بال 18iS فعندك محركين ال M42B18 و ال M44B19 تمام. و أن شاء الله خير و ربنا يوفقك.